1\4
عمل مسرحي رائع: تانغو المشاعات
هي مسرحية عسكرية، تبادل فيها العدوان الصراخ والقصف على المشاعات الفارغة، لا جرحى، لا قتلى، لا ما يحزنون.
العدو شد العصب السياسي لليمين المتطرف.
الحزب شد العصب الطائفي في جمهوره وعند حلفائه وأعاد لملمة الوضع الداخلي بركي بتفرج بشي طريقة

2\4
المستقبل وجعجع وأيتام 14 آذار سبوا الحزب وشدوا العصب شوي, والشعب نقسم شوي كتير.
حتى حسان دياب طلع من الفريزر وقرط تصريح.
عمل إستعراضي رائع، بس بالنهاية مجرد إبرة مورفين ما رح بتضاين. بعدنا بأول جهنم، لا محروقات، كهرباء، جوع، فساد، أدوية، ومنظومة عاجزة حتى عن إعلان عجزها.

3\4
أما الناس، فيا حسرتي على الناس. شو ما عملوا ما رح يخلصوا.
يللي وقف مع الحزب كتار رح يعتبروه غنمة لأن لاحق الحزب، وهني مش عارفين شو يعني يكون الكيان الغاشم جارك.
يللي وقف ضد الحزب، كتار رح يعتبروه عميل أو خاين لأن تجرأ يكون عنده رأي مخالف.

4\4
بس بآخر النهار، الناس كل الناس، والشعب كل الشعب، هني يللي بيدفعوا الثمن.
شفتوا كيف الشعوب بتتقسم لحتى الحكام يضلن ماسكين الشعب من رقبته ومن إيده يللي بتوجعه؟
وآخر شي، منحط الحق على الشعب وعلى الناس يللي لازم كل مرة تختار بين الخوف والرعب، بين الفقر والجوع، بين اليأس واليأس.