معي المسدس ومعهم الرصاصة!
سيب بقى أي حاجة في إيدك دلوقتي، وركز معايا في الكلام ده، موضوع خروج ليونيل ميسي من برشلونة هو موضوع غاية في التعقيد والصعوبة، وبدون أدنى شك هو أكتر موضوع معقد شوفته في الكورة كلها، ومن المستحيل إستخراج معلومة مؤكدة ورسمية.
ركز معايا،
ثريد عن خروج ميسي!
سيب بقى أي حاجة في إيدك دلوقتي، وركز معايا في الكلام ده، موضوع خروج ليونيل ميسي من برشلونة هو موضوع غاية في التعقيد والصعوبة، وبدون أدنى شك هو أكتر موضوع معقد شوفته في الكورة كلها، ومن المستحيل إستخراج معلومة مؤكدة ورسمية.
ركز معايا،
ثريد عن خروج ميسي!
مشهد رقم 1، "إغتيال بريء"...
علشان تتخيل مدى تعقيد الموضوع، في عام 2010 ساندرو روسيل رئيس نادي برشلونة قرر يعين جوسيب بارتوميو نائب له، وفي 23 يناير 2014 قرر روسيل الإستقالة من منصبه وبارتوميو أصبح رئيس لنادي برشلونة،
علشان تتخيل مدى تعقيد الموضوع، في عام 2010 ساندرو روسيل رئيس نادي برشلونة قرر يعين جوسيب بارتوميو نائب له، وفي 23 يناير 2014 قرر روسيل الإستقالة من منصبه وبارتوميو أصبح رئيس لنادي برشلونة،
الكلام هنا لحد دلوقتي مفيش فيه مشكلة، تعالى بقى، في 23 إبريل 2014، يعني بعد 3 شهور بس من تنصيب بارتوميو كرئيس، بياجيه كاتب كتاب ميسي وواحد من أقرب الناس له على الإطلاق، قال نصًا.. "مانشستر يونايتد يتسائل عن موقف ميسي بعد سماع أخبار عن رحيله، ويسأل بشكل جاد عن مدى إمكانية شراءه!".
إشاعة؟طيب تعالى خُد التقيلة، صحفي إسمه جراهام هانتر، واحد من أكتر الناس اللي تواصلوا مع ميسي، قال في 2017 إن في 2014 لما ميسي كسر رقم الليجا في ماتش إشبيلية، روسيل وبارتوميو حاولوا يبيعوا ميسي، وده لأن بارتوميو كان عايز يسجل أكبر عائد من المداخيل كإنجاز، فقرر إنه يبيع ميسي!
مش بس كده، لا، ده حاول صياغة بيع ميسي بشكل خبيث شوية، وخلال الماتش ده وزع ورق فيه تساؤلات للجمهور، إنه يعني راجل ديموقراطي، وفي الورق ده سأل بكل بجاحة، 'ايه إحساسك لو النادي قرر بيع ميسي؟ أو وضعه على قائمة الإنتقالات؟'
هانتر كمان بيهري؟ طيب، خُد كمان واحدة، في 19 إبريل 2014، يعني قبل الكلام ده بـ4 أيام بس، جوردي رورا مساعد تيتو فيلانوفا، بيقول إن فيلانوفا طلب من ميسي يقعد معاه وهو في أسوء أحواله الصحية وقبل موته بـ6 أيام علشان يقنعه بالإستمرار مع برشلونة مهما كانت سلبيات الإدارة،
مشهد رقم 2، "غرور أدى للإنتحار"...
