ايوه عملت اللي عليا و ايوه مكنش ف ايدي اعمل اكتر من كدا و اه حتى لو عملت اكتر من كدا كانت هتبقى نفس النتيجة بس الظلم سيء لما نتخرج و ندخل في منافسة كمان كام سنة مع ناس متحطش تحت نفس الظروف و الضغوطات سواء النفسية او الجسدية ( مش بحقد عليهم لان هم و كلياتهم ملهمش ذنب هم الصح )….
يبقى دا ظلم و ياريت مثلا بنستحمل الضغوطات دي عشان بنتعلم منها حاجة مثلا حاولت افكر امبارح ايه ممكن تكون استفادتي من التجربة السيئة دي ملقتش ميزة واحدة حرفيا الوضع صعب تخيل توصل لدرجة انك تتعامل مع تعليمك على انه ابتلاء و تصبر نفسك انها فترة و هتعدي مش كارير كامل
مستوى امتحان تعجيزي انا محلتش بهذا السوء على مدار ١٦ سنة تعليم بإحتساب المواد اللي كانت نجاح و سقوط اللي كنا بندخل قاريين المنهج بس مش مذاكرين و دا كمان بتوفيق ربنا في كذا سؤال الامتحان دا ماتريال للسقوط حقيقي و مشفق جدا على شخص ممكن يكون ذاكر الكتاب من الجلدة للجلدة و يشيله
حاول افكر في نفس الوقت ايه نوع الفراغ اللي ممكن يكون عند شخص غير سوي نفسيا يخليه يقعد حوالي ٣ ايام على الاقل يفكر ازاي يجيب ١٠٠ سؤال كل سؤال منهم محتاج لجنة من القسم عشان تحله و بفكر برضه ايه المكسب اللي هيعود على واضع الامتحان غير انتصاره في معركة وهمية مع الطلبة ؟
حاولت اخد الموضوع بهزار زي كل مرة بس للاسف لا حالتي النفسية ولا الجسدية تسمح ب دا و كنت محتاج افرغ هذه الشحنة من السلبية و املي الوحيد ان زملاءنا اللي هيبقوا في هذه المناصب مستقبلا ميخلوش اي حد من الاجيال القادمة يمر بهذه المعاناة و تنتهي مع انتهاء الجيل دا و شكرا.
جاري تحميل الاقتراحات...