كيف اخدت شهادة من قوقل ؟؟
زي ما وعدتكم اني حأعمل ثريد عن الدراسة عبر منصة كورسيرا بالتفصيل فلو انت من الناس البيحب تعليم حديث ومواكب للعالم عبر خبراء أو كنت عايز تكون عندك شهادات من جامعات عالمية معترف بيها وجهات مهمة زي قوقل وفيسبوك فالثريد دا ليك
يلا #ثريد
زي ما وعدتكم اني حأعمل ثريد عن الدراسة عبر منصة كورسيرا بالتفصيل فلو انت من الناس البيحب تعليم حديث ومواكب للعالم عبر خبراء أو كنت عايز تكون عندك شهادات من جامعات عالمية معترف بيها وجهات مهمة زي قوقل وفيسبوك فالثريد دا ليك
يلا #ثريد
قبل ما أبدأ لو انت ما بتعرفني انا بكتب ثريدز بين وقت والتاني عن حاجات مختلفة وتويتات في مجالات مختلفة زي التاريخ السوداني والزراعة وحاجات عن السودان فلو بتحب المحتوى السوداني أعمل لي فولو 💚
انا حأحكي تجربتي الشخصية علما اني لغاية الان حصلت على 13 شهادة من ضمنها تخصص كامل وصراحة كدة ساعدتني جدا في الشغل واشتغلت بيها ومفيدة في ال CV بتاعك وما كدة بس المعلومات كانت جدا مفيدة والدراسة سهلة وممتعة
موقع كورسيرا هو موقع أمريكي تأسس في 2012 انا اكتشفته في 2015 ووقتها
موقع كورسيرا هو موقع أمريكي تأسس في 2012 انا اكتشفته في 2015 ووقتها
ما كان مشهور ومعروف جدا زي اسي وحتى الدراسة والتسجيل كان اسهل والجامعات الفيهو ما كانت كتيرة بس قدر الفيهو كانت معتمدة وأسماء محترمة ودي أهم ميزة انك شهادتك بتكون معتمدة وما كدة بس انت بيكون عندك رابط دائم لشهادتك كدليل اعتماد يعني لكل شهادة بكون في لنك خاص و مُعرف الشهادة
دا مفيد في حالة انك وضعت الرابط في ال CV فبيقدر الشخص يوصل لشهادتك من موقع كورسيرا ويشوف كل التفاصيل وانها حقيقية ما مزيفة وبيقدر كمان يعرف المحاور الانت اخدتها في الكورس بالتفصيل ودرجتك وكدة و تقدر تشارك شهادتك بصورة سهلة في ملفك في (لنكدين)
#طريقة_التسجيل سهلة تدخل على coursera.org زي أي موقع بأيميل أو عبر ربط حسابك في قوقل اوفيسبوك بكورسيرا وكدة بقى عندك حساب خاص بيك ، انا بنصح بكتابة الاسم كامل صحيح زي الجواز لأنه في النهاية دي حتكون شهادات رسمية عندهم كمان تطبيق على المتاجر الالكترونية تقدروا تنزلوه
جوة الموقع في عدد كبير من الكورسات اللي أغلبها بيكون مدة كل كورس 4 أسابيع وعندهم كمان نظام جميل ومفيد حاجة اسمها التخصص \ specialization ودا مجموعة من الكورسات بتكوّن تخصص حسب نوع التخصص الانت حابي تدرسه وشهادة التخصص شكلها مختلف شوية من شهادة الكورس وكل كورس بيدوك شهادة منفصلة
مثلا في تخصص بيتكون من 5 دورات كل ما تخلص دورة بيدوك شهادة براها وممكن تاخد الدورة الواحدة دي بدون ما تاخد التخصص كامل وبتاخد شهادتك اما اذا خلصت كل ال5 دورات بيكون عندك 6 شهادات 5 للكورسات والسادسة بتاعة التخصص بتشملهم كلهم ودي جميلة جدا في التقديم الوظيفي المتخصص
الدراسة في كورسيرا باللغة الانجليزية وحاليا بدأت تدخل اللغة العربية كجزء من دوراتها بس قليلة وكمان بدأت تضيف اللغة العربية للنص التوضيحي داخل محاضرات الفيديو بس برضو ما كل الدورات وانا حاليا جزء من المترجمين للعربية جوة كورسيرا ودا برنامج طرحتو كورسيرا لترجمة المواد الدراسية
