ليلة 21/08/ 2013
1.ليلة الهجوم الكيماوي،ليلة مو ممكن تنسى أبداً و لا اللي صار بعدها ممكن ينسى، كنت متواجد في مدينة دوما في الغوطة الشرقية، الساعة 2 بالليل تقريباً كنت مع أحد الأصدقاء بسيارة بدوما و فجأة بتوقفنا سيارة تابعة لفصيل مسلح بدوما و نزل منها شخص أبو عمار(استشهد).
1.ليلة الهجوم الكيماوي،ليلة مو ممكن تنسى أبداً و لا اللي صار بعدها ممكن ينسى، كنت متواجد في مدينة دوما في الغوطة الشرقية، الساعة 2 بالليل تقريباً كنت مع أحد الأصدقاء بسيارة بدوما و فجأة بتوقفنا سيارة تابعة لفصيل مسلح بدوما و نزل منها شخص أبو عمار(استشهد).
أبو عمار كان قائد بفصيل مسلح و من أكتر الوجوه ممكن تشوفها قسوة (لح نرجع لقصتو) ، اجا عالسيارة لعنا و قال : ضربوا كيماوي بسقبا اطلعوا عالسريع اسعاف، و ركب سيارتو و طلع فورا، هاد كان أول انذار بسمعو عن الضربة،
طبعا هي ما كانت المرة الأولى اللي بيضرب فيها النظام سارين عالغوطة.
طبعا هي ما كانت المرة الأولى اللي بيضرب فيها النظام سارين عالغوطة.
تم استخدم السارين عدة مرات من قبل على جبهات الغوطة بعدرا خاصة و على أطراف المدن بكميات صغيرة سببت حالات اختناق، لهيك ما كتير أخدنا بالقصة و رجعنا عالنقطة الطبية اللي كنا نشتغل فيها نخبرهم باللي صار.
عالساعة ٣ الفجر تقريبا بلشت مراكز العمليات بكل الغوطة تعلن الاستنفار و تطلب اسعاف
عالساعة ٣ الفجر تقريبا بلشت مراكز العمليات بكل الغوطة تعلن الاستنفار و تطلب اسعاف
وقتها بلشنا نستوعب حجم الضربة، عالساعة ٤ الفجر بلشت الاصابات توصل لمشافي مدينة دوما و هاد كان شي كتير خطير.
هاد الشي كان بيعني أنو كل المشافي و النقط الطبية اللي بالغوطة (سقبا، حمورية ، عربين ...... الخ) تملت و صارت تحول اصابات لمشافي أبعد .
هاد الشي كان بيعني أنو كل المشافي و النقط الطبية اللي بالغوطة (سقبا، حمورية ، عربين ...... الخ) تملت و صارت تحول اصابات لمشافي أبعد .
بالطرف التاني من الغوطة بموقع الهجوم ، النظام استهدف المدن المطلة على المتحلق الجنوبي بشكل رئيسي (زملكا، عين ترما ، حزة ، أطراف عربين و كفربطنا) طبعا الموقعوالمستهدفة مدنية تماماً و هي خلف النقط العسكرية بمسافة منيحة، يعني هدف الضربة قتل أكبر عدد ممكن من الناس و خلخلة الوضع داخل
الغوطة، من ناحية الإصابات أول الشهداء هنن العوائل اللي نزلت مستوعبات الغاز أبنيتهم بشكل مباشر (استشهدو فورا و هنن نايمين)، بهي الفترة بلشت فرق الاسعاف بالمدن المستهدفة تتحرك لتسعف الناس بدون اي اقنعة او معدات لعدم توفرها و في الساعة الأولى استشهد كامل الكادر الاسعافي بهي المدن.
خلال ساعة انتشر الخبر بكل الغوطة و صار كل مين عندو سيارة مدني عسكري طبي ... الخ يطلع عالمدن المستهدفة لإسعاف الناس، و بما أنو كانت الناس نايمة كان الإسعاف يكون بإنو نفوت عالحي و نطلع على كل بيت و نكسر الباب و نفوت ناخد العالم من غرف نومها، طبعا الكل يا مستشهد اول غائب عن الوعي
أو عم يختنق و يطالع زبد من أنفو و تمو و مو قدران يحكي أبداً ، تخيل معي أنك عم تفوت عشارع كامل و تكسر باب ورا باب و تطالع نساء و أطفال غالبا مستشهدين أو عم يختنقو، قدام هاد المشهد حتى أبو عمار اللي مو ممكن تتخيل أنو هيك شخص يبكي، نزل على ركبو و بنص الشارع و صار يبكي و يقول يا رب
على جبهة تانية بعد الهجوم بساعة، بدأ النظام محاولة اقتحام الغوطة من نقاط جوبر و زملكا مستغل أنو غالب المقاتلين المرابطين من أهالي المناطق المستهدفة و أهلهم ساكنين بهي المناطق و جزء منهم رجع ليسعف أهلو، و فعلا تقدم على عدة نقط بجوبر لكن استنفار الفصائل وقتها منعو يتقدم أكتر
بعد فشل محاولة الاقتحام بلش قصف المدفعية و الصواريخ و استهدف بشكل أساسي الطريق الواصل بين المدن المستهدفة و صار في كتير شهداء من قصف المدفعية كمان غير الهجوم الكيماوي، بالمحصلة كانت نتيجة الهجوم 1600 شهيد و 5000 مصاب بساعتين بس، طبعا هاد العدد بس بالغوطة الشرقية دون الغربية.
بعد هي الضربة و لمدة أكتر من شهر ضلت النقاط الطبية ممتلئة بشكل كامل، و كتير من الأسر استشهدت و اندفنت بدون معرفة هويتها لأن الأسرة كلها ماتت و ما حدا تعرف عليها، اضافة لكتير من الأسر ضيعت أطفالها لأنو كل فرد من الأسرة أُسعف لمدينة مختلفة و جزء كبير من الأطفال استشهدو أهلهلم
و ما انعرفو أولاد مين لبعد فترة طويلة، هاد باختصار مخل جداً شهادة شخصية عن مجزرة الكيماوي، مجزرة بدون أي نقطة دم و قدام كل كاميرات العالم.
#لا_تخنقوا_الحقيقة
#الكيماوي
#الغوطه_الشرقية
#لا_تخنقوا_الحقيقة
#الكيماوي
#الغوطه_الشرقية
هذا الرجل بالصورة هو أبو عمار اللي حكيت عنو ، استشهد بعد فترة بعملية اغتيال
جاري تحميل الاقتراحات...