بمناسبه الرسايل اللى بنك مصر بيعتها من امبارح لتحذير العملاء بتوعه انهم ما يتعملوش مع اى حد ع بياناتهم انا حابه احكى حكايتى مع بنك مصر لانى احدى عملائه من سنه تقريبا وازاى البنك كان بيحاول يطرمخ ع الموضوع
من سنه تقريبا كان فيه شخص ما كلمنى انا وكذا صديق وعرف نفسه انه موظف من بنك مصر الادراه الرئيسه بعابدين وانه بيكلمنا بخصوص مبادرة لاصحاب المشروعات الخدميه من العملاء لتمويلها بفايدة5% المهم انا المهم من خلال الكلام الكل صدرنى ليه لانهم حاسوا ان عندى معلومات عن القروض والتمويل عنهم
فانا مكنتش مقنعه بشروط المبادرة اللى بيقولها لانى حاسها متساهله عن باقى البنوك وده مش طبيعى روحت سالت فى الفرع بتاعى قالولى مش عارفين عنها حاجة ممكن تكون الادراه المركزيه بتسوق ليها بعيد عن الفروع ودى كارثه فى حد ذاتها المهم خالتنى كان من ضمن شروط المبادرة اللى بيسوقها ان حسابك
يكون فيه25% من قيمة التمويل ثابتين فى الحساب المهم وافقنا وبدانا الخطوات اولا بيعت ليك لينك من الويب الخاص ببنك مصر تشترك من خلاله انا معملتش كده ولما اخدت اللينك وعملت سيرش عليه روحت فاتحته من الويب نفسه و اشتراكت منه وبدء تجى ليا رسايل انى اشتراكت فى المبادرة من نفس الاكاونت
بتاع البنك اللى بيبعت ليا رسائل بحركات الحساب بتاعى وانى اشتركت فى المبادرة ومره طلبك قيد الاستعلام و تم الموافقه عليك فى المبادرة لماحب يعمل مكالمة تاكيد ياخد منى بياناتى ع الموبيل رافضت وع فكره كان بيكلمنا من رقم ارضى لما عملنا سيرش عليه ع جوجل طلع رقم بنك مصر الفرع الرئيسى
بالسيدة زينب و الموظف نفسه سألت عليه بالاسم وكان موجود فعلا موظف بالاسم ده قالى خلاص كده ممكن الاجرات تاخد وقت انا كنت بعمل الخطوة دى للسرعة رديت انى مش مستعجله خد وقتك وكان فى نفس الوقت بيتعامل مع اكتر من حد قولتهم يوقفوا التعاون معاه و يمسحوا الابليكيشن من عندهم وينزلوها تانى
بعدها يكلموا خدمه العملاء علشان يربطوها ببعض للاسف ابليكيشنز بنك مصر بتتربط عن طريقىخدمة العملاء المهم واحدة منهموهى بتعمل كده شاكت فى اللى رد عليها فى خدمة العملاء انه هو نفس الشخص اللى بيتابع معانا ولما كلمته باسمه وارتبك والخط اقطع اكلمت تانى بس طبعا رد عليها حد تانى مش يوقف
ع كده لا كمل وحب يخلنى طعم لاصحاب باعتلى رسالة من اكاونت البنك بردو ان اتوجه للبنك فى الميعاد المحدد للتعاقد فى الفرع الرئيسى بالقاهرة وكتب العنوان لما روحت اتفاجات ان المكان ده فى 3فروع جنب بعض لبنك مصر اتصل بيه يرد كل فين وفين ويقولى انا هنزل اخدت المهم لقيت صاحبتى بتكلمنى
وبتقولى انه بيكلمها ياخد منها بيانات قولتلها تقوله لما تقابل دينا خد منها البيانات وبدأت ادور عليه واسال عليه فى الفروع لقيت الاسم موجود فعلا فى الادارة المركزيه مبنى 33دور 4 موظفين بنفس الاسم موجودين فيه والامن بقى يسألنى مين فيهم كلمت اصحابى حد عنده ع فيس بوك بما انه رقمه موجود
