كلمتين وبس ..✋
بخصوص نتيجة الثانويه العامه...
- لازم تعرفوا إن مهما كان وضع النتيجة الدنيا هتستمر وهتكمل دي مرحلة ومحطة مش الرحلة كلها
جبت المجموع اللي نفسك فيه تمام وعاش 💪 ماحصلش نصيب مش مهم صفحة وااقفلها وشوف الخطوة الجاية إيه ..✌️

ممكن أجيبلك مئات النماذج الناجحة لناس حياتهم ماوقفتش على فشلهم الدراسي وممكن أجيبلك مئات النماذج عن ناس ناجحة ما أخدوش حظهم من التعليم..
آه النجاح مطلوب طبعًا بس إيه هو مفهومك عن النجاح أصلًا ؟ هل هو مرتبط بمجموع فى فترة معينة من العمر ؟ هل هو مرتبط بشهادة وبس ؟

هل هو مرتبط بكارير معين وبس ؟ ده مفهوم النجاح يعنى ؟! كل واحد فينا له دور مهم في الحياة.. دور مش متوقف على تفوقه في التعليم من عدمه.. متوقف بس على إنه يعمل اللي عليه لحد آخر نفس في صدره ويسيب الباقي بكل اللي هيحصل فيه على ربنا..🤲

استمتعوا بلعبة الحياة وخليكم ملهمين مش مثيرى للشفقة
أحسنوا استقبال قضاء الله وقدره خيره وشره... دى فتنة هتبين معادن الناس عن طريق التصرف والقرارات بعد النتيجة
مهما كانت النتيجة فـ النجاح له معانى تانية مختلفة أصلًا بعيدًا عن كل ده فـ ما تخلوش مجتمعنا العقيم ..

يصورلك مفهوم النجاح بخصوص تحقيق المطلوب فى محطة واحدة من العمر
سنكم لسه 17 أو 18 سنة يعنى لسه بدرى أوى أوى على إننا نقول هل إحنا ناجحين ولا لأ ! مش منطقى أصلًا نطلق لقب ناجح على طفل عنده 17 أو 18 سنة أصل إحنا مش معانا حياته كلها كـ package على بعضها علشان نقيم وحياتنا ومستقبلنا.