أكيد بتتسائلوا هل الدراسة صعبة؟
الاجابة هي أيوة و لأ
أيوة اذا انت حتلتزم بالزمن ودراسة المواد البيدوك ليها كلها ولا اذا انت حتعتبرها دراسة اون لاين واي كلام لأنها بالجد ما أي كلام والدراسة دسمة جدا ومعلومات تستحق الاهتمام
الاجابة هي أيوة و لأ
أيوة اذا انت حتلتزم بالزمن ودراسة المواد البيدوك ليها كلها ولا اذا انت حتعتبرها دراسة اون لاين واي كلام لأنها بالجد ما أي كلام والدراسة دسمة جدا ومعلومات تستحق الاهتمام
#طريقة_الدراسة
بعد البحث واختيار الكورس انت حتطلع على المكونات الفيهو والأساتذة لكل أسبوع وحتاخد شنو بالتفصيل وبعدها بتختار خيار التسجيل خلال التاريخ المكتوب وفي كورسات بتكون مدفوعة وكورسات مجانية وفي كورسات بتقبل انها تاخدها منحة ودي بتكون مكتوب جمبها Financial aid available
بعد البحث واختيار الكورس انت حتطلع على المكونات الفيهو والأساتذة لكل أسبوع وحتاخد شنو بالتفصيل وبعدها بتختار خيار التسجيل خلال التاريخ المكتوب وفي كورسات بتكون مدفوعة وكورسات مجانية وفي كورسات بتقبل انها تاخدها منحة ودي بتكون مكتوب جمبها Financial aid available
وتقدر تاخد الكورسات وتشوف المواد الدراسية وتدرس عادي بس ما تاخد شهادة كلها خيارات متاحة ليكم طبعا الدفع بيكون عبر الفيزا كارد وأغلب الكورسات متوسط السعر 40 دولار للشهر وموضوع المساعدات المالية زمان كان بيدوك في نفس اللحظة بعد تعبئة الفورم واسي الا تنتظر 15 يوم وتجيك الموافقة
الحصول على منحة بيكون بالضغط على Financial aid available وفي فورم تتم الاجابة عليه بكل شفافية وانا دايما بنصح انو اكتبوا في الفورم اننا حنساعد الناس بنقل الخبرات والمعلومات لأن كورسيرا قامت على الاساس دا انو التعليم للجميع ودا ما كذب لأنك بالجد مادام اخدت منحة ابسط شي تفيد غيرك
بعد تعبئة الفورم بتنتظر15 يوم وان شاء الله بتجيك الموافقة وطوالي تبدأ الكورس بالدخول اليه عبر رابط بيرسلوه ليك في نفس ايميل الموافقة خلاص كدة انت بقيت دارس رسمي في الكورس وأغلب الكورسات بتعتمد نفس الطريقة اللي هي مقسمة ل4 اسابيع كل اسبوع موضوع نهايته اختبار ومشروع حسب نوع الكورس
مثلا نمسك اسبوع بيكون موضوع معين مربوط بزمن انتهاء معين و مكون من فيديوهات مسجلة لازم تحضرها كلها اول تخلص الفيديو بيتعمل ليك علامة خضراء على الجانب الايسر للشاشة انك حضرتو وكملتو زي حضور يعني , وكمان قراءة فيها مصطلحات وغيرها وفي اختبار بيكون مكون من اسئلة تجاوب عليها وعادي اذا
ما نجحت تقدر تعيدوا 3 مرات لحظيا ما بكون نفس الاختبار بس نفس الموضوع الاسبوعي ولو برضو ما نجحت ترجع تراجع المحاضرات تاني وتمتحن بعد 5 ساعات او اكثر حسب قانون كل كورس بعد الاختبار في مشروع انت بتكتبه حسب كورسك ما شئ كبير وقصة , لكن لازم تخلصه قبل نهاية الاسبوع
عشان في حاجة اسمها مراجعة الاقران اللي هم زملائك المعاك انت بعد تخلص مشروعك وترفعه بتصحح ل 3 من زملائك وهم كمان بيصحح ليك 3 من زملائك وابشركم الشي دا صعب جدا لأن ممكن يكون بيدرس معاك متخصص في التخصص لما يصحح ليك لو ما عجبه اجاباتك عادي بيديك صفر
