رتبها

مساء الخير 🍃
ثريد اليوم بيتكلم ان شاء الله عن Histology lab بتكلم عن الخطوات من وقت مانستقبل العينة الين مانعطي السلايد الدكتور، اللي مشغول حالياً يِفضّل التغريده 🤝

أول شيء خلينا نعرف شِنو لاب الهستولوجي؟
لاب الهستولوجي بيجينا عضو مستأصل أو جزء من عضو ونبي نشوف مثلاً هل هالجزء فيه كانسر او لا؟ ولو جانا العضو مستأصل كامل وهم يدرون اصلاً انه فيه كانسر نبي نشوف في أي مرحلة هو عشان يعرفون طريقة العلاج المناسبه للمريض

ممكن بعض الأحيان يوصلنا الجنين وهو ميت عشان يبون يعرفون السبب في موته
طيب احنا شلون بنتعامل مع العينه؟ شنو بنسوي يعني؟
خلينا نبتدي حبه حبه 🤝

أول شيء بيجينا العضو أو جزء من العضو بنجي نتأكد من البيانات الاسم ومن وين هالجزء من اي مكان في الجسم يعني
مثلاً كبد، جلد، بنكرياس اللي هو

1- Grossing: هالخطوة بيسويها الPathologist
بتجي العينة محطوطة في container وفيها ١٠٪ فورمالين طبعاً عشان تحافظ على العينة من التحلل
بعد مانتأكد من البيانات بيطلع الدكتور العينة ويبتدي يوصفها ويوصف حجمها وبعدها بيقطعها إلى أجزاء صغيرة وبيحطها في cassettes

* طبعاً ال cassettes بنكون مسجلين عليه بيانات المريض مُسبقاً، فيه جهاز خاص نحط داخله cassettes ونكتب عليه بيانات المريض *

في جِهة Grossing حرفياً بتشوفون كِل شيء 😂
" هذا جزء من اللي شِفته "
* اللي يبي يشوف أكثر يدور في حسابي تحت * 🥳

فيه بعض العينات تجي تكون صلبة جِداً مثل العظام أو الاسنان هِنا صعب جداً ان الدكتور يحللها فَ بيسوي لها decalcification يعني إزالة الكالسيوم اللي يعطي الصلابة
يحطه في محلول acidic يوم يومين على حسب المحلول لين ماتبتدي تذوب العينه ويصير ممكن ان الدكتور يقطعها

2- Fixation: بنحط cassettes في ١٠٪ فورمالين قلنا عشان تنحفظ العينة وماتتحلل بفعل الانزيمات أو تتعفن

بعدها بنجي لِ مرحلة processing هِنا عادة بندخلها في جِهاز وبيسوي لنا كذا خطوة، شنو بيسوي طيب؟
3- Dehydration: هِنا بيزيل لي كِل الماي الموجود في العينة عن طريق إستخدام الكِحول بشكل بتصاعدي
يعني بنستخدم الكحول كذا مره ٥٠٪,٧٠٪,٩٠٪, absolute alcohol

4- clearing: هِنا احنا نبي نشيل الكحول عن طريق استخدام xylene
انزين ليش بنشيل الكحول؟ 😨 عشان الكحول مع الشمع مايذوبون مع بعض

5- Impregnation: هِنا احنا خلاص شلنا الماي وشلنا الكحول بنجي نحط العينه في الشمع الذائب
طيب بعد هالخطوة بنشيل العينة من الجهاز وبنكمل

6- Embedding: الحين العينه موجود فيها شمع صحيح بس كأنه احنا نبي نسوي لها قوالب شلون؟ بنجيب mould بنختاره على حسب حجم العينة وبنحط فيها العينه وبنصب البارافين وبنغطيها
وبنفس الجهاز فيه على جنب زي الفريز

بعد مانحط البارافين " الشمع " بنحط العينه على جهة الفريز عشان العينة تصير صلبة ومتماسكة
اللي مأشر عليه بالموف من هِنا بنصب البارافين
والاصفر جهة الفريز

7- sectioning: طيب بعد ماصارت العينة متماسكة بجي لِجهاز إسمه microtome بستخدمه عشان أقص العينة الى سلايدات نحيفة جِداً بيصير شكلها يشبه الشريط
السُمك بيكون من ٣-٥ مايكرون

هذا شكل المايكروتوم، العينة بتكون في الجزء المأشر عليه بالأصفر وبستخدم الجزء المأشر عليه بالموف عشان احركه وينقص

طيب بعد ما استخدمه بتتقصص كأنها شرايح زي الصورة، أنا الجزء اللي بشوفه كويس باخذه وبحطه في water bath

ليش نستخدم water bath؟
عشان الشريحة تنفرد كويس من غير نتواءات
بعد ماتنفرد العينة بجيب سلايد وباخذ العينه فيها
يعني حرفياً كأنك تصيد سمك، هالخطوة اسمها Fishing

8- Staining: بجي وأصبغ العينة حسب نوع العينة لكن الصبغة الروتينية في الهِستو هي H&E
طبعاً مهم نذكر هِنا ان الصبغات مائية لذلك بنحتاج ان نرجع الماي للعينة فَ بنجي نستخدم الكحول لكن بشكل تنازلي هالمره ٩٠٪,٧٠٪,٥٠٪,٣٠٪, distilled water

9- Mounting: هِنا اخر خطوة بنجي بعد مانصبغ العينة بنحط قطرة من محلول DPX عشان تكون واضحه وعشان تحفظ العينة لفترة طويلة جِداً وبعدها بغطيها بِ coverslip