برونو فيرنانديز، لأن السهل أصعب من الصعب!
قبل الكلام عن برونو، هبدأ بكلام يبدو مختلف عن الموضوع، لكنه في الحقيقة مرتبط تمامًا بالموضوع، وهتعرف ليه بدأت بالكلام ده، فإعمل قهوة كالعادة، وتعالى إفتح دماغك معايا شوية علشان نستمتع مع بعض.
ثريد عن الساحر البرتغالي، بشكل مختلف!
قبل الكلام عن برونو، هبدأ بكلام يبدو مختلف عن الموضوع، لكنه في الحقيقة مرتبط تمامًا بالموضوع، وهتعرف ليه بدأت بالكلام ده، فإعمل قهوة كالعادة، وتعالى إفتح دماغك معايا شوية علشان نستمتع مع بعض.
ثريد عن الساحر البرتغالي، بشكل مختلف!
في الوقت اللي تشيلسي أخذ فيه الدوري لفترة متواصلة بقيادة مورينيو، من فم الأسد زي ما بيقولوا، لأنه أخذه مرتين متتاليتين في فترة السير، موسم 2004 وموسم 2005، كان لامبارد هو اللي بيلعب رقم 10، مع وسط ملعب مميز،
رغم كده، مورينيو كان عنده نظرة مختلفة عن كل مدربي العالم للاعب اللي بيلعب في مركز 10، في الوقت اللي إمتلك فيه لامبارد، كان بيقول إن القطعة الناقصة في منظومة تشيلسي بتتمثل في 'سيسك فابريجاس'، الكلام ده كان في تصريح بعد ماتش كسب فيه إيفرتون 6-1 ولامبارد كان نجم الماتش، وهقولك ليه،
مورينيو قال إن اللاعب رقم 10 بالنسبة له هو لاعب 8 لما فريقه يخسر الكورة، ولاعب رقم 10 وقت إمتلاك الكورة، ولاعب رقم 9 إضافي وقت الإنطلاق من الثبات للإختراق العمودي، وفي رأيه إن الدور ده كان أفضل لاعب فيه هو فابريجاس وشنايدر وديكو.
من هنا لازم يتم ذكر مسعود أوزيل، وهتعرف ليه دلوقتي أنا ذكرته، لأنه كان خارق في الرؤية مع إمكانيات خرافية في صناعة اللعب في 4-2-3-1، لكنه كان ضعيف بدون الكورة والتغطية على اللاعب اللي بيخرج من مركزه للضغط على حامل الكورة من الخصم،
في الكورة الحديثة، صعب يتم الإستغناء عن مركز من المراكز في بعض حالات اللعب، حتى لو الحالة دي هي حالة دفاعية بالنسبة لصانع لعب، وعلشان كده مثلًا، بشوف بيدري له مستقبل باهر، قبل 10 سنين، كانت أهم ميزة ممكن يتميز بها اللاعب هي المهارات، وبسبب كده كان فيه فرق كتير بتقوم على لاعب واحد
لكن كرة القدم حاليًا أصبحت جماعية بشكل مرعب، الموضوع وصل إن دور لاعب كرة القدم بدون الكورة أصبح أهم من دوره بها، وده بيفسر إنتشار اللامركزية، الضغط حاليا أصبح معدله أكبر عند لاعب الهجوم والظهيرين من لاعب الوسط، اللاعب هيضغط إمتى وهيغلق زوايا التمرير ازاي ومعدلات إستخلاصه، إلخ..
فيه مصطلح في الكورة إسمه Limited Player، اللاعب المحدود، وبسببه على عكس المذكور فوق، بشوف زيدان لم يظلم مارتن أوديجارد زي ما الغالبية بتقول، لأن كاسيميرو وكروس كان بيتم كشفهم ووضعهم في مواجهات مباشرة كتيرة في حالة ضغط لاعبي مدريد على حامل الكورة بسببه،
لأن أوديجارد بيتم فقد دوره في معظم حالات المنظومة دفاعيًا وبدون الكورة، بمعنى إنه بيكون فوق الكورة وقت ما مطلوب منه يكون تحتها مع البقية، مش مطلوب منه يدافع حرفيًا، بقدر ما مطلوب منه يساند دفاعيًا في الأمور التقنية دفاعيًا.
تعالى نتطرق لنقطة أخرى قبل الكلام عن برونو، وهي حالة سترلينج مع جوارديولا وساوثجيت، وحالة فينيسيوس جونيور مع زيدان، إتنين لاعبين ساذجين ومتوسطين، لكن بيلعبوا دائمًا، ايه السبب! تعالى نناقش الفكرة دي بإختصار،
أندريا بيرلو قال إن فيه عوامل متقدرش تبني فريق الكورة الحديثة من غيرها، في الرسالة بتاعته في ال-Coverciano ذكر 5 عوامل أساسية متقدرش تبني فريق من غيرها، واحد منها ال-intense runners، أو الأجنحة السريعة على الخط اللي بتقدر تتيح خيار إضافي على الطرف،
ده رأي بيرلو، وأنا متفق معاه، إن لازم خصائص اللاعبين تكون متنوعة في أي منظومة، ولازم يتواجد لاعب ببروفايل سترلينج في فريقي حتى لو مستواه متوسط، لكن أنا بختلف معاه في إستمرارية لعبهم، مش صدفة إن السيتي وصل نهائي دوري أبطال بدون سترلينج لما بيب قرر ميلعبش به لشهرين، وخسره في وجوده،
ومش صدفة كمان إن جوارديولا تعثر في نفس الشهرين لما لعب بسترلينج في الدوري، وكسب في عدم تواجده في نفس الشهرين برده، ليه؟ لأنه لاعب ضار، مش مجرد لاعب متوسط المنظومة هتغطي مستواه،
ودي مشكلتي في مشاركته أمس ضد توتنهام، بل وفي توظيف الجبهة اليسرى بشكل عام لجوارديولا، لعب بجيرليتش كمحور 8 يساري مع ميندي، علشان يخدموا لاعب زي سترلينج، في حين إن فيه ألف شكل أنسب من ده!
