ثريد نصايح مهمة:
كل ما هتحط في الاعتبار إن الشئ ده ممكن واحتمال ميكملش عادي طول ما فرصتك هتبقا اكبر وافضل انها تكمل.
التعلُق طول ما هو فوق الصفر هتبقى سعيد بمعني ان وجود الشخص المتعلق بيه بيخليك سعيد لكن بعدم وجوده بردو سعيد لا بيعملك خلل ولا حزن.
الحالة النفسية مش بتتغير لما الحياه بتتغير الحالة النفسية بتتغير لما نظرتك للحياه/للشئ تتغير
الشعور اللي هتفضل تفكر هتخلص منه ازاي هياخد من طاقتك وهيزيد، دور ايه اللي عكسه واعمله.
اي حاجة/حد/مكان هيضمن وجودك هيفقد الخوف من عدم وجودك.
الاهتمام سايكل مينفعش يتنقص منها حاجة، اهتمام بالكلام الحلو- المظهر- القلب مينفعش حاجة فيهم تخشّع.
اللي بيودك منغير عتاب سيبه واللي بيعاتبك منغير ود بردو سيبه.
الاعتياد علي اي شئ في الدنيا اختياري واللي يقولك إجباري حاول متأمنلوش.
اي حاجة في الدنيا مش عايزها تتمكن منك واجهها بنقيضها.
مفيش حاجة اسمها راجعية و حاول تشيلها من قاموس حياتك في حاجه اسمها اختلافات في وجهات النظر و الاطباع ليس إلا.
الضرورات لا تبيح المحظورات في العلاقات واللي يعمل كده بيحه هو.
الحب و الكدب لا بيلدّوا علي بعض ولا بينفعوا مع بعض.
الجواز كاس داير كلنا هنشرب منه فحاول تنقي كاسك -ومطرحه- علشان مبدهاش.
متأمنش لصحاب العمر و عدد السنين علشان حلفاؤك كلهم هيخونوك يا ريتشارد.
متستسلمش عادةً بسرعة علشان هتتفاجئ فكل مره إنك استسلمت قبل محطة نجاحك الاخيرة.
اللي عقله مش بيتفتح ومش بيتغير مفيش حاجة في الدنيا هتغيره فمتحاولش محاولات فارغة.
الطبع غلاب مبيتغيرش. للمليون.
متغيرش رأيك في شئ لمجرد انك رأي وحيد أو شاذ كل الاراء الموجوده حالياً كانت وحيده و شاذه زمان.
التدريب الحقيقي هو تدريبك علي الالتزام مش تنمية القدرات.
الرياح تأتي بما لا تشتهي السفن دائمًا فمتعملش فيها قبطان.
انت ممكن تسوق اي حاجة في الدنيا إلا قلبك فمتحاولش علشان هتتفرم تحته.
اي فعل غير مقبول الحاجز بتاعه سقط و اتعمل مره هيتعمل الف مره. للمليون.
روح لطينك وليط نفسك بيه متروحش للرمل وتعوز تخليه طين.
كييفين الخرا بيجيبولهم معلقه دول متحاولش معاهم.
طول ما انت قاعد تحت رغبات الاخرين مش هتححق و لا تعمل حاجة، قوم اتحرك و اللي بيديك حاجة يبقا يقطعها عنك.
العين مبتبكيش غير عالنافع اي حاجة تانية بناخد عزاها صامتين.
الوشوش اللي بنلبسها في الحياة بتتحول لجزء مننا فحاول تختار وشوشك صح.
طول ما انت مش عارف انت عايز توصل لي ايه عمرك ما هتحس احساس إنك وصلت فحاول تعرف علشان انت بنزينك في الحياة يادوبك.
احنا الستات مبنلاحظش غير كل حاجة مش واضحه، عايز تخبي علينا حاجه اوضحهلنا.
نزوه الاغطاء حلوه لكن شيليتها وحشه، بلاش.
تحت القبة صاحب كبارية، عمره مكان شيخ.
علي قد حنينك للأشخاص/للأشياء في الدنيا هتتهان.
كل شئ مسموح في الحرب والحب دي اغبى جملة هتسمعها لان كل حاجة بالاخص في الحب ليها مبادئ و حدود و كرامة فحاول متبقاش دواست باب بيت.
الاراء المختلفة مبتغيرش في حقيقة الشئ ف أتقبل ان في قناعات كتير واراء مختلفة كتير مش انت اللي صح و مش انت اللي هتغير العالم.
