اول شي حتى نبدا من الصفر ، ترا مو لازم تحتاج مبلغ وقدره من راس المال حتى تبدا تزيد من دخلك . تقدر تبدا ب 100$ او 1000$ ، في النهاية انت فتحت عقلك على شي جديد ويستاهل وصدقوني ممتع جدا جدا جدا جدا .
ماابغاك تنام بالليل وتصحى الفجر حتى تزيد دخلك ولاابغاك تطلع الظهر تحت الشمس حتى تزيد دخلك ولا ابغاك تسهر الليل كله حتى تزيد دخلك . نقطة عرق ماراح تطلع منك ، بجوالك وتحت المكيف ومتى مافضيت
كل اللي عليك تقرر انك تبدا وتخصص وقت بسيط تفيد فيه نفسك وتتعلم على شي جديد ومفيد لك بدل مااغلب وقتنا ضايع على غير فايدة بالجوال .
انا تعلمت كل شي وفتحت حسابات بمنصات كثيرة من دون مساعدة احد كل شي القى له شرح في اليوتيوب او فيه ناس حصلتهم بمواقع التواصل وافادوني . والله العظيم نععععمممممةةةةة
والخيارات كثيرة ومتاحة قدام عينك بس انت تعال لها وباذن الله وبعد توفيق الله لك رح تشوف خير وفوق هذا متتتععععةة ماراح تحس فيها الا اذا تعمقت ، يضرك لو عندك 200 ريال بدل ماتضيع منا والا منا تقعد تشوفها تزيد ؟
ممكن احد يسال يقول طيب اوكيه عرفنا وين نستثمر . اوك فيه عندنا سوق اسهم متاح للجميع ولا فيه اي شرط عليك حتى تدخله بس انت افتح محفظة وتعلم كيف تشتري وتبيع ورح تزيد معلوماتك مع الوقت من دون مااقولك انا لانك رح تحب هالشي وتبحث عنه وانا اضمن كلامي .
فيه شركات عندنا تعطيك صلاحية انك تبيع وتشتري في السوق الأمريكي وعقود الأوبشن . بدون شروط برضو بس قرر وادخل فيها ورح تتعلم شوي شوي
سوق الكريبتو ( العملات الرقمية ) ممكن اللي يقراها ومايعرفها بيقول هذا خرابيط وطبعا الامسان عدو مايجهل ، كلنا كنا اول مانسمع شي اسمه بتكوين نقول بس هذي النصبة . وفي الواقع فرضت نفسها وشفنا اكبر الشركات بالعالم تشتري فيها
العملات الرقمية فرضت نفسها على العالم لانه خلف كل عملة شركات وفريق عمل لكل عملة عندهم مشروع قادم وتعبانين عليه مو كلام فاضي وطبعا فيه منصات تعطيك الصلاحية انك تستثمر فيها وباللغة العربية يابوووي واضمن من المضمون
وكل اللي عليك مثل ماقلت بس عطها وقت وابحث عنها ورح تدعي لي . طبعا انا ماانكر ولا اخبي عليك انه فيها مخاطرة ولكن مافيه ربح وانت نايم وضامن
ممكن تبني ثروة ممكن تزيد من دخلك الشهري ممكن تزيد من راس مالك ولو شي بسيط ماحد مايبي الفلوس وكذلك ممكن تخسر جزء من اموالك وهذا يعتمد على طريقتك هل انت تتعامل مع هالاسواق وكانها لعبة والا اخذتها بمحمل الجد وتمشي بخطوات صحيحة
هذي البداية . ورح اعطيك من هلال هالحساب كل مااملك من معلومات والله يوفقك الجميع
جاري تحميل الاقتراحات...