ايه علاقة الكلام ده ببرونو!
طولت عليك شوية؟ كان لازم أقولك كل ده، علشان تفهم الإعجاز في توظيف برونو مع سولشاير، برونو مش لاعب رقم 10، برونو لعب أكتر من دور في ماتش ليدز وكلهم في وقت واحد، وهي دي الفكرة، إن الخصائص لها علاقة بالجودة، لاعب زي سترلينج خصائصه مختلفة لكن جودته ضعيفة!
طولت عليك شوية؟ كان لازم أقولك كل ده، علشان تفهم الإعجاز في توظيف برونو مع سولشاير، برونو مش لاعب رقم 10، برونو لعب أكتر من دور في ماتش ليدز وكلهم في وقت واحد، وهي دي الفكرة، إن الخصائص لها علاقة بالجودة، لاعب زي سترلينج خصائصه مختلفة لكن جودته ضعيفة!
سولشاير لعب بشكل يبدو إنه 4-2-3-1، لكن في الحقيقة كان مش كده، هجوميًا الفريق لعب بشكل 4-4-2 وغالبًا هنشوف الشكل ده كتير في الموسم ده، مين المهاجم مع جرينوود؟ برونو! وكانت بتتحول دفاعيًا لـ 4-3-3، برجوع برونو كلاعب محور رقم 8.
- الحالة الأولى.. وقت تدرج الكورة والإستحواذ عليها، برونو كان مش مهاجم صريح وهي دي الفكرة، برونو كان رقم 10، لكن وقت الإنطلاق والسرعات في المساحات من وضع الثبات، جرينوود كان بيتطرف على اليمين وجيمس بيرجع خطوتين ولوك شو فاتح الخط على الشمال،
وقتها مدافعي الخصم بيتم تشتيتهم لمراقبة المذكورين، وبرونو كان بيجري عموديًا بدون كورة وبيكون مهاجم، وبوجبا كان رمانة الميزان، بيخترق بالكورة خطوط تمركز صعب لاعب غيره يعرف يخترقها بتمريرة واحدة.
- الحالة التانية.. وقت فقد الكورة لحظة إمتلاكها أو الحالة الدفاعية عمومًا، كان برونو بيرجع كـ 8 على اليمين، وبوجبا متقدم خطوتين على اليسار، وميكتوميناي قريب من مكان برونو علشان يكون جاهز يلعب دور صريح في مركزه وقت قطع الكورة ولعب المرتدة لليونايتد، وفريد قريب من شو وبوجبا،
علشان كده تقدر تشوف هدف ليدز بسهولة كان بسبب مين، عدم تمركز صحيح من ميكتوميناي وفريد، 1+1=2!
- الحالة الثالثة.. برونو 10 صريح، شوف مثلًا أي لاعب مهما كان إسمه أما بيلعب مع برونو في الوسط وقت الاستحواذ، بتلاقيه بيتحرر أكتر معاه رغم إن برونو لاعب حر هو كمان، وده بسبب إن سولشاير بيعتمد على برونو واللي معاه كعنصرين بيخففوا الضغط على بعض في الملعب وبيعكسوه على الخصم،
بمعنى إن بوجبا بيتحرك دائمًا بشكل عمودي في بناء الهجمة، وبرونو لاعب متحرك ومساند لكل لاعبي الفريق، بالتالي بوجبا بيمرر الكورة وبرونو بيساند اللاعب اللي هيستلم الكورة في أي منطقة في الملعب، بالتالي ده بيتعكس على الخصم في تشتيت رقابته، فاليونايتد بيكون أخطر، بسبب برونو قبل أي حد.
وعلشان كده، تقدر تستكشف الكيمياء الموجودة بين برونو وراشفورد مهما كانت التعقيبات على راشفورد، برونو بيملك الحل والإنسيابية لكل شيء، اللاعب في وضع الجري في المساحة في وضع 1 ضد 1 مع ظهير الخصم، برونو بيقدر يضعه في الموقف ده بإستمرار،
ولو فيه آخرين أحبوا الانطلاق من وضع الثبات زي ميكتوميناي أو فان دي بيك، برونو بيتأخر لحظات قبل ركل الكورة من قدميه بين المدافعين. توظيف ميكتوميناي في مباراة ليدز الموسم الماضي أقرب مثال.
لاعب الكورة زي الرسام بالظبط، لو رسمت رسمة ممتازة لكن خلال الرسم إتحركت بالريشة بشكل خاطيء ولو لمرة، اللوحة كلها هتفشل، هو ده لاعب الكورة، التنبؤ بالقرار لو كان غلط، أنت على أعتاب فشل هجمة كاملة، وده شئ مستحيل يكون موجود عند السوبر مان سريع القرار، برونو فيرنانديز!
إنتهى الثريد!
إنتهى الثريد!
جاري تحميل الاقتراحات...