اي حاجة كنت عليها زمان مبقتش عليها دلوقتي مش من حق اي حد في الدنيا يحاسبك عليها.
المبادئ مش نسبية و الثبات علي المبدأ ضروري يعني مش ممكن تتنازل عن مبدأك في موقف ما وترجع علي المبدأ تاني لكن ممكن (يتغير) عادي.
نصيحة مشهورة لكن لابد اقولها انت لا فاتك حاجة في الماضي ولا هيفوتك حاجة في المستقبل و متهتمش بالجزئية دي اوي منغير تساؤلات كتير ركز بس.
الاعمال مش بالنيات عادي -مفاجأه مش كده؟- متعملش خرا و ترجع تقول ده انا نيتي مش عارفة ايه الناس بتاخد بالافعال و بس do good you will be good.
بطل تعامل الوقت علي انه العُمله الصعبه و تفضل تخطط فيه و السعي للفوز عليه و و و، فكر تعيشه صح و بس.
الحظ مبيلعبش اي ادوار كبيره في اللي بيحصلك ف اقلع البامبرز بقا و اتلسع من الدنيا عادي و قوم قولها you hits like a bitch وواجها تاني المهم اطلع بره دايره الحظ دي باسرع وقت ممكن.
اقبل الاعتذارات علي قد ما تقدر عادي لكن ارفض الثقة مره تانية.
بلاش الفرصة التانية بلاش الفرصة التانية بلاش الفرصة التانية بلاش الفرصة التانية.
اللي بيغور مبيجيش بداله طابور و القرد لو راح مش هيجي بداله غزال هيبقا قرد بردو و مش اي واحدة تتمناك زي ما امك مفهماك بجد فكك و قوم نام لشغلك.
اللي اكبر مشاكلة مشاكل عاطفية مش عِلق عادي المشاكل العاطفية اه مش كل الحياة لكن هي مشاكل كبيره وقوية وبتأثر علينا و ممكن تكون اكبر مشاكلنا في فتره ما عادي.
مش هتلاقي جواب علي سؤال محمد عبدالوهاب "كل ده كان ليه" بطل تعيش تدور علي الاجابة و قوم اعمل اللي هتسأل عنه قدام كان ليه و انت ساكت D’:
هتبدأ تنجح في حياتك بجد لما تتعلم و تعرف تقول لأ بس النجاح الاقوي والاهم انك تتعلم تقول لنفسك أنت لأ.
ما تتوقعش اسوء سناريو هيحصل لأن في الاسوء بكتير وهيبهرك.
كل حاجة في الدنيا هتبان لك جميلة و طبيعية لحد ما تقرب منها ف اعرف من الاول مقدرتك في التمسك بالاشياء علشان لما تبانلك علي حقيقتها متخشعش.
لو في علاقة حب و محتاره ولسه بتسألي نفسك هو بيحبني ولا مبيحبنيش فركشي العلاقة دي حالاً
لو بيحبك مش هيوصلك في يوم تسألي نفسك هو بيحبني ولا مبيحبنيش إند اوف ادفايس.
لو بيحبك مش هيوصلك في يوم تسألي نفسك هو بيحبني ولا مبيحبنيش إند اوف ادفايس.
الرجالة بصورم اكتر من الستات ف خدي بالك عزيزتي القارئة انتي فهماني طبعاً.
اللي يستاهل احترامك هو الشخص اللي بيحترمك غير كده ابلع الناس لو دسولك علي كلمة.
الصعبانيات و لحس الجزم مش بترجع كرامة و لا بترجع وجع قلب و لا بترجع حاجة.
لما تلاقي نفسك علي الحافة متفضلش عليها و نط هتلاقي اللي يلحقك و اللي هيفلت منك هتلاقي غيره عادي المهم متفضلش عليها.
متفضلش تدي للطرف الاخر دعم و امتلاء إيجو علي الفاضي والمليان علشان لو الموضوع اتاخد for granted هتروح عليك وتدعس جامد.
لو اتسابت في علاقة بسبب أو بدون هتفضل تحس بعدها لفتره مش قليلة ان ده حب حياتك وجرح عمرك واكتر حد حبيته بس هتكتشف بعدها العكس يا عزيزي القارئ وان كل الموضوع إن الego بتاعك مستحملش قام موجهه كل مشاعرك لهذه المشاعر الخاطئة.
