سنة ٢٠١٣ كنت عايز أشتغل في البيج داتا أو الداتاويرهاوس ومش لاقي شغل في مصر خالص ... قعدت مع نفسي وقولت هشتغل أي حاجة وهعمل لنفسي Development plan هشرح أنا فكرت أزاي يمكن حد يستفيد من الموضوع (وممكن الطريقة تكون مش مناسبة لكل الناس) ثريد ⬇️
أول حاجة فكرت فيها هي إني كنت شخص مشتت مش عارف امشي على حاجة واخلصها. قولت أنا عايز اتعلم مثلا بيج داتا هعمل ايه؟
لاقيت سلسلة كورسات على كورسيرا ولاقيت كتاب مشهور قولت خلاص مش هعمل حاجة تانية غير إني اخلصهم كل يوم هقرأ نصف ساعة في الكتاب تقريبا ٢٠ صفحة وهشوف فيديوهات ربع ساعة1⃣
لاقيت سلسلة كورسات على كورسيرا ولاقيت كتاب مشهور قولت خلاص مش هعمل حاجة تانية غير إني اخلصهم كل يوم هقرأ نصف ساعة في الكتاب تقريبا ٢٠ صفحة وهشوف فيديوهات ربع ساعة1⃣
لما بدأت الكتاب والكورس في ناس كانت بتبعت كورسات بيقولوا أفضل كبرت دماغي وقولت هكمل اللي في إيدي وخلاص ونفس الكلام على الكتاب. برده كان بيقع تحت إيدي حاجات أنا مهتم بيها وعايز أقرأ عنها كان ساعتها مثلا ال Functional Programming برده كبرت دماغي وفضلت محافظ على تركيزي لغاية الآخر2⃣
برده وأنا بتفرج على الفيديوهات كان في حد بيقولي مش لازم الكتاب ركز على الكورس بس ... برده مسمعتش الكلام وفضلت مكمل في الأتنين وبعدين اكتشفت إن الكتاب كان فيه تفاصيل أفضل من الكورس جداً ... برده كنت بحاول احتفظ بالمقالات اللي كنت بحس إنها مهمة ومش بضيع وقتي إنها تشتتني 3⃣
بعد لما خلص السلسلة قلت أنا انجزت بالطريقة ديه ايه بقى ممكن احسنه لاقيت إن في حاجات ممكن اعملها في الوقت اللي مابين الحاجات زي مثلا المواصلات أو إنتظار المترو لما كنت في مصر اشتريت تابلت وبدأت أقرأ المقالات في الوقت ده وفعلاً بدأت اشعر إن الصورة الكبيرة للموضوع بدأت توضح 5⃣
خلصت الكتاب وبدأت ارجع زي الأول قعدت شهر كامل بدور على كتاب تاني أكمل على الكتاب الأول بالذات إن الكتاب الأول كان كبير حوالي ٨٠٠ ورقة ... المهم عشان اخلص كلمت أستاذ الماجستير بتاعي ورشحلي كتاب كان ٣٠٠ ورقة خلصته تقريبا في شهر وبدأ يبقى روتين لازم كل فترة (كتاب + كورس) 6⃣
كان فيه مشكلة واحدة بقى واجهتني إني كنت بدأت أيأس لأني ببذل مجهود وبذاكر ومش لاقي الشغل اللي بحبه ... صديق قدم ليا في إتصالات مصر وكانت نقلة في حياتي إني اشتغلت في الداتاويرهاوس ... طيب هل الكتاب والمذاكرة كانوا هم السبب؟ 7⃣
الحاجات اللي فاتت ديه خلتني اخش الأنترفيو اجاوب على كل الأسئلة واتبقى موضوع التوفيق من عند ربنا وإني معنديش خبرة بس حابب المجال ... المهم اتقبلت ومن ساعتها كنت بركز على كل التفاصيل في الشغل ومش بوقف التعلم وكنت ساعتها بحضر ماجستير في جامعة النيل وكان في balance كويس مع الشغل 8⃣
نفس الكلام حصل مع إتصالات الإمارات لما كنت أول واحد يروح التيم هناك عشان اساعد في بناء البلاتفورم من الأول . المرحلة ديه كانت كلها بحاول اتعلم بنفسي واعمل اكواد كتير حتى لو ملهاش علاقة بالشغل وده ساعدني لما احتجتها في الشغل وكنت تقريباً بذاكر كل أسبوع يوم من أيام الويك إند كله9⃣
أخيراً مع الوقت الطاقة بتقل والمجهود بس لازم طول الوقت بذاكر حاجة وقت قليل بس مستمر على سبيل المثال قبل لما اجي لندن كنت بذاكر aws cloud وديه سلسلة طويلة من الكورسات كنت محافظ على ساعة في الأسبوع عشان اتعلم فرقت معايا جداً في الأنترفيو مع إني مكنتش شغال بيه في الشغل 🔟
حاجة كمان بعد آخر حاجة 😂 طول لما أنت مش شايف الصورة الكبيرة للشغل بتاعك هتتعب في التعلم حاول ابذل مجهود في فهم الصورة الكبيرة واشتغل من الكتاب قبل التوتوريالز عشان تقدر تستريح بعدين في فهم الحاجة. 1⃣1⃣
رد على سؤال جالي، لو فيه خيار إني أقرأ كتاب ولا اشوف كورس هقرأ كتاب 📖 العلم اللي في الكتب مش موجود في كورسات حتى الفيديوهات اللي بعملها بقول إنها مش بتغطي محتوى الكتب واللي فعلاً مفيدة إنك تكون معلومتك وفهمك بالموضوع. التفاصيل ديه هي اللي بتخليك متميز لما تصطدم بالمشاكل 1️⃣2️⃣
أي حد بيبقى مستعجل للوصول وهو بيتعلم بيتعب وده بسبب تشعب المواضيع وإنها محتاجة وقت … وعشان كده بقول الموضوع مارثون سباق مش سبرنت يعني كل يوم نصف ساعة قراءة 📖 وسبها على الله على المدى الطويل هتوصل إن شاء الله 🙏1️⃣3️⃣
جاري تحميل الاقتراحات...