وحدة من الحالات اللي كثير غريبة كانت لشخص تحول من طبيب عيون بشك انه المريض عنده شلل بالعصب الثالث من الاعصاب الاساسية لانه صار عنده فجأة وهو بالحديقة توسع بحدقة العين بجهة وحدة وبطّل يستجيب للاضاءة بشكل مباشر وغير مباشر
طبعا بعد ما انقبل وانعمل برنامج تشخيصي كبير اله عشان نعرف الخلل، انطرح عليه سؤال من استشاري لغى البرنامج كله، وهو انه شو نوع النباتات اللي عنده بالبيت
وحكى انواع النباتات اللي عنده وشو اللي تعامل معها وطبعا انا ما فهمت منها الا البندورة. وطلعت عنده هاي النبتة الحلوة
هاي النبتة اسمها brugmansia في طريقة بحيث انه بستخدموها بالكيك، النبتة شكلها كيوت وكذا بس هي مش هيك.
وحدة من آثارها الجانبية لاستخدامها بالاكل او الطبخ انها بتعمل ذهان وهي حالة مش طبيعية للدماغ ببطل يعرف فيها الاشياء الحقيقية من غيرها.
السبب بهاي الحالة كان انه هاي النبتة بتحتوي على مادتين فيها بنتقلوا للعين اذا الواحد لمس عينه بدون ما يغسلها بعد ما اشتغل فيهم وهمة الatropine والًscopolamine واللي بدورهم بعملوا توسع كبير بحدقة العين ممكن يخلي اي شخص ولو خبير يشك بشلل العصب الثالث
هاي برضو من الكفوف اللي اكلتها من النيورو😜
جاري تحميل الاقتراحات...