الحب والخوف مينفعوش مع بعض مش هتحس بخوف لو بتحب بجد، خوف يسيبك، خوف تتخانقوا، خوف تفترقوا، خوف من رد فعل، خوف من اي شئ. امشي.
اتقي شر disappointments الانتظار.
الدنيا هتسيب كل حاجة وتقسي عليك في الخطوة اللي قبل الاخيره و ترميك من فوق الجبل غدر ف انا بقولك من عندي هنا لتكون رايح وانا جاية.
الهوى . مش . غلاب
عدوك الاكبر جواك، عدوك الاكبر أنت، مدورش بره وحاول تنجي منه ولو معرفتش، تفاديه.
احترامك لخصوصيات الناس مش ذوق منك و مش تربية حسنة من السِت الوالدة، هو فرض عليك.
كل حاجة في الدنيا بتستبدل و بتتعوض. ك ل ح ا ج ة.
و أخيرًا وليس آخرًا ..
"لا تَسْأَلُوا عَنْ أَشْيَاءَ إن تُبْدَ لَكُمْ تَسُؤْكُمْ".
"لا تَسْأَلُوا عَنْ أَشْيَاءَ إن تُبْدَ لَكُمْ تَسُؤْكُمْ".
الدنيا صغيره وهتلف بيك وهتعمل اللي قولت إنك عمرك ما هتعمله. فكر الف مره قبل ما تنتقد اي تصرف/فعل حد و قول كده لما تتحط مكانهم ومتعملش كده فعلاً.
فكل نهاية مرحلة هتكتشف ان انت مكنتش بتطلب الكتير بس كنت بتطلب من الشخص/المكان الغلط فحاول تعرف انت واقف فين و بتطلب من مين.
اللي بيفرق بين الانسان الناجح والفاشل في الحياة هو مدي احترامه لقواعدة و مبادئة اللي عاش حياته يأسس فيها فقبل ما تقول انك صاحب مبادئ اختبرهم الاول علشان لما تحتاجهم متفشلش في سنّهم
الرفض بيزيد من سلبية الشئ اللي بترفضة، حاول ديماً تقول لنفسك انه قابل حتي لو هتبقا متصنع الشعور ده، سمع ودنك ومشاعرك واحساسك انك قابل لحد ما هتقبل بالفعل ولو مقبلتش بسرعة ترضيك هتلاقي علي الاقل سلبية الموضوع هتقل بتدريجية طبيعية
مبدأ all or nothing at all ده جميل اوي بس عمرك ما هتحسه ولا هتحصل عليه، عمرك ما هتعرف تكون كل حاجة/تاخد كل حاجة.. دوّر بس هتعرف تبقا فين بصوره اقرب وشوف هتعرف تاخد من مين بشكل أكبر لكن بتنازل اأقل
اي حد لقيته ب discounting the word NO اقلق منه و حاول تشد لجامك كده، حتي لو مش معاك بشكل اخص لكن عمومًا خدها من قصيرها وامشي علشان NO means No واللي بيتجاهل حاجة زي دي فيها مرار انت في غنى عنه، No is a complete sentence.
الشر بيبتدي أول ما تعمل شئ غلط/منحرف، وتحت بند (كل واحد حر و كل واحد عارف الصح من الغلط) مش كتير هينبهوك ويحذروك،وبما ان محدش هيعمل كده الانحراف في الشئ ده هيبقا عادة،واي عادة غلط/منحرفة شر بطئ
حكيت الدايرة دي كلها ليه بقا؟ علشان تتقى شر فكرة "ده انا هجربها/هعملها مره واحدة بس".
حكيت الدايرة دي كلها ليه بقا؟ علشان تتقى شر فكرة "ده انا هجربها/هعملها مره واحدة بس".
اكتشاف رتم الحياة الحقيقي إنك تعيش تتأقلم إن كل حاجة محتملة تنهي، الاوضاع تتغير، المشاعر متتحسش تاني، الناس منشوفهمش تاني، الأماكن تتبدل. كله
كل ما هتتأقلم أكثر كل ما الآلم هيقل
كل ما هتتأقلم أكثر كل ما الآلم هيقل
الناقد الوحيد اللي يستاهل تسمعله هو الناقد اللي جواك، كل واحد جواه ناقد قاسي متدخل ساعات بيبقا إيجابي وساعات بيبقا سلبي.. السماع له اوقات بيبقا حل كبير متستكبرش عليه لكن ضروري تفتكر إنه (اوقات). اي ناقد تاني على وجه الخليقة اغرفه
جاري تحميل الاقتراحات...