جملة إن ميسي أفضل لاعب في تاريخ الكورة أو إنه أسطورة أو وصفه بأي أوصاف أخرى على نفس السياق، هي أوصاف بتقلل من ميسي مش بتوصفه بالشكل اللي يستحقه فعلًا،
ميسي أكبر من مجرد أسطورة وأكبر من إنه يتقال عليه لاعب كورة من الأساس.
ثريد الوداع.
ميسي أكبر من مجرد أسطورة وأكبر من إنه يتقال عليه لاعب كورة من الأساس.
ثريد الوداع.
ميسي فعلًا عمره ما كان عبارة عن شخص بيلعب بجلدة مدورة، ميسي حوّل اللعبة دي لشيء تاني أبعد ما يكون عن كونه مجرد لعبة، أكبر أكذوبة وجهها ميسي للعالم إن الكورة سهلة أوي كده وهي في رجله، رغم إنها صعبة وصعبة جدًا كمان.
أنا شخص مر بظروف سيئة كتير في حياته، ظروف سيئة على أصعدة كتير، لكن العامل المشترك في كل الأوقات السيئة إن ميسي كان أكبر عامل بيهوّن على الواحد حياته، أول تيشيرت جبته في حياتي كان روني لما كان بيلبس 8 معانا، وميسي لما لبس 19.
أنا شخص مستحيل تلاقيه بيحب شيء بجنون، مش بقدس الناس ولا الأشياء، مش غرور، لكني مقتنع إن مفيش شيء يستحق الحب المبالغ فيه من الناس، إلا ميسي،
انا بتفرج على ميسي من ساعة ما لبس 30 و 19، كل فترة له كان لها تفاصيل وذكريات كتير في حياتي،
انا بتفرج على ميسي من ساعة ما لبس 30 و 19، كل فترة له كان لها تفاصيل وذكريات كتير في حياتي،
لما كان شاب صغير، كنت بتفرج على ماتشات برشلونة وأروح بعدها أحمل فيديوهات على فلاشات وأجري على الكومبيوتر القديم بتاع زمان اللي كان في معظم البيوت وأتفرج تاني،
بس الوضع كان بيختلف في المرة التانية، كان تركيزي بيكون له هو بنسبة 70%، وتشافي بنسبة 10%، وباقي الفريق بالأسلوب بجوارديولا بنسبة 20%.
بعد جوارديولا ومع إنريكي، كنت بصرف كل فلوسي على مقتنيات وتيشيرتات وأحذية ميسي، أنا فاكر في 2015 إشتريت 7 تيشيرتات لميسي وجزمتين ذهب له وكنت بلبسهم في الأماكن الرياضية،
انا شخص مش بحب نيمار، بكرهه مش مجرد مش بحبه بس، كمان مش بحب سواريز، لكن رغم كده إشتريت تيشرتين لكل واحد فيهم في 2016 لأنهم أجبروا أي متفرج على إحترامهم، بعيدًا عن أي سلبيات في أدائهم لا داعي للكلام عنها.
ما بعد إنريكي بقى، تفاصيلي وذكرياتي مع ميسي أكبر من مجرد ذكرها، أحلى فترة في حياتي الكروية،
فترة فالفيردي دي بكامل سلبياتها وردائتها من حيث الأداء، ميسي فيها كان حوت ومتوحش بكل معاني الكلمة، ميسي 2019 نسخة لا تُقارَن بكل كرة القدم من شرقها لغربها،
فترة فالفيردي دي بكامل سلبياتها وردائتها من حيث الأداء، ميسي فيها كان حوت ومتوحش بكل معاني الكلمة، ميسي 2019 نسخة لا تُقارَن بكل كرة القدم من شرقها لغربها،
أنا في 2019 مريت بظروف صعبة كتير، لكن كنت بنزل بالليل في السهرة أتفرج على ماتشات برشلونة، كانت معظم ماتشات برشلونة الساعة 11 و 12 بالليل، وأنا ضامن إن ميسي هيهوّن عليا كل شيء، وضامن إنه هيتألق في كل ماتش،
مستحيل أنسى ماتش برشلونة وليفربول الذهاب، كنت أنا ووالدي بنتفرج مع بعض وإحنا ناس بتحب ميسي جدًا يعني ووالدي مشجع لبرشلونة، قولت لوالدي وقت الفاول: ميسي هيجيبها؟
قالي أيوه، قولتله ازاي؟ المسافة بعيدة جدًا! قالي هتشوف،
قالي أيوه، قولتله ازاي؟ المسافة بعيدة جدًا! قالي هتشوف،
وأول ما ميسي سجل، أنا فتحت بوقي 3 دقايق متواصلين بلا مبالغة، قولتله ازاي؟ قالي ده ميسي، ده ميسي يا محمد، ميسي! وأنا بصوت عالي عمّال أقول Meeeessi, Meeeessi!!
ميسي حاجة تانية، حكاية تانية ورواية تانية وتعلق تاني وحب تاني، مستحيل أتعلق بلاعب تاني مهما كان مين نفس تعلقي بميسي.
الحكاية كلها ميسي، لسه لم تنتهي ولن تنتهي، حزين كل الحزن لوداعك في النادي اللي متفصّل عليك وأنت متفصّل عليه، لكن أنت الإستثناء، هشجعك مهما كنت فين.
الحكاية كلها ميسي، لسه لم تنتهي ولن تنتهي، حزين كل الحزن لوداعك في النادي اللي متفصّل عليك وأنت متفصّل عليه، لكن أنت الإستثناء، هشجعك مهما كنت فين.
لما أتجوز وأخلف، هقول لإبني، أنا كنت سعيد الحظ والقدر لأني تابعت ليونيل أندريس ميسي.
جاري تحميل الاقتراحات...