بتكلم عن الحاجات اللي ممكن تكون سبب في فشلك بالجامعه حاجات ممكن تخلي مستواك يكون ضعيف وتتخرج بدون أي فايدة كسبتها من الجامعه ، أكثر الحاجات اللي بذكرها تحت التغريده مرت علي بما أني صاحب تجربه سابقه فاشله بالجامعه😀
اذا كنت مشغول حط لايك عشان ترجع للتغريده بعدين❤️👍🏻
اذا كنت مشغول حط لايك عشان ترجع للتغريده بعدين❤️👍🏻
١- عدم البحث : كلنا نتوقع ان الكورسات اللي بالجامعه تعطينا كل شي بالتخصص وهذا غلط ، الجامعه تعطيك قطره من بحر عشان كذا لازم انك تبحث عن المعلومه وتزيد معلوماتك بالشيء اللي تدرسه وتتعمق بالشيء وتتعلم فيه اكثر
٢- اللغة الانجليزيه : بالنسبه لي اشوفها امر مهم بالجامعه وبعد الجامعه اذا كانت لغتك ضعيفه راح تعاني كثير من ناحيه الدراسه ومن ناحيه ما بعد الجامعه اللغة مهمه جداً جداً جداً ، عشان كذا اول شخص مستفيد من تعلم اللغة الانجليزيه انت راح ترتاح كثير حتى وقت التعلم لشيء حابه تتعلمه
٣- تأجيل المذاكره للاختبارات الى قبل الاختبار ب اسبوع او يوم : عشان اكون معك صريح مستحيل الشهص يقدر يخزن معلومات حقات ترم كامل بليلة وحده عشان كذا اكثر الطلاب ما يستفيد من الماده ، حضر نفسك من بدري كل محاضره تاخذها ذاكرها بيومها يوم يجي الاختبار تحصل نفسك جاهز ومستعد بشكل ممتاز
٤- الاعتماد على الغير : وهذي اهم نقطه ممكن تخليك تتخرج وانت مو فاهم تخصصك كله ، مثلاً بالواجبات او المشاريع انك تروح لشخص يحله كلها لك بس عشان تاخذ درجه انت الخسران فلوس ودراسه لانك ما استفدت شي ممكن تروح لشخص يشرح نقطه موقفتك بس انك تخليه يحل لك هذا شي يهدمك صدقني👌
٥- التفكير بالوظيفه بعد الجامعه وانشغالم فيها وانت للحين تدرس : هذي نقطه راح تخليك تنسغل عن دراستك وتفكر بالمستقبل اللي كله بيد الله وممكن تتحطم وانت للحين ما تخرجت انت تفعل الاسباب وتعمل والنتايج تظهر بعد ما تتخرج ، عشان كذا اشتغل على اليوم اللي انت فيه لان ثماره تطلع بكرا👌
٦- عدم استغلال الفرص اللي تجي بالكليه مثل الدورات والندوات اللي تصير : بعض الاحيان الكليه تحط دوره وتحط ندوه يجي شخص يتكلم الكثير يقول مافيها فايده ، بالعكس فيها فايده انك بتتعلم شي جديد وممكن يتفتح عقلك على شي جديد كذا ولا كذا انت بمرحله بناء حضورك للحاجات هذي بيفيدك كثير
٧- إهمال فرصه التدريب التعاوني : التدريب التعاوني هو من اهم المراحل بحياتك الجامعيه راح يعلمك بيئه العمل كيف وراح يعلمك حاجات جديده وراح تشتغل عمي على حاجات كثير بتخصصك وراح يغير بشخصيتك كثير انتبه تهمل التدريب وحاول تختار المكان المناسب التدريب التعاوني فرصه ما تنعوض
٨- عدم استثمار وقتك بالتعليم الذاتي: التعليم الذاتي من الحاجات اللي مرره مهمه خلال رحلتك بالجامعه وراح تساعدك كثير انك تتخرج مبدع بتخصصك وتختصر عليك حاجات كثيره تتعلمه بعد ما تتخرج لو ساعه باليوم تدرس عشان تتعلم شي بتخصصك بتتخرج وانت اسطوره فيه
٩-عدم الاحتكاك مع دكتورك ! : كل دكتور بالجامعه مر على مرحله الجامعه والدراسه ليش اقولك احتك فيه عشان تاخذ من خبرته وتتعلم منه حاجات كثير تختصر عليك سنوات قدام وتتعلم حاجات وممكن يعطيك نصيحه بتخصصك تفيدك طول عمرك لاتخلي علاقتك بالدكتور فقط بالمحاضره بس راح تعرف فايدتها اذا جربتها
بالنهايه حط ببالك ان مرحله الجامعه مرحله مهمه وتأسيسه لك وبناء لمستقبلك ان شاء الله كل دقيقه فيها ترا ثمينه استغل وقتك وتعلم وطور من نفسك وكل ثمار جهدك راح تشوفها بعد ما تتخرج بإذن الله
الله يوفقك يارب وتاكد انك تقدر تصنع من نفسك شخص ناجح ومبدع في تخصصه ويقدر يسوي انجازات كثيره المستقبل ينتظر مبدعين مثلكم وان شاء الله بعد سنوات نشوفكم في أعلى المناصب ، بالتوفيق لكم كلكم❤️❤️🙏🏻
جاري تحميل الاقتراحات...