🇸🇾في حب سوريا واهل سوريا🇸🇾
ثريد اهديه لكل ولاد المتسخة اللي عايشين وسطينا، حزب اعداء الحياة والبشر…
ثريد اهديه لكل ولاد المتسخة اللي عايشين وسطينا، حزب اعداء الحياة والبشر…
تجربتي الشخصية في التعامل مع اهلنا في سوريا وعن روعة وحفاوة الاستقبال
سأحاول جاهداً ان اتذكر جميع التفاصيل.
سأحاول جاهداً ان اتذكر جميع التفاصيل.
في بداية ٢٠١٠ قررت السفر لزيارة سوريا وللدقة كنت مسافر للخطوبة ومحصلش نصيب
اول موقف اتذكره هو سائق التاكسي اللي ركبت معاه ومسكت الورقة وقريت العنوان اللي رايح عليه، ولم يرد السائق فا كررت تاني يا اسطي بقولك رايح العنوان كذا كذا، وبرضه ماردش، حضرتك فاهمني ولا انا بكلم نفسي؟
اول موقف اتذكره هو سائق التاكسي اللي ركبت معاه ومسكت الورقة وقريت العنوان اللي رايح عليه، ولم يرد السائق فا كررت تاني يا اسطي بقولك رايح العنوان كذا كذا، وبرضه ماردش، حضرتك فاهمني ولا انا بكلم نفسي؟
برضه ماردش، رحت قايل لا حول ولا قوة الا بالله، لقيته بص لورا عليا وضحك وقالي انا فاهمك والله بس لما عرفت انك مصري كنت حابب اسمعك بتتكلم مصري كتير، واكتشفت لاول مرة انهم بيعشقوا اللهجة بتاعتنا وبدأ يحكيلي عن حبه لمصر وذكرياته لما سافر مصر واسماء الشوارع والمطاعم اللي لسه فاكرها
ولغاية ما وصلنا العنوان ما بطلش كلام عن مصر وعم ام كلثوم وعن الوحدة ما بين مصر وسوريا، ولما وصلت بقوله الحساب كام، قالي انت مصري وضيف عندنا والله ما هاخد منك فلوس، اونا حلفت اني هدفع وهو حلف انه مش هياخد مني فلوس كرامة لاني مصري، طلعت مبلغ وحدفته جنبه علي الكرسي ونزلت بسرعه
مشيت كام خطوه عدي من جنبي وفتح الشباك وقالي انا حلفت اني مش هاخد منك الفلوس ورمي الفلوس من الشباك وجري بالعربية. ده كان اول موقف مع اول سوري اقابله ولا اعرفه ولا يعرفني وانا واثق انه هيكرر ده مع اي مصري هيركب معاه
واتكرر الموقف مع كل سواقين التاكسيات اللي ركبتها طول الفترة اللي قعدتها هناك واختلفت الحكايات وكان القاسم المشترك ليهم كلهم انهم بيحبوا مصر والمصريين ومن هنا انا عرفت ان اكتر شعب في الدنيا بيحبنا واكتر شعب شبهنا هما السوريين، ولهم معزة خاصة في قلبي والله من الايام دي الي الان
اتذكر سواق تاكسي تاني قالي ان امنية حياتة انه يزور مصر قبل ما يموت، وسواق واللي معلق صور لام كلثوم في العربية واللي معلق صور عبد الحليم او جمال عبد الناصر. ركوب التاكسي هناك لازم الكلام يبقي عن مصر من اول ما اتكلم معاهم لغاية ما اوصل
المطاعم لم تختلف عن التاكسيات، بتنزل حاجات علي الترابيزة ما طلبتهاش ولاداعرفها ويجيلي الشيف يشرحلي ايه دي ولازم اجرب دي وكل مرة خناقة علي دفع الحساب وتنتهي في الاخر بتخفيض علشان انا مصري، حبيت الناس هناك وحبيت كلامهم وحكايتهم عن مصر وعن صاحب المطعم اللي نده علي واحدٍ شغال عنده
كان زار مصر علشان يقولي هو راح فين هناك وعمل ايه، احتفاء وحب لا لشخصي ولاكن لكوني مصري، ناس بتحبك لله في لله من غير مقدمات ونفسه يعمل اي حاجة يثبت بيها انه بيحب مصر والمصريين، واتذكر مرة اخدت اتوبيس من حلب لدمشق علشان ازور دمشق لاول مرة، ركب جنبي واحد سوري راجع من تركيا
وبدأ الكلام واحنا في الطريق وعرف اني مصري واتكلمنا لغاية ما وصلت لدمشق وهو وصفلي اي احسن الاماكن اللي اروحها وقالي تعالي هركبك الميكروباص اللي يوصلك لهناك، ركبت الميكروباص وقال للسواق ده ضيف من مصر ولو نزله في المكان الفلاني وراح مطلع تمن الاجرة و اداها للسواق،
السواق رماله الفلوس وقاله وانت اكرم مني يعني طالما ركب معايا يبقي عندي انا خلاص، انا طول الوقت منبهر بحالة الحب للمصريين اللي مش لاقي ليها مبرر، ناس بتحبك وبتحب بلدك وانت ليك مكانه خاصة عندهم غير اي جنسية تاني وبلد تاني، طول الوقت بسمع اغاني مصرية والاماكن والشوارع شبه اللي عندنا
وقبل السفر اتفقت مع صديق ليا انه يروح معايا علشان نقابل اهل البنت اللي كنت رايح اتقدم لها وبغض النظر عن انه ماكانش في نصيب، جالي صديقي في اليوم ده عدي عليا وكنا هنروح من حلب ل دير الزور، فوجئت بصاحبي جاي بعربيتين ومعاه والدة واخواته وابن عمه وكلهم لابسين بدل وفي منتهي الشياكة
وقالي انا قولت اجيب اهلي كلهم معايا وابويا علشان نشرفك وما نبقاش لوحدنا قدام الناس وعلشان الاب هو اللي يتكلم مع اهلها، وبالفعل الاب كان بيتكلم عني كاني ابنه وانه جاي مخصوص اليوم علشان انا في غلاوة ابنه، مواقف عدت عليا والله والله والله طول عمري مش هقدر انساها
وبيحزني جداً كل مرة اشوف واحد محسوب علينا بني ادم وهو بيطالب بطردهم من مصر علشان مش لاقي اكسجين يتنفس لان السوريين خلصوه، وعاوز يقفلهم محلاتهم علشان اخدوا منه رزقه، والله والله والله لو اطول اعتذر لكل اخ سوري عايش في مصر عن الاساءات المتكررة دي والله ما هتاخر، حقكم علينا
وانتوا اهل كرم والله واعلم تماماً ان لو كان الموقف العكسي حصل كنتوا هتشيلونا فوق دماغكم في سوريا، احنا اسفين يا اهل سوريا ولكم من القلب اعتذار.
الكلاب تنبح والسوريين قاعدين معانا ومشرفينا ومنورينا طول العمر، ولو الارض ما شالتكمش نشيلكم فوق راسنا..
جاري تحميل الاقتراحات...