وأهم شي اهم شي ما تغش نهااائيا حتتكشف حتتكشف مافي اتنين تلاتة مثلا اذا انت عملت كوبي بيست من موقع في مشروعك وما استخدمت اسلوبك انت عادي بيدوك حالة غش زي السلام عليكم وتقعد ترسل في ايميلات والتماس جوة الكورس لغاية ما يسامحوك وحيقولوا ليك تاني اذا مسكوك غشيت حيتلغى اسمك من كورسيرا
هم عندهم شي اسمه بصمة سرعة الكيبورد بيعملوا ليك اختبار اثناء تحميل هويتك الرسمية لتوثيق اسمك وهويتك فانت احسن ما تنجح من انك تغش , اها خلصت الاسبوع الاول تمشي للثاني لغاية الاسبوع الرابع بنفس الطريقة وبعدها بيدوك شهادتك وتشوف الكورس البعدو
طريقة الكورس وعدد اسابيعه حسب نوع التخصص مرات بيكون 5 اسابيع او 6 وحتى طريقة الاختبار والمشروع بتختلف من جامعة للتانية مثلا ناس قوقل كانو افضل ناس بالنسبة لي ما عندهم زمن معين المهم تخلص وقت ما تقدر ولا عندهم مراجعة الزملاء بس في نقاشات عادية مع الزملاء بتفيدك جدا
نجي لنقطة توثيق اسمك بهويتك بعد تخلص الكورس كورسيرا بيطلب منك انك تضيف هوية بتصوير بطاقة او جواز عشان يتأكدوا من هويتك و معاها بصمة الطباعة الكلام دا كان في 2015 لما انا سجلت ما عارفة حاليا اذا في شي تغير لأني مسجلة اصلا بس للأسف السودان ما متاح ليهو التوثيق بسبب الحظر
ايوة شكله الحظر ما اترفع كيف وليه انا ما عارفة
وحتى كورسات الموقع ما بتظهر اذا انت في السودان الا ب VPN في طريقة اقترحها احد الاخوة لتخطي موضوع الهوية بأنك تختار خيار لاجئ سوري بس انا ما بنصح بيها لأنه في النهاية دي ما الحقيقة احتمال لو تطلب من شخص برة السودان يسجل ليك وترسل
وحتى كورسات الموقع ما بتظهر اذا انت في السودان الا ب VPN في طريقة اقترحها احد الاخوة لتخطي موضوع الهوية بأنك تختار خيار لاجئ سوري بس انا ما بنصح بيها لأنه في النهاية دي ما الحقيقة احتمال لو تطلب من شخص برة السودان يسجل ليك وترسل
ليهو صورة من هويتك الموضوع ينفع ,,,
انا استفدت جدا على مدى سنين من كورسيرا وليهم الفضل في اني اغير مساري المهني من مجال علمي الى مجال التسويق الرقمي والشهادة الاخدتها منهم بتؤهلني اني اقدم للماجستير المصغر في ادارة الاعمال IMBA في جامعة الينوي في امريكا ودي زاتا حاجة رهيبة
انا استفدت جدا على مدى سنين من كورسيرا وليهم الفضل في اني اغير مساري المهني من مجال علمي الى مجال التسويق الرقمي والشهادة الاخدتها منهم بتؤهلني اني اقدم للماجستير المصغر في ادارة الاعمال IMBA في جامعة الينوي في امريكا ودي زاتا حاجة رهيبة
حاليا بدرس في مجال تجربة المستخدم وادارة المشاريع من قوقل ودي شهادات مهنية طرحتها قوقل للجميع والشهادة المهنية قالو انها عندهم بتعادل درجة علمية وانت لما تخلص التخصص بتقدر تشتغل في قوقل وسوق العمل الامريكي مباشرة بالشهادة دي بس وما دام معتمدة في امريكا وقوقل معناها حتى العالم
لو وصلت لغاية التغريدة دي انا بتمنى تكون استفدت من الكلام الكتير دا وبنصحكم انكم تستفيدوا من الانترنت في عمل شهادات عالمية لأن كورسيرا كان بيدي منحة في ثواني اسي في 15 يوم ممكن لقدام ما تلقوا الفرصة دي انتهزوا الفرصة دي.
شكرا 🌹😊
شكرا 🌹😊
في نقطة نسسيت اقولها اضافة الهوية وتوثيقها بتكون مرة واحدة فقط بعدها كل ما تخلص كورس بتطلع شهادتك مباشرة
جاري تحميل الاقتراحات...