جميل، هنا فيه تساؤل مهم، ليه نادي ممكن يقرر يجس نبض بيع لاعب بحجم وقيمة ميسي اللي بيدخل للنادي عائدات لا حصر لها وبيجذب عقود رعايا لا حصر لها بمئات الملايين، بل وقيمته الفنية لوحدها تخليك متفكرش أصلًا في شيء زي ده؟
جميل، هنا فيه تساؤل مهم، ليه نادي ممكن يقرر يجس نبض بيع لاعب بحجم وقيمة ميسي اللي بيدخل للنادي عائدات لا حصر لها وبيجذب عقود رعايا لا حصر لها بمئات الملايين، بل وقيمته الفنية لوحدها تخليك متفكرش أصلًا في شيء زي ده؟
ببساطة إجابة ده هو الجشع والطمع وعدم النظر للموضوع بنظرة ثاقبة للمستقبل، إنه من الغباء، النادي قرر يبيع ميسي علشان يدخل فلوس وهو ميعرفش إنه بكده هيخسر أضعاف أضعاف أضعاف رقم بيع ميسي،
ده مش شيء غريب، لأن هو ده بارتوميو بكل بساطة، وميسي هو اللي حاربه فعليًا علشان يستمر مع برشلونة، من محاولات بيعه للسيتي بقيمة خيالية وتشيلسي واليونايتد، لأن الشخص اللي يتعاقد مع ديمبلي وجريزمان وكوتينيو بقيمة 550 مليون يورو ده شخص غبي،
والمشكلة مش في الـ3 أسماء، يعني لو جيت للموضوع بنظرة منطقية بقى، فديمبلي يستحق الرقم اللي إتدفع فيه عادي، وجريزمان بطل العالم مع فرنسا ونجم أتليتكو الأول، وكوتينيو نجم ليفربول، ده لو بصيت بشكل مجرد للفكرة زي ما بارتوميو عمل كده،
إنما لو بصيت فعليًا للموضوع من جوانبه الطبيعية، لا جريزمان ولا كوتينيو ولا ديمبلي يتجمعوا في فريق، والأدهش إن فيه 380 مليون يورو إتدفعت في إتنين من اللاعبين بيلعبوا دور ميسي بكل وقاحة لكرة القدم، إن فيه بني آدم قرر يشتري 2 من النجوم علشان يلعبوا أدوار أخرى، ودورهم هو دور ميسي.
أبيدال بيقول إن برشلونة بعد رحيل نيمار بسنتين، لما كانت الإدارة محتارة بين رجوع نيمار وشراء جريزمان، قال لأعضاء الإدارة العمومية، مين عايز ده ومين عايز ده؟ الناس إجتمعوا على شراء جريزمان وبالتالي قرروا يشتروه، دي أكتر صورة ممكن توضحلك مدى الجهل الرياضي على مدار سنوات لبرشلونة.
النتيجة ايه؟ إن ديمبلي كان أفضل توظيف له هو توظيف كومان، أصبح لاعب بيجري وسريع في المساحات عموديًا حتى لو ساذج في قراراته، لأن الحل الوحيد إنك لا تهتم هو هيعمل ايه بالكورة، كل اللي هو مهتم به إنه الـrunner اللي هيخلق عمق عمودي في الملعب وهيوفر لميسي وقت ومساحة على الكورة،
يعني مدى الحزن في الموضوع، إن دوره أصبح عبارة عن لاعب عدّاء بيجري علشان ميسي يبقى معاه وقت ومساحة للكورة وبالكورة وبدون الكورة، وهنا نستنتج إستنتاج منطقي، إن ده مش ذنب ديمبلي فعلًا، لأنه في وجود ميسي جاي في مكان مش مكانه وبيتحاسب على ده، زي كوتينيو وجريزمان بالظبط،
المشكلة، إن جوارديولا نفسه مشي بسبب بارتوميو، روسيل وبارتوميو ناس مغرورين لأبعد الحدود، وغرورهم وصل لمنطقة إنهم عايزين ينسفوا كل اللي عمله كرويف أو سرقته لنصيبهم، ستيارتي صديقه قال كده بعد مغادرة جوارديولا برضاه، وعلشان كده بيب لما مشي، كل الكوادر والمميزين خرجوا هم كمان كلهم.
مشهد رقم 3، "أتسبب في المشكلة وأشتكي منها"...
