عايز أتكلم عن أكتر شيء لفت انتباهي، والسبب الرئيسي في كل المواقف/الفرص الخطيرة تقريبًا اللي عملها الفريق إمبارح، وهو تمركز نيكولو وميكي في العمق وبالقرب من شوموردوڤ، الأمر اللي أجبر أظهرة ترابزون تضم معاهم للداخل ويفضي مساحة محترمة لأظهرتنا (كارسدورب - ڤينيا)...
هنا نيكولو بيعمل رن لمنطقة جزاء الخصم أملًا في عرضة من فيريتو، تحرك أجبر الظهير يخش وراه ويفضي مساحة لـ ريك على اليمين، الموقف انتهى بتمريرة سيئة من فيريتو وتحول لمرتدة لمصلحة ترابزون سبور..
3 دقايق والموقف بيتكرر لكن على الطرف الآخر، ميختاريان تمركزه مثبت الظهير، نيكولو نفس الشيء، ڤينيا بيستلم وقدامه أكتر من خيار، والأهم إذا حصل سلسلة تمريرات سريعة كفاية، ريك فاضي تمامًا الناحية التانية، الموقف انتهى بأن هامشيك رجع وعمل فاول عطل بيه الهجمة
دقيقتين فقط والموقف بيتكرر..
الصورة 1 - فيريتو بيلاقي ڤينيا بسهولة، جيرڤينهو كأنه هواء، لا هو قافل زاوية تمرير ولا هو قريب من ظهيرنا عشان يضغط عليه لما يستلم.
الصورة 2- بمجرد استلام ڤينيا بقى في تفوق عددي وموقف 2×1، ڤينيا قصاده مساحة، وقت يعمل اللي هو عايزه وبيقرر يكمل بالكورة.
الصورة 1 - فيريتو بيلاقي ڤينيا بسهولة، جيرڤينهو كأنه هواء، لا هو قافل زاوية تمرير ولا هو قريب من ظهيرنا عشان يضغط عليه لما يستلم.
الصورة 2- بمجرد استلام ڤينيا بقى في تفوق عددي وموقف 2×1، ڤينيا قصاده مساحة، وقت يعمل اللي هو عايزه وبيقرر يكمل بالكورة.
ڤينيا في النهاية بيقرر يعمل عرضية، نيكولو كان بالفعل وصل المنطقة، وكالعادة، الظهير وراه بالغريزة، عرضية ڤينيا كانت سيئة للغاية، وراحت للطرف التاني عشان تلاقي ريك مستني وقدامه مساحة هو كمان يفكر يعمل إيه، كارسدورب عرض والموقف أدى لهدف ميكي الملغي بسبب لمسة اليد.
مفيش دقيقتين ونفس النمط مستمر، نيكولو في العمق والظهير بيحاول يقف في مكان ما في المنتصف ما بينه وما بين كارسدورب، لكن رغم محاولته، خيار التمرير لـ ريك موجود، والمساحة موجودة، الموقف انتهى بلمسة أولى سيئة من الهولندي.
again and again
ثلاثي الهجوم كله في العمق وقريب من بعضه، والظهير في معضلة، مينفعش يسيب نيكولو يخش للعمق من غير ما يتتبعه، وفي نفس الوقت تتبعه ده بيخلي مساحة كبيرة على الطرف لـ الهولندي، الموقف انتهى بعرضية كت باك سيئة من كارسدورب.
ثلاثي الهجوم كله في العمق وقريب من بعضه، والظهير في معضلة، مينفعش يسيب نيكولو يخش للعمق من غير ما يتتبعه، وفي نفس الوقت تتبعه ده بيخلي مساحة كبيرة على الطرف لـ الهولندي، الموقف انتهى بعرضية كت باك سيئة من كارسدورب.
الصورة 1- الفريق عانى كتير في البيلد أب، لحد ما لورينزو بدأ ينزل يستلم من على الدائرة.
الصورة 2- بيليجريني بيلاقي نيكولو اللي بيستلم وبيلاقي فرصة تمرير مهمة لـ ريك + مساحة، وبيمرر فعلًا.
الصورة 3- عرضية من ريك اعترضها الدفاع في آخر لحظة، لكن اللي كان في المنطقة ميكي مش إلدور.
الصورة 2- بيليجريني بيلاقي نيكولو اللي بيستلم وبيلاقي فرصة تمرير مهمة لـ ريك + مساحة، وبيمرر فعلًا.
الصورة 3- عرضية من ريك اعترضها الدفاع في آخر لحظة، لكن اللي كان في المنطقة ميكي مش إلدور.
موقف مختلف شوية لكن بنفس النمط، الفريق معهوش الكورة لكنه بيسترجعها في مكان خطر..
صورة 1- نيكولو بيستعد لمهاجمة المنطقة وده مثبت ظهير الخصم، ريك بيستعد يهاجم فدان المساحة اللي قصاده.
