من حوالي ٣ شهور تفاجأت بساكن فى نفس العمارة اللي انا ساكن فيها بيقول انه رئيس اتحاد ملاك بالرغم ان معايا خطاب رسمي من الحي بيقول الأتحاد محلول من ٢٠١٥ ..رافع عليا يجي ١٠ قضايا بصفته رئيس اتحاد ملاك ..بالرغم أن اتحاد ملاك البرج مش موجود أساسا😂 و كسب منهم قضيتين ب ١٥٠ ألف جنية
المهم الراجل ده من كتر الهبل فجأة قرر يعمل كولدير لعابرى السبيل قدام البرج و كأنه عزبة وهو صاحب العزبة و واخد مياة من العمومي بتاع البرج و اجي نازل فى اى وقت الاقي ناس غريبة و اشكال غريبة واقفه قدام مدخل البيت بشكل شنيع وهو طبعا فاكر انه كدا بياخد ثواب بالرغم انه بيأذى الجميع...
المهم مرضتش ابلطج و قولت انا راجل طول عمرى محترم وميصحش و خلينا نسلك الطرق القانونية المشروعة...عملت محضر فى قسم الشرطة و عملت شكوى فى حي المعادى و بقالي ٣ شهور مفيش حد حرك ساكن المهم اتصلت بشكاوى مجلس الوزراء و وهى خدمة جميلة وانا استخدمتها زمان اول لما الريس عملها
وكانت جميلة و سريعة و ناجزة المرة دى اتصلت و ياريتني ما اتصلت..اولا علشان الخط يجمع قعدت يومين بجرب ثانيا أخيرا ردت عليا موظفة شكل جوزها لسه واكلها علقة موت ومش طايقه تسمع كلمه مني و فى وسط مانا بكلمها قفلت فى وشي السكة وعلشان الخط يجمع تاني عشت شوية حلوين
المهم عملت الشكوى
المهم عملت الشكوى
و الموظفة قالتلي انا عملتلك الشكوى خلاص طلبت منها رقم الشكوى بتقولي بعدين علشان عندنا ضغط 😂 والله العظيم حصل .. بقولها طيب علشان اتابع الشكوى اتصل اقولك انا تامر يعني 😂 قالتلي هى اتسجلت علي بياناتك وفجأة تيت تيت تيت و الخط قطع الكلام ده من ٣ أسابيع إن حد يتحرك ابدا..
ليه كل حاجة حلوة تتعمل فى البلد لازم تخرب بعد شوية هل لازم الريس كل شوية يتابع بنفسه كل حاجة ...والله العظيم حرام اللي الشعب ده بيعمله فى نفسه بلدنا جميله و دولتنا قوية بس احنا مصممين نضعفها....وإن شاء الله اعرف أجيب حقي من النصاب اللي بيلم فلوس من الناس بدون صفة قانونية
لو سمحت @rattibha
جاري تحميل الاقتراحات...