ليلي الو طشم يقرا، سمعوا هالخبرية!
لمن كنت عايش بفرنسا كان عندي جارة تونسية عايشة مع خيها. ايام ميتران، خيها كان يلعب بالدوري التاني وعطب اجريه ومن يومتها عايشين عالمساعدات الحكومية! لمن انتخب شيراك اليميني صاروا يخفوا المساعدات وصاروا انجاء يأمنوا اجار البيت من دون لا دوا ولا

استشفاء! فاضطرت تصير تشتغل بالبيوت وهي مرا كبيرة بالعمر...
لمن ترشح شيراك لولاية تانية، وبحكم الجيرة وانو نحن اولاد عم (تونس ولبنان) اجت قرتني رسالة كتبتها للرئيس شيراك بتشرحلو فيها معاناتها وسألتني شو رأيي؟ هلاء انا اول شي قلتها كيف بدك توصل الرسالة للرئيس؟ قالتلي بحط العنوان

وببعتها بالبوست؟ قلتلها موفقة... علماً انو ما كان بدي اكسفها وقلها انقعيها وشربي مايتها...
المفاجأة بعد انتخاب شيراك لولاية تانية، بيجوا لعندها من مركز الخدمات الاجتماعية وبعاينوا البيت ووضعها هي وخييها! بعد اسبوع، بتجي لعندي عمبتبكي وبدها تودعني لانهم نقلوهم لشقة اكبر مع رعاية

صحية كاملة ومعاش شهري بخليها توقف شغل وتهتم بخييها.
ليش عمبخبركم هالخبرية؟ تتشوفوا الفرق بين هالبلد لي عايشين فيه نحن وبين دول الغرب لي بتحترم الانسان...اي انسان عاراضيها!
قولكم اذا اكتبنا رسالة لاي رئيس من المنايك لي عنا، بتوصلو؟ واذا وصلتلو معقول يعمل شي؟
بعرف الجواب، ما تقولوا