جرب تروح مبنى النادي إللي بتشجعه سواء كنت أهلاوي أو زملكاوي وقولهم أنا بأشجع النادي من سنين وعايز أدخل
مستحيل هتدخل من الباب.ده ممكن كمان يطلبوا لك الامن .
عرفت قيمتك ؟ !
أنت مجرد حنجرة بدون مقابل ، إنت ولا حاجة بالنسبة لهم .
👇👇

عايز تهيص ؟ براحتك ؛
لكن بلاش تزعل صاحبك منك وتندفع وتفكر نفسك حاجة مهمة ،،
أنت بالنسبة ليهم و لا حاجة
و بالنسبة لصاحبك ممكن تكون كل حاجة.
بتحب نادي أيا كان إسمه .بس الحقيقة انك متعرفش تدخله أصلا .
لكن صاحبك أو قريبك فاتح ليك قلبه وبيته حتي لو بيشجع نادي منافس ليك.
👇👇

ياريت نعرف قيمة بعض وبلاش التعصب الأعمى لفريق بعينه يخسرنا بعض
دول 22 مليونير بيلعبوا مع بعض والخسران هو أنا وأنت.
عمرك سألت نفسك مره.
هل الكورة صلحت تعليم ولا أفادت صحة ولا عالجت فقر ولا نصرت مظلوم ولا حتي نصفتك انت ؟!!
👇👇

الكورة ولاعيبتها زي الممثلين ، مصلحتهم وبس ، ولا حتى تلزمهم الجماهير .
الكوره فى مصر وصلت لمستوى حقير جدا والله
ويارب الجمهور ميرجعش الملاعب عالوضع ده لانها هتبقي الطامه الكبري