عندنا لقيت حد منهم كان كلمه مره ع ماسنجر فيه باعتلى صورة البروفيل بتاعه متصور جنب لوجو البنك سألت الامن ع صاحب الصورة وطلع فعلا موظف موجود فى البنك وقابلته ولسه بقوله لطعنى كل ده قالى انتى مين بعرفه بنفسى قالى لا محصلش اى مكالمات وانا فى حد منتحل شخصيتى وعامل اكاونت ع الفيس بوك
باسمى وكان بيكلم حد من دمياط بردو وانا عامل اثبات حاله وحسيت ان مدام اعتماد بتكلمنى وانه عادى يعنى قولتله انت مش مهم انت موظف انا جايه بناءا ع رساله جاتلى من اكاونت البنك بتاعلى اللى بيرسانلى من سنين و البنك اللى محددالميعاد وطبعا بصوت عالى هنا لقيت حدكبير قام ليا وقاعدنى وبدأ
يسمع الحكايه ومكنتش اول حاله الجديد كان فى حالتى مراسلة البنك ليا وبدأ يشوف الرسايل ويأخد منها اسكرين شوت وطلعنا لادارة الحوكمه وبدأوا يقولوا اصلا الكول سنتر اوت صورص ممكن يكون هما اللى بيعملوا كده انا قولتهم انا هعمل شكوى ومحضر اترد عليا ان متاخدش منك حاجة قولتهم بياناتى وحسابى
مفتوحين اقصاد شويه نصابيين وادارة البنك البنك مش قادرة تحمى العملاء بتوعها هعمل محضر بالرسايل اللى وصلتنى منكم وفعلا طلعت ع مباحث الانترنت بالعباسيه وكنت كلمت باقى الناس انها تخلى بالها ونزل حد من اسكندريه كان مسجل المكالمات من ارقام البنك اللى كان بيكلمنا منها علشان نعمل محضر
اثبات حاله لاقينا البنك باعت الموظف اللى قال ان فى حد بينتحل شخصيته واقف قبلنا علشان يعمل اثبات حاله واحنا نشهد معاه كلمنا الناس اننا جايين نعمل محاضر بsms لدرجه ان امين هناك قالى دى مبوعته من رابط قولتله لا ده اكاونت البنك اللى بيبعت ليا رسايل حركات السحب فتنح شويه وقالوا لينا
انتظروا شويه كلمت ظابط معرفة اقوله لو يعرف حد يخليه يساعدنا علشان الحق ارجع اسكندرية فى نفس بدرى رد عليا بعد شويه قالى دينا مش هيعملوا ليكى محضر متوصى بكده وفعلا اخدوا اقوالنا فى محضر اثبات بتاع الموظف ولما اعتراضت وقولت للظباط انا ماليش دعوة اذا كان هو الموظف ولا لا انا بتهم
البنك بعدم حمايه بباناتى وان فى نصابين رسالونى من خلاله سالنى اتاخد منك حاجة قولتله لاقالى مقدرش اعملك حاجة رجعت اسكندريه وروحت فرعى تانى يوم قالبوا الدنيا وبعتونى فرع السلسلة قلب الدنيا بردو كلموا القاهرة وبلغوا الشكوى واخدوا ميعاد اننا نروح نعمل شكوى والبنك لازم ياخد اجراء
وسافرنا القاهرة تانى حاولنا لادارة الشكاوى الموظفين مكنوش مصدقين الرسايل بتجى من اكاونت البنك لحد ما فروا الاكاونت كامل وعاملنا شكوى واخدنا رقمها وعملنا بيه اثبات حاله فى قسم عابدين و لحد دلوقتى ولا حد عبرنا بس كان الواضح واحنا بنتقل ان نيه الطرمخة واضحةاهى فاحت
جاري تحميل الاقتراحات...