⭐️ عندنا مريضه كانت في العزل عشان كورونا .. و غرفتها كانت اخخخخخخخر غرفه في الممر .. يعني قدامها ماتشوف الا جدران .. و منطقه غير حيويه و لا فيها احد .. و كانت دايما تتصل بولدها في البيت تشكي له .. تقول انا بموت و محد بيدري ..
و يتصل هو على القسم يقول روحوا شوفوها و قدم شكاوي متعدده في مكتب المدير الاداري و شكوى للمدير الطبي لنفس الشكوى اللي محد عارف لها اساس ..
مع ان الممرضات دايما معاها .. و لما تنادي يردون عليها .. بس هي دايما في خيالها ان هي لحالها و ان احنا ناسيينها .. جا يوم من الايام ولدها و جلس مع الاستشاري يشتكي له .. قام الاستشاري ناداني و جلسنا في المكتب مع ولدها .. قال الاستشاري للولد ارجع قول نفس الكلام اللي قلته من شوي ..
قال الولد .. امي عندها فوبيا من المستشفيات .. و انتوا محد يروح لها و لا احد يطل عليها .. انا اقدر مجهودكم بس بعد انا لما تتصل علي و انا في البيت تضيق فيني الدنيا اذا سمعت صوتها خايفه .. اليوم الصباح محد كان عندها و اتصلت عليكم و قلتوا اوكي و بعد محد راح لها
قلت له شكواك في عين الاعتبار ، بس اليوم بالذات لما انت اتصلت تقول محد عندها الممرضه كانت داخل في الغرفه لدرجة انا شكيت اني عندي مريضتين بنفس الاسم .. قال اوريك رسايلها في الواتس اب !! قلت له انت صادق في شكواك و والدتك صادقه ..
ولك و لها الحق .. لما الحين انت قلت لي عندها فوبيا من المستشفيات انا تقريبا فهمت الحاصل .. هي خوفها يطول عليها المده .. ال ٥ دقايق تحسها ساعه .. و قيس عليها .. فكرة انها ماتشوف احد قدامها مسببه لها خوف ..
شرايك انقلها في غرفه تكون وسط القسم .. بحيث انها تشوف الجاي و الرايح من الابواب الزجاجيه و ماتصير تخاف و تحس ان المكان فيه ناس .. عكس الغرفه اللي هي فيها الحين اخخخخخر غرفه و اتجاه السرير مواجه الجدار ماتشوف احد ..
كل هذا و الاستشاري ساكت و يسمع و تارك لي المجال اتفاهم مع الولد .. قال ولدها عادي اشوف الغرفه ؟ قلت له حاليا فيها مريضه .، بتطلع اليوم بعدها ننظف الغرفه و نحط والدتك فيها .. قال اوكي ..
ايدني الاستشاري في الفكره .. و قال له ان فعلا النفسيه تلعب دور في هذا كله .. نقلنا المريضه للغرفه اللي في النص و صارت تشوف الناس الرايحه و الجايه و الحركه و اصوات الممرضات و كذا .. تصدقون ان الى الان صار لها اسبوعين .. ماسمعت منها و لا نص شكوى !!!
فعليا .. تفاصيل بسيطه ممكن تخلق فرق في سلوك الفرد .. بس لازم دايما نعطي انفسنا فرصه اولا نسمع للمريض و اهله .. ثانيا نحلل الموقف بطريقه اعمق ..
للامانه .. ماكنت واثقه من نجاح الفكره لان في بالي انهم هم شوي صعبين في التعامل .. لكن لما حليت مشكلتها و تغير سلوك العايله كلها ..
للامانه .. ماكنت واثقه من نجاح الفكره لان في بالي انهم هم شوي صعبين في التعامل .. لكن لما حليت مشكلتها و تغير سلوك العايله كلها ..
اكتشفت ان المشكله كانت في اني ما تنبهت من البدايه للمشكله الحقيقيه ..
✨المريضه هاذي اعطتني درس .. ان اي مريض كبير في السن ، ماينفع يكون في الغرفه البعيده هاذي و صرت جد اتفادى احط فيها مريض كبير ، لانه بيحس بالعزله المخيفه للي في مثل سنه ..
✨شكرا .. للمواقف اللي تعطينا دروس من غير ثمن في الحياه ..
جاري تحميل الاقتراحات...