سؤال مهم يابنات، والإجابات كل واحدة تجيب في نفسها.. الحين أنتم تطلعون لمكان مايرضون فيه والدينكم؟!!تنهاك أمك تروحين للمكان الفلاني أو صاحبتك الفلانية وتروحين لها بدون رضى أمك؟!! اصلا شلون تقدرين تسولفين وتضحكين مع الناس وانتِ في قرارة نفسك تعرفين ان أمك مو راضية؟!هل تِسوى الطلعة

منك كل هذي التضحيات في رضى والدينك؟! تغضبين والدينك وقبلهم ربّك عشان ترضين حفنة أشخاص ربما مايكونون أيضًا من أهل الصلاح! يرضيك روحتك كلها تكون ذنوب في ذنوب، عقوق، ومن ثم غضب الله، أغاني، غيبة، معاصي! فتكون طلعتك كلها وبال عليك؟ لا تظنين الأمر سهل وتقولين إيه بكرا يرضون؟ إيش ضمّنك

انه فيه بكرا أصلا؟ سواءً لك ولّا لهم! ترى مافيه شي بهالدنيا كلللللها يستاهل تغضبين والدينك عشانه! والله مافيه! عرفتِ سبب المنع أو ماعرفتيه! قولي ابشري يمّه ولك كل الطاعة! فعلًا فعلاً والله حتى بعد زواجي الأماكن اللي أذكر انه أمي ماترضى فيها ما أروح لها لو مهما حصل! وش تستفيدين

أصلا جالسة بالمكان وعلى أعصابك، ومتوترة وحالتك حالة! خلاص لا تروحين من البداية وانتهى الأمر! والله الأمر يدمي القلب لما نشوف أمهات يتشكون من عدم مبالاة بناتهم لرفضهم! والله الدنيا قصيرة بكرا تروح أمك وتتحسّرين على كل ثانية قضيتيها في اغضابك أو عقوقك لها! طبعًا في كل الأمور مو فقط

أمو الطلعات.. لكن ذكرت هالمثال بما انه انتشر حتى بين اللي يقولون عن انفسهم صالحات! انتبهوا يابنات وأصلحوا أحوالكم في قادم أيّامكم! انتبهوا الله يرضى عنكم، قبل أن يأتي يوم لا ينفع فيه الندم!