يعني بأتجاوز الكلام الجارح مرة مرتين بس طول عمرك تسمع كلام جارح ومؤذي واذا اعتزلت الناس قالوا عنك نفسية، انا ما عندي مشكلة اصبر على أذاهم بس الصبر له وقت.

والا يجيك واحد ينظّر على راسك "المفروض الواحد يصير اجتماعي"، ترى مب كل الناس تقدر تصبر على الأذى ولا كل الناس عندها القدرة على الرد.

انا اصير اجتماعي مب حب في الاجتماعات لكن شيء واجب علي، وأحيانًا اذا واحد عرّض لك كلام في مجلس وعند رياجيل ودّك إنك تقوم عليه وتمسح به الأرض بس ما لك إلا تبتسم وتعطيه نظرة التسليك، والود ترد عليه بقاصفة و رد مفحم بس تبعات هذا الأمر ما ودك بها، وبعضهم يستفزك يبغى المشاكل.

وبعض الناس يمتحنك يشوف صبرك لأن ما بعد أحد قام عليه ولعن خامس جده، فتضطر تكون أول واحد يقوم بهذا الدور أو إنك تترفع عن كلامه وتتجاهله وهذا صعب ما كل الناس بتصبر.