حقك تزعل لو مجموعك وحش بعد تعب سنه كاملة ، بس ثانوية عامة مش هي اللي هتحدد مستقبلك الله اعلم ايه اللي هتقابله في حياتك فيما بعد و ازاي هيغير حياتك سواء للافضل او للاسوء ، كل واحد مكتوبله طريقه و رزقه بس المشكلة اننا بنحدد الطريق ده بوسيلة واحدة راسمينها في دماغنا و ده اكبر غلط
و فكك من وهم كليات القمة مفيش حاجة اسمها كلية قمة ، مصطلح كلية القمة ده عشان احنا بلد متخلفه مش اكتر ، اسعى و انجح في اي مجال هتختاره لنفسك و هو ده النجاح الحقيقي مش النجاح عشان جايب مجموع و اسمك مهتدس او دكتور
المهم بس متوقفش حياتك و تشوف ان دي نهاية العالم ، انت لسه ١٨ سنه قدامك الحياة فيها اللي جاي اكتر بكتير من اللي راح ، خليك مرن و تقبل بسرعه اللي حصل عشان اللي بيوقف حياته بيخسر كتير و المرن دايماً اللي بيقدر ينجح في الحياة
هتلاقي طبعا ناس كتير بتشمت فيك و هتلاقي عيون شمتانه فيك ، ده طبيعي انك تقابل نفوس مريضة في الحياة ، متقارنش نفسك بغيرك عشان مفيش حد ظروفه شبه التاني و متسمحش لحد يحطك في مقارنه مع حد مهما كلن حتى اهلك
جاري تحميل الاقتراحات...