بالتالي فيه نقطة، إن الشروط الجزائية كانت مش المشكلة، لكن المشكلة إن بارتوميو كان بيكبّر عقود اللاعبين مع كل إنجاز، إعتقادًا منه إنه كده بيحافظ على نجاحه، لكنه بعد كده بيرجع يشتكي من الديون، لدرجة إنه كبّر عقد روبيرتو قبل ما ينتهي،
بالتالي فيه نقطة، إن الشروط الجزائية كانت مش المشكلة، لكن المشكلة إن بارتوميو كان بيكبّر عقود اللاعبين مع كل إنجاز، إعتقادًا منه إنه كده بيحافظ على نجاحه، لكنه بعد كده بيرجع يشتكي من الديون، لدرجة إنه كبّر عقد روبيرتو قبل ما ينتهي،
يعني، مع لابورتا حاليًا، ألبا عنده شرط جزائي، وروما وإنتر قدموله عرض رسمي من شهر، لكنه لم يوافق على المغادرة وأجبر النادي على عدم الموافقة، ليه؟ لأن لو اللاعب مش موافق على عرض إتقدمله وهو عنده شرط جزائي وأنت كنادي عايز تمشّيه، لازم تفسخ عقده وتعطيه المرتب الباقي في سنين تعاقده،
ده كان سبب وضع رقبة نادي برشلونة تحت المنشار من لاعبين زي أومتيتي وألبا وروبرتو وغيرهم، ألبا لما إتقدمله العروض بربع مرتبه رفضهم كلهم وإستمر مع برشلونة، ليه؟ لأن فيه نادي ساذج مجبر يدفع كل مرتبه رغم إنه لا يستحق والنادي عارف إنه لا يستحق والجمهور عارف وهو نفسه عارف، بس هي كده بقى
وده بيفسر مدى السطحية للمشجعين، إن فالفيردي مدرب ناجح وبارتوميو راجل فاهم، إستنادا على الإنجازات في فترتهم، ومن النظرة دي النادي كان حاله هيكون وصل لأقصى مراحل السوء، بارتوميو لو كان كسب ماتش ليفربول وبايرن - لأنهم كانوا السبب في مغادرته-، ماكنش هيحصل أي تغير وكان مش هيمشي،
بارتوميو لولا الكورونا أصلًا كان نجح في الانتخابات وزود العقود تاني عادي، هو بالنسباله إن كده كده لو نجحت، فاللاعبين السبب، فهزودهم طالما باخد مليار وشوية، فمش مشكلة لو زودت الرواتب لـ400 و 500 و 600 كمان، لأنهم مش هيبقوا مليار بس، الكورونا فضحته!
مشهد رقم 3، المشهد الأخير والمنطقي لكل ذلك،
"النار أحرقت المدينة بأكملها"...
بعد كل ده، تعالى نروح للحلقة الأخيرة، وهي خروج ميسي لباريس، اللي حتى لو ميسي كان وافق يلعب ببلاش لبرشلونة كان هيتم الرفض، وأنا عارف إن النقطة دي فيها عدم فهم لكتير من الناس، فتعالى نبسّط الموضوع،
"النار أحرقت المدينة بأكملها"...
بعد كل ده، تعالى نروح للحلقة الأخيرة، وهي خروج ميسي لباريس، اللي حتى لو ميسي كان وافق يلعب ببلاش لبرشلونة كان هيتم الرفض، وأنا عارف إن النقطة دي فيها عدم فهم لكتير من الناس، فتعالى نبسّط الموضوع،
رواتب برشلونة بتمثل 110%، علشان برشلونة يقدر يدخل الموسم الجديد ويدفع الرواتب، محتاج يخفض الـ110% لـ 70%، كحد أدنى، ولما ميسي خرج، أصبحت 95%، وده بيوضح نقطة إن لابورتا نفسه كان عايز ميسي يمشي بدون أدنى شك لأن ده الحل الوحيد وسط رفض كل اللاعبين لخفض رواتبهم ماعدا بيكيه وبوسكيتس،
المشكلة كمان، إن قانون العمل الأسباني اللي تم وضعه في 1946 في الدولة، بيقول إن مفيش حاجة إسمها إن شخص يشتغل ببلاش، بالتالي في أسوء الأحوال برشلونة كان يقدر يعمل كده ويضحك على الحكومة وعلى الورق ميسي يكون مش بيتقاضى بس هو بيتقاضى خلف الأسوار، بس حتى الحل الغير قانوني ده مينفعش!
طيب، لابورتا في مؤتمر تقديمه كرئيس قال حاجة مش الكل أخذ باله منها، وهي إن 15% من ديونه راجعة لخسائر كورونا، و 85% بسبب سوء أعمال الإدارة السابقة، بالتالي حتى ميسي كان لو قرر يجدد عقده من فترة كبيرة قبل ما عقده يخلص هتعمل إستبيان لرواتب كل اللاعبين وهتترفض.
في النهاية، ميسي رحل، ونتيجة الغباء والفساد والجهل إن ميسي يمشي وده حصل، نتيجة منطقية فعلًا، بس لو جيت بصيت مين المتضرر في النهاية من كل اللي أنت قرأته ده، هو برشلونة ومشجعيه بلا شك، ضحايا مفيش لهم أي ذنب، ليه؟ لأن ميسي كان معاه المسدس، بس هم كان معاهم الرصاصة.
إنتهى الثريد!
إنتهى الثريد!
جاري تحميل الاقتراحات...