عندى موضوعين مهمين عن سوق العقارات و سوق السيارات …
فى جريمه بتتعمل فى سوق السيارات فى مصر اسمها over price … و ديه ملهاش علاقه خالص بنوع عربيه ده كل العربيات فى مصر بقى عليها over price و ده بقى حضرتك بيبتدى من ٣٠ الف ل ٥٠٠ الف … كل تاجر على حسب مزاجه و على حسب الطلب
فى جريمه بتتعمل فى سوق السيارات فى مصر اسمها over price … و ديه ملهاش علاقه خالص بنوع عربيه ده كل العربيات فى مصر بقى عليها over price و ده بقى حضرتك بيبتدى من ٣٠ الف ل ٥٠٠ الف … كل تاجر على حسب مزاجه و على حسب الطلب
طبعا الدوله ولا دريانه ولا حتبقى دريانه اصلا … لدرجه ان وكلاء العربيات اصلا مش عارفين يستوردوا و التجار الصغيرين بيستوردوا و فى علامات كبيره فى مصر بتفكر تقفل اصلا بسبب ان سوقها بيتضرب … الدوله كل هما الضريبه و بس لكن رقابه السوق او مساعده الوكلاء مفيش و ده طبعا عامل هلع
بالنسبه بقى لسوق العقارات فى مصر اللى داخل على مرحله الركود الكامل و فى مطورين اصلا بيفكروا يسحبوا استثمارتهم من مصر نظرا لان الدوله داخله منافس بس مش داخله اى منافسه لا ديه داخله واخده كل حاجه ببلاش و بنفس اسعار المطورين … حاجه كده اعجاز اقتصادى يودى فى داهيه
يعني حضرتك بتبيع شقه مكلفتش بسعر شقه اتكلفت ٦٠٪ من تمنها و خد عندك بقى كم المشاريع اللى وقفت و كم المشاريع الضخمه اللى عطلت … بس الدوله ماشيه فى طريقها … طيب مفيش حد فكر لما المستثمرين يعطلوا ده مؤشر لايه او فين المشكله …المهم فى مطورين بقى اساميهم كبيره راحت داخله ليفل الوحش
بقوا بيبيعوا الوحدات بسعرها بعد ٧ سنين و ٩ سنين و ١٥ سنه … يعني حضرتك لو قولتلهم حدفع تمنها كاش دلوقتي حتسمع سعر مالوش علاقه بسعرها كمان ٧ سنين يعني الشقه سعرها يبقى ٣ مليون تقسيط على ٧ سنين و لو اشتريتها دلوقتي تاخدها بمليون و نص و يقولك بدون فايده اومال ديه ايه كحك بعجوه
و اجمل و الاحلى بقى ان الدوله فى مشروعات ما قررت انها مش حتدخل المرافق للمشروعات ديه لحد ما تبيع شققها اللى هو حاجه كده عسل عسل … اعجاز يعني فحتلاقى نفسك ما بين شقه عفشه غاليه من شقق الدوله تستلمها دلوقتي بكل المرافق او شقه حلوه غاليه مش حتستلمها علشان مفيش مرافق اللى مدفوعه
فلما نرجع لموضوع اسعار الشقق اى حد حيقولك استثمر فى شقه دلوقتي يبقى بيضحك عليك لان ROI بتاع الشقق بيخسر و حيخسر جامد و لو حتى فكرت تأجر حتلاقى اللى دفعته لو حطيته فى بنك حيجبلك عائد اكبر بكتير حتى لو الفايده قلت … فمن الاخر علشان مطولش … فى عبس اقتصادى كده مش مفهوم
و حتلاقى فى لحظه ما كلنا صاحيين على قلم رهيب … اه بالمناسبه اللى متابع يعني مشروعات العلمين و العاصمه progress فيها قل كتير اوى … يعني لو المعدل ١٠٠٪ ممكن يكون دلوقتي ٢٥٪ و ده ناتج عن ان يا البيع قل يا مفيش سيوله يا الله اكبر كده حد فكر ان كده حيسقع فالاسعار تزيد
تنويه : هذا الثريد ليس له علاقه بالمطلبتيه او المراكيب اللى بياخدوا التويتات ديه فى مهاجمه الدوله … هذه التويتات تعبر عن واقع مجرد من اى اتجاه و لن يفهمها او يتفاعل معاها الا عاقل فلا داعى لمهاترات الدفاع المستميت العبيط او الهجوم الإلكترونى الممنهج الممول … و جزيل الشكر
جاري تحميل الاقتراحات...