ثريد قصير:
1- فيه فرق بين المرض illness و بين العدوى infection
تطعيم "أ" فعاليته 80%، يعني ايه؟
يعني 80% مش هيجيلهم المرض illness
اغلبية ساحقة من ال 20% الباقيين هييجي خفيف
كسر هيجيله شديد
كسر الكسر هيتوفاه الله
= تطعيم بيمنع المرض من أساسه في 80% من المطعمين

فعالية التطعيم رقم منع المرض من أساسه مش الفتية التويترية بتاعة مبيمنعش المرض بيضعفه بس!
فلما تلاقي واحد بيقول "عندي اعراض وطلعت ايجابي رغم اني مطعم" ، انك ترد ب :
- "معلش انت عارف التطعيم مش بيمنعه بيضعفه بس" غلط ❌
- "معلش انت عارف ان فعاليته مش 100%، وانت من ال 20%" صح✔️

امال ايه حكاية ال infection؟
وجود الفيروس داحل الجسم وتكاثره بعض الشىء بدون ما يسبب مرض يبقى اسمك عندك الفيروس infection بس مش مريض illness
- زي أغلب المطعمين
- وزي ال 40% اللي كانوا بيصابوا بدون أعراض مع سلالة ووهان الاصلية السنة اللي فاتت
فيه ناس بقى ملخبطة دي مع أعراض خفيفة

حكاية انه ميمنعش الاصابة مش مهمة لما نتكلم بخصوص صحتك. اجسامنا كلنا جواها ميكروبات مش بتسبب أمراض
أهميتها اننا في جائحة و عايزين نحمي المطعمين + نمنع الانتشار ونقضي على الجائحة
ده سبب التركيز على ان التطعيم مش لازم يمنع العدوى
لكن دي غير انك تقول مبيمنعش المرض!! التطعيم بيمنعه

اما بخصوص الاصابات في العالم جاليا فكل ارقام التطعيمات المذكورة كانت في أبحاث على سلالة ووهان وسلالة الفا البريطانية
اللي موجود حاليا في العالم دلتا ودي غير . لسه هنشوف أرقامها ، لكن الاراقم الأولية مبشرة ، بس تستلزم الجرعتين