سمعت قبل هيك بمصطلح الإعلان الطعم 😳😳
شو المقصود بالbait advertising ( الإعلان الطعم)
صارت معك من قبل انه شفت اعلان ولما رحت عالمكان حكولك للأسف المنتج خلص وعندنا اشي بمواصفات احسن وسعر أغلا؟!
تبع الثريد لنتعرف ع هاي الاستراتيجية😍🤩
@mkt_chess

استراتيجية اعلان الطعم/ أكتر اشي بيستخدموها المسوقين الي بيسوقوا لأماكن موجودة على أرض الواقع
الفكرة انه بيتم تجهيز اعلان بمحتوى قوي جدا وتصميم قوي كمان وبيكونوا دارسين المنتج الي حينعمل عليه الاعلان بشكل جيد
بيحطوا سعر عرض وبالأغلب بيكون سعر مغري جدا
وبيتم اطلاق الاعلان

لو كان الاعلان مستهدف صح "وبالغالب بيكون صح" بيروحوا الناس على المحل "على أساس يشتروا المنتج الي كان بالإعلان وبنفس السعر" ولكن الإجابة بتكون للأسف الكمية خلصت، وببدأ الشخص يعرض على العميل منتجات تانية بجودة أفضل وسعر أغلا
وبالغالب بما انه الشخص ايجى يعني محتاج للمنتج فبيشتري

وكمان بتكون فرصة اكبر لصاحب البزنسس يحكي مع العميل بشكل تفصيلي اكتر يشرحله عن منتجاته ومميزاته، يخليه يطلع على الموجود
وفي معظم الأحيان الأشخاص بشتروا اكتر من شي على الرغم بيكونوا جايين لشي تاني
انتبهت لهاد الاشي من قبل؟! طيب عمرك طبقته لعميل بشغلك؟!
برأيك استراتيجية ناجحة او لا؟