صورة 2- نفس العملية مستمرة.
صورة 3- نهاية الموقف بوصول الكورة لـ ريك وتسديدة من أخطر فرص روما.
صورة 1- نيكولو بيستعد لمهاجمة المنطقة وده مثبت ظهير الخصم، ريك بيستعد يهاجم فدان المساحة اللي قصاده.
صورة 2- نفس العملية مستمرة.
صورة 3- نهاية الموقف بوصول الكورة لـ ريك وتسديدة من أخطر فرص روما.
الشوط التاني الفكرة مختلفتش، ومن أول ثانية أدت لموقف هجومي..
صورة 1- ميكي مثبت الظهير في العمق، ڤينيا قصاده مساحة ضخمة.
صورة 2- بعد مشوار مرتاح من غير ما حد يعترضه، ڤينيا بيقرر يعرض، والأهم بقى في 3 لاعبين من روما في منطقة الجزاء، عرضية أطول من اللازم، نهاية سلبية لموقف خطير.
صورة 1- ميكي مثبت الظهير في العمق، ڤينيا قصاده مساحة ضخمة.
صورة 2- بعد مشوار مرتاح من غير ما حد يعترضه، ڤينيا بيقرر يعرض، والأهم بقى في 3 لاعبين من روما في منطقة الجزاء، عرضية أطول من اللازم، نهاية سلبية لموقف خطير.
آخر مرة النمط نجح فيها، نيكولو بمهارة فردية بيتحول بالكورة من الطرف للعمق، ميختاريان بيعمل الrun في توقيت مثالي وبرضو من العمق، نيكولو تأخر في التمرير، ورغم التأخير كان لسه عنده أوبشن تمرير ممتاز في المساحة على شماله لـ ڤينيا، تمريرة كانت أقصر من اللازم وانتهت الهجمة بضربة مرمى.
نقطة التحول كانت الدقيقة 63 لما عبد الله أفجي قرر يبدل جيرفينهو وينزل تروندسين ويحول الخطة لـ5 في الدفاع بدون الكورة.
صورة 1- المسافة بين ڤينيا وأقرب لاعبي الخصم قلت كتير.
صورة 2- التمريرة بتتلعبه بس الخصم كان جاهز وبمجرد استلامه ضغط عليه وقطعها منه.
صورة 1- المسافة بين ڤينيا وأقرب لاعبي الخصم قلت كتير.
صورة 2- التمريرة بتتلعبه بس الخصم كان جاهز وبمجرد استلامه ضغط عليه وقطعها منه.
صورة 1 - نفس الموقف بيتكرر، ڤينيا بيستلم ويلاقي لاعب من الخصم جاهز تمامًا لمواجهته، بيضطر يرجع للخلف.
صورة 2- محاولة إعادة تدوير سريعة للكورة من الشمال لليمين والكورة بتوصل لـ ريك، لكن مرة تانية انتهى زمن التفوق العددي، موقف 2 ضد 2 عادي انتهى بقطع دفاع ترابزون سبورة للكورة.
صورة 2- محاولة إعادة تدوير سريعة للكورة من الشمال لليمين والكورة بتوصل لـ ريك، لكن مرة تانية انتهى زمن التفوق العددي، موقف 2 ضد 2 عادي انتهى بقطع دفاع ترابزون سبورة للكورة.
صورة 1- خلاص، ڤينيا انتهى تأثيره هجوميًا، عبد الله أفجي نزله لاعب مخصوص يفضل قريب منه في كل لقطة :D
صورة 2- نفس الأمر بالظبط بيتعمل الناحية التانية ضد ريك، بمجرد استلامه للكورة بيلاقي لاعب من الخصم جاهز يضغط عليه ويضيق الوقت المتاح له للتصرف بالكورة.
صورة 2- نفس الأمر بالظبط بيتعمل الناحية التانية ضد ريك، بمجرد استلامه للكورة بيلاقي لاعب من الخصم جاهز يضغط عليه ويضيق الوقت المتاح له للتصرف بالكورة.
خماسي الدفاع قفل المباراة تمامًا، وقتل خطورة روما الهجومية حتى صفارة النهاية، وأكبر ميزة كسبها ترابزون من التحول لـ5 هو إنه أي فرد من الدفاع بقى مبيخفش يطلع يضغط بشكل أجريسف، لأنه متأكد إنه البقية هيغطوا المساحة اللي سابها، تفوق تام للأتراك في نهاية الماتش.
الميستر كان صريح تمامًا ولخص الوضع في مقابلة بعد الماتش مع سكاي، الفريق فعلًا وصل كتير لمناطق خطيرة لكن مش بس مسجلش، في مرات الخطورة مكنتش محسوسة بسبب سوء القرارات الفردية لـ اللاعبين، الإيجابية إنهم قدروا ينفذوها كويس، مع الوقت القرارات ممكن تتحسن
جاري تحميل الاقتراحات...