اتصل فيني صديقي عايش بكندا .. قللي ولك يا أبو البيل كيف عايش بهالبلد؟؟ عم أسمعلك كل سمعة يا لطيف .. ليش ما بتجي عكندا؟
قلتله كندا؟ وأترك لبنان؟ ولك شبك شي أنت براسك؟؟ أنت شارب شي قبل ما تحكيني؟؟ مزلبع شي؟؟ محبحب شي؟؟ قللي أبدا ليش؟؟ قلتله اعطيني سبب واحد أترك فيه لبنان
قلتله كندا؟ وأترك لبنان؟ ولك شبك شي أنت براسك؟؟ أنت شارب شي قبل ما تحكيني؟؟ مزلبع شي؟؟ محبحب شي؟؟ قللي أبدا ليش؟؟ قلتله اعطيني سبب واحد أترك فيه لبنان
قللي طيب ماشي يا سيدي .. رح أعطيك أسباب .. مش سبب واحد .. بس اوعدني أنك تسمعني وتفكر بكلامي منيح .. ويا بتقنعني يا بقنعك
قلتله ماشي .. فبلش وسألني .. عندكم ضمان صحي؟؟ قلتله والله ليك .. لجهة الضمان في ضمان .. بس هلأ موقف ما عاد يستقبل ولا حالة إلا الضرورات والطوارئ
قلتله ماشي .. فبلش وسألني .. عندكم ضمان صحي؟؟ قلتله والله ليك .. لجهة الضمان في ضمان .. بس هلأ موقف ما عاد يستقبل ولا حالة إلا الضرورات والطوارئ
قللي لاه .. عم أحكي ضمان من الدولة لكل الشعب .. يعني تتحكموا ببلاش .. تلاقوا دواكن .. تقدروا تفوتوا أي مستشفى بلا ما تحمله هم الفاتورة .. قلته لا .. ليش الكذب .. لا ما عنا .. قللي نحن عنا
رجع قلي عندكم كهربا؟؟ 24 على 24 .. وبتكلفة رمزية .. قلتله مين رمزية؟؟ ومين 24 على 24 .. نحن في وزير محتال نصاب سراق حرامي كذاب منافق وعدنا فيها بس ما شفناها حتى 24 دقيقة .. قللي إيه عنا في
سألني .. حليب الأطفال ؟؟ متوفر؟؟ قلتله لا .. سألني في دولة قانون ومؤسسات ؟؟ قلتله ولا بالأحلام .. قللي في فرص عمل .. قلتله عم تمزح معي .. قللي سعر الليرة مستقر .. قلتله إيه مستقر بس بأسفل السافلين .. قلي في ضمان شيخوخة .. قلتله شو هيدي شيخوخة؟؟
فسألني وقلي .. طيب لكن ليش بعدك متمسك بلبنان وبقعدتك بلبنان؟؟ قلتله سبب واحد بيخلني متمسك بلبنان .. سبب .. ما عندكم منه .. بس نحن عنا .. هالسبب .. ميشان هون .. عنا جبل .. ببعبدا .. معيشنا بالعهد القوي .. هو وصهره المدلل
قللي إيه بسيطة .. نحن دولة عظمى .. ما في شيب يعجزنا نعمله .. بوكرا نحن منجيب هالجوز لعنا .. بتقبل ساعتها تجي؟؟ .. فضحكت وقهقهت وقلتله أكيد لا
استغرب صاحبي واندهش وقللي عجيب .. طيب ليش؟؟ قلتله لأنه ساعتها بيبطل عندكن لا ضمان صحي ولا كهربا ولا حليب أطفال ولا دولة قانون ومؤسسات ولا فرص عمل ولا استقرار سعر الليرة ولا ضمان شيخوخة !!
#بلال_مواس
#عقصة_دبور
#إذاعة_الفجر
#كندا_ولبنان
الحلقة 2091
#بلال_مواس
#عقصة_دبور
#إذاعة_الفجر
#كندا_ولبنان
الحلقة 2091
جاري تحميل الاقتراحات...