أسعار المؤسسات التعليمية في السودان محتاج وقفة حقيقية عشان نفهم الحاصل شنو ، ٩٠٪ منهم مسعرين بالدولار نظراً لانهيار العملة اوكي فهمنا الجنيه داقي الدلجة طيب بتزيدو سعر السنة دراسية ليه ؟ مش المفروض السعر بالدولار ثابت ؟! و المحزن إنه الخدمات و المباني ما بتستاهل السعر ده
مش بس كده في مدارس في السودان السنة الدراسية بي 2000$ و بكون المبنى عبارة عن بيت عنده جنينة و الأساتذة غير مؤهلين و السعر غير شامل الكتب و الترحيل و اليونيفورم و ديل كلهم بيحاسبو الأهالي عليهم برضو بالدولار و مفترض انها مدارس انترناشيونال
المصيبة انه عادي بكون ما معترف بيها برة و المصيبة الاكبر انه نفس السعر ده برة السودان بدخلك مدرسة بمنى محترم جدا بكل ملحقاته من مسبح و ملاعب شامل الكتب و اليونيفورم و ابليكيشن الاونلاين و مدرسة معترف بيها و الكلام ده ما ونسة سوشيال ميديا الكلام ده حقيقة و عن تجربة حقيقية 🤷🏽♀️🤷🏽♀️🤷🏽♀️
اضافة لده كله لمن تفتش عن مدرسة لا بتلقى ويبسايت محترم تشوف نشاطاتها و لا صور ليها و لا مؤهلات الاساتذة و لا الكوتيشن بعد سعر الدولار الخاتينو ، طيب قدمو خدمة محترمة تفسر سعركم الما منطقي !
رحلة اختيار المدارس في السودان شاقة و مرهقة للاهالي بكل المعايير الحمد لله الذي عافانا
رحلة اختيار المدارس في السودان شاقة و مرهقة للاهالي بكل المعايير الحمد لله الذي عافانا
جاري تحميل الاقتراحات...