ستاد ميلان وانتر الجديد، ليه الناديين محتاجين ستاد جديد؟ مكانه فين؟ سعته كام؟ ايه المشاكل اللي بتواجهه؟ ايه المشاريع المتقدمة؟ حاولت اجمع اجابات كل الاسئلة دي في الثريد ده
مكانه منطقة سان سيرو بعد هدم الاستاد الحالي
سان سيرو تم افتتاحه سنة 1925 مكملش 100 سنة وعلى الرغم من قيمته لمحبي الكورة الا ان ده لا يعني شئ بالنسبة للجان التراث الثقافي لان عامل تميز التصميم المعماري مش موجودة ولانه اتعرض لتعديلات كتير على مر عقود غيرت تماما من التصميم الاصلي
سان سيرو تم افتتاحه سنة 1925 مكملش 100 سنة وعلى الرغم من قيمته لمحبي الكورة الا ان ده لا يعني شئ بالنسبة للجان التراث الثقافي لان عامل تميز التصميم المعماري مش موجودة ولانه اتعرض لتعديلات كتير على مر عقود غيرت تماما من التصميم الاصلي
بالتالي قررت اللجنة انه لا يمثل قيمة تراثية معمارية كبيرة وممكن يتم هدمه عشان الناديين اللي تشاركوه منذ تأسيسه يبنوا ملعب جديد بيتماشى مع معايير الفيفا
=طب ليه الناديين محتاجين ستاد جديد؟ لان سان سيرو مملوك لبلدية ميلانو وبالتالي مش بيحقق الربح المطلوب
=طب ليه الناديين محتاجين ستاد جديد؟ لان سان سيرو مملوك لبلدية ميلانو وبالتالي مش بيحقق الربح المطلوب
=ليه مايشتروهوش؟ لان فيه مشاكل تصميمية مش بتتوافق مع معايير الفيفا ولانه تصميم غير مستدام وقديم ومتهالك وتكاليف صيانته عالية ومش بيتبع معايير السلامة اللي في احدث اكواد البناء ومش صديق لذوي الاحتياجات الخاصة ولانه غير مزود بعزل صوتي وده عامل مشاكل لسكان المنطقة
=طب ليه ميتمش تجديده؟ لان التغييرات فيه هتبقى محدودة بسبب ال urban constrains والمباني المملوكة للدولة والمناطق السكنية ولان التجديد بعد ما اتعمل دراسة جدوى لقوا انها مصاريف على الفاضي ووقت اطول وربح اقل وهيفضل بردو الناديين محتاجين ملعب احسن على طراز حديث
بناء على ده، الناديين طرحوا كراسة شروط للشركات والمكاتب المهتمة بتقديم مقترحات تصميمية للملعب الجديد وتم الموافقة على تصميمين عشان يتم الاختيار بينهم ولسة متمش الاعلان ايه فيهم هيتنفذ
Rings of Milan vs The Cathedral
Rings of Milan vs The Cathedral
هيتم نقل الترافيك والجراجات لانفاق تحت الارض وهيتم خفض ارتفاع الاستاد بنقل جزء كبير منه تحت مستوى الشارع وبالتالي الجزء المبني فوق هيبقى 30 متر بدل ارتفاع سان سيرو الحالي 70 ولاندسكيب مستوى الشارع ده هيبقى مسموح فيه بالعجل ومسارات المشاة
واماكن تجمعات للمواصلات العامة مع منع السيارات الخاصة من الدخول على مستوى الشارع ودي حلول هتأثر بشكل ايجابي على مسارات الحركة والزحمة والضوضاء، الناديين طلبوا الحفاظ على الجمالون الاحمر والسلالم الحلزونية من سان سيرو وهيتم تضمينهم ف التصميم الجديد
المشروع مش مجرد ملعب، هو كومبلكس فيه ستاد وفندق ومول وحديقة عامة ومتحف ومعارض خارجية ومجمعات ملاعب ومسرح ومتحفين للاندية وانشطة ترفيهية داخلية وخارجية ومطاعم شغالة طول ايام السنة وبتحقق دخل للاندية بشكل يومي، مش بس مقتصرة على السيزون وحضور الماتشات
التصميم الاول من شركة سبورتيوم في شراكة مع شركة مانيكا، التصميم الثاني مقدم من شركة بوبولوس وهي شركة امريكية هي اللي عملت ملاعب ارسنال وتوتنهام وفولهام وجددت ويمبلي وقدمت التصميم تحت مسمى The Cathedral
سبورتيوم شركة ايطالية حديثا مصممين ملاعب كالياري وريجيو ايميليا وبادوفا ومانيكا شركة امريكية معاهم مشروع تجديد الكامب نو وملعب لوسيال قطر كاس العالم –مشاركين في التصميم مع مكتب نورمان فوستر- الشركتين قدموا تصميم تحت مسمى Rings of Milan
