اكره سؤال عندي ( صالحة للدخول الان؟) اشوفه متكرر بشكل يغث، كأن اللي يسأل يبغى الشموع تنتظره، والسوق يوقف لين حضرت الاخ يقرر يشتري.
انت في مجال التوقيت فيه مهم، وعملة حللها احدهم قبل ٥ دقايق وغرد عنها قد لا تكون صالحة الان لان الخمس دقايق رفعتها ١٠٪!
يتبع

المتداولين اغلبهم في انتظار اشارة اختراق او تأكيد او غيره وفجأة كلهم يحطون اوامر شراء لان التحليل اعطى اشارة ايجابية، والدخول الآمن دايمًا مع التأكيد وذيل الشمعة بحيث تكون في قاع النمط وتبعد تدريجيًا عن خطر الارتداد. اما مسألة انك تبغى الفرص تنتظرك

وتبغى المحلل يقولك ادخل وانت في الواقع فوق سعر دخوله بمراحل ف هذا شيء مابيحصل، واعتقد ان اغلب الاسئلة اللي كذا ٩٨٪ منها ماحد يرد عليه ولسبب ان المحلل مايبغى يعطيك توصية استثمارية مباشرة. هو طرح تحليلة ومنطقة دخولة وحملك عبء القرار!
عساس يترك لنفسه مجال في حال الخطأ.

التوقيت مهم جدًا وان كنت متداول وتبغى تدخل مع توصية فعّل تنبيهات المحلل الفلاني وتابعه وادخل معه في وقت الطرح. وان تاخرت فكر شوي واجهد نفسك واكتشف ان كانت صالحه او لا. طالما انه عطاك خلاصة مجهود على الاقل خذ الفرصة في وقتها.
وان فاتتك ف الفرص متكرره، لا تسأل ولا تحرجه وتحرج نفسك.

طبعًا كلامي للمضاربين ☑️
اما المستثمر مفروض مايدخل في مناطق المضاربين ويدخل مع تصحيحات كبيرة مثل اخر هبوط في مايو.