11 تصميم مانيكا وسبورتيوم عبارة عن حلقتين متقاطعتين كل واحدة فيها بتمثل قطب من قطبي ميلانو وبتحمل صور لاساطيره ومشجعيه وبيتم اضاءة واحدة باللون الاحمر والتانية باللون الازرق، سعة الملعب 65 الف متفرج وبيتضمن اكبر روف جاردن في اوروبا، اللاندسكيب اللي مصممينه تحفة
بارك كبيرة ونوافير راقصة واماكن تجمعات ومطاعم ومحلات وفندق ومركز رياضي ومسرح روماني وانشطة ترفيهية، حافظوا على جزء من الجمالون الاحمر وخلوه شعار المشروع وحولوا السلالم الحلزونية دي لبرج اخر دور فيه observatory تقدر تشوف منه المشروع ومطعم
ملاعب للتدريبات والعاب جماعية، جيم، تراك جري وساحة سكيتنج ومنطقة للاطفال وكل ده هيتم تقديمه بشكل مجاني للمواطنين من ميلانو والمناطق المجاورة، في خدمات ترفيهية تانية زي الزيبلاين وحائط تسلق وسينيمات ومول ودي هتبقى باسعار مخفضة شوية للمواطنين
في متحفين كمان هيتم عرض فيهم انجازات الناديين واساطيرهم، عاملين Nodes كتير كل واحدة منهم بتضم انشطة مختلفة والطريقة اللي قسموها بيها على اكتر من ليفل استغلال عظيم للمساحات واكسبيرينس جميلة وممتعة بصريًا ومسارات واضحة وتوزيع كويس جدا للخدمات
بوبولوس بقى عاملين ديزاين تاني مختلف جدًا، الانسبايريشن بتاعهم هو اهم مبنيين في ميلانو، الدوومو –ودي كنيسة عملاقة مبنية على الطراز القوطي- وجاليريا فيتوريو ايمانويلي، خدو من الدوومو شكل ال flying buttress اللي هتلاقوها في الصورة هنا
ودي عنصر مميز في العمارة القوطية وحولوها لوحدة متكررة بتشكل السيستم الانشائي للستاد وبعد كدة خدوا الازاز من مبنى الجاليريا وعملوه as a second skin للمبنى، الشفافية دي شكلها جميل جدًا، وشئ جميل انهم حاولوا يحافظوا على تراث المدينة ويستخدموه في التصميم
قاسمين واجهات الملعب نصين، النص بتاع ميلان هيتم اضاءة الbutresses من جوا باللون الاحمر والنص بتاع انتر عاملين نسيج ازرق شبه التعبان بيلف حواليه، عاملين استغلال كويس للمساحات تحت المدرجات ومحولينها لبارات اكلات سريعة ومشروبات
التصميم مميز وشكله مختلف وليه هوية واضحة بعكس الاول اللي هتحس انك شفت ملاعب شبهه، بس على الرغم من ان الكونسبت رائع الا انه كان ممكن يتعمل بشكل احسن،حسيته تصميم صناعي وقاسي بالذات ان كل عناصر الانشاء واضحة، ودي مش حاجة شبه مدينة للفن والجمال
الخطوط قوية في المباني زي المول والفندق والمبنى الاداري، مفيش عناصر مائية ولا مسرح والمساحات الخضرا محدودة مقارنة بالاول، معوضينه بgreen walls في المباني لكن مش بتشكل مساحات تجمع زي البارك اللي عاملينها سبورتيوم ال هتبقى بتغطي حوالي 90 الف م2
الانشطة الخارجية في التصميم الاول اقوى بكتير، والتصميم اجمل سواء تصميم الاستاد او المناطق الخدمية المحيطة حتى لو الكونسبت التصميمي للمبنى مش اقوى من تصميم بوبولوس ال حسب الاشاعات هو الاقرب للتنفيذ خصوصًا ان الشركة عندها سجل ناجح من المشاريع الكبيرة المشابهة بعكس سبورتيوم ومانيكا
اتوقع هيكون في ميل لاختيار تصميم سبورتيوم لأنها شركة ايطالية وهيفضلوا انجاز زي ده يكون انجاز محلي، وبشكل شخصي اتمنى فعلا يتم اختياره حتى لو كان ريسك بالنسبة لحجم الشركتين.
حاليًا المشروع وقف بسبب كورونا ولسة واقف بسبب مشاكل مع بلدية ميلانو بخصوص وضع الانتر المالي والاداري
حاليًا المشروع وقف بسبب كورونا ولسة واقف بسبب مشاكل مع بلدية ميلانو بخصوص وضع الانتر المالي والاداري
خصوصًا ان مفيش ضمانات مالية من الجانب اللي بيمول نص تكلفة المشروع ومحافظ ميلانو مش هيغامر بهدم سان سيرو من غير ما يكون عنده ضمانات كافية. انتهى الثريد
انا تعبت فيه جدًا، فأتمنى محدش ينقله او يستخدمه بدون اذني عشان مزعلهوش، شكرًا
انا تعبت فيه جدًا، فأتمنى محدش ينقله او يستخدمه بدون اذني عشان مزعلهوش، شكرًا
جاري تحميل الاقتراحات...