اوكي، مع اني مفروض اكون شغال في تسليم متعلق بيه ديدلاينه كبس، لكن البروكراستينيشن لا دين له، فشنو، نقوم نهنق:
عن "فتح الكيزان للبوابات عشان يغرقونا" (وهسي بقت "استعدادات ضرب النهضة") البتحصل سنوي، او ما يعرف عند الخواجة بالـ Sediment Routing و الـReservoir Flushing (حسب الظروف).
عن "فتح الكيزان للبوابات عشان يغرقونا" (وهسي بقت "استعدادات ضرب النهضة") البتحصل سنوي، او ما يعرف عند الخواجة بالـ Sediment Routing و الـReservoir Flushing (حسب الظروف).
نبدا اول بتعريف المشكلة، وقبلها بوصف الوضع الطبيعي البيحصل.
الموية بتنزل من السماء مطرة (او بتطلع من الارض أيهما)، بتتجمع وتجري فوق الارض، بتتجمع تاني وتبقى انهار، وبتمشي الى ان تصل ما تظنه مستقرها الاخير، ومنها بتقوم تتبخر وسيسيفوس يستأنف
الهايدرولوجيك سايكل الزفت دي. -_-
الموية بتنزل من السماء مطرة (او بتطلع من الارض أيهما)، بتتجمع وتجري فوق الارض، بتتجمع تاني وتبقى انهار، وبتمشي الى ان تصل ما تظنه مستقرها الاخير، ومنها بتقوم تتبخر وسيسيفوس يستأنف
الهايدرولوجيك سايكل الزفت دي. -_-
في حتة الجريان الفوق الأرض دي بتبدا الظاهرة البتهمنا، النحر. الارض الطبيعية ما كتلة واحدة متماسكة، وانما مجموعة كبيرة من الجزيئات (التربة) متراكمة فوق بعض.
الموية لما تجي ماشة فوق التربة دي، بمزيج من قوة الدفع (كتلة عندها زخم لاقت كتلة تانية) و الطفو (مادة كثافتها خفيفة
الموية لما تجي ماشة فوق التربة دي، بمزيج من قوة الدفع (كتلة عندها زخم لاقت كتلة تانية) و الطفو (مادة كثافتها خفيفة
بتبدا تطلع فوق في مائع كثافته اتقل)، بتبدا تشيل معاها جزيئات التربة دي، سواءً "محلولة" في الموية، طافية او مرفوعة، او لازاها لز. الجزيئات دي هنا بنسميها بعد كدة "sediment" او رواسب، والعملية بتبقى "نحر" Scour، والرواسب دي بتظل ماشة مع الموية دي ما دام الموية محافظة على اندفاعها.
الرسوبيات دي، على حسب حجمها وشكلها وامور تانية كدة، ممكن تقول عندها حد أدنى من السرعة عشان تظل متحركة، لو جريان الموية قل منها، بتبدا الرسوبيات دي تقيف (اذا كانت ماشة باللز) او تبدا تنزل (اذا محلولة او ماشة فوق مع التيار)، دي ياها عملية الترسيب، sedimentation a او deposition.
الحاجة التانية المفروض تتاخد في الاعتبار انه اي جريان للموية عنده "سعة" بتاعت رواسب ما بيقدر يشيل اكتر منها. حاول يزيد، سرعة الجريان حتقل (او السرعة الضرورية للمحافظة على الحمولة حتزيد) وحيحصل ترسيب لحد ما نرجع للاستقرار اياه.
في نهر طبيعي ومستقر، بيكون في درجة من الاتزان بين عمليتي النحر والترسيب، فبتلقى شكل المجرى العام more-or-less ثابت، ما بيتغير مع الزمن، الا لو جا واحد بليد ضيق المجرى فوق ولا عمل ليه مصيبة زمان تانية، زي، مثلاً مثلاً مثلاً كدة، يقفل المجرى بردمية طويلة في نصها في حيطة خرسانة...
لما تلعن* مجرى وتخلق ليك بحيرة وراه، انت بتغير طبيعة النهر تماماً.
لو فرضنا انك قافل المجرى تماماً وماف اي موية ماشة قدام، البيحصل -بالنسبة للموية- انه سرعتها بتبقى صفر، وقبيل قلنا شنو؟ السرعة لو قلت بيبدا يحصل ترسيب، اها هسي السرعة زيرو.
لو فرضنا انك قافل المجرى تماماً وماف اي موية ماشة قدام، البيحصل -بالنسبة للموية- انه سرعتها بتبقى صفر، وقبيل قلنا شنو؟ السرعة لو قلت بيبدا يحصل ترسيب، اها هسي السرعة زيرو.
* دي pun رخيصة. سد بتترجم لي dam، و dam برضو تصريف الفعل منها (يَسُد). يلا زيد n في الأخر.
اي، كان لازم اشرحها...
اي، كان لازم اشرحها...
يالا هنا لما الموية الشايلة رواسب دي تصل بحيرة السد، بتقيف انتباه، والرواسب الشايلاها دي بتبدا تقيف. الحاجات التقيلة الكانت ماشة مدردقة بتقيف في البداية فوق، والحاجات الخفيفة بتبدا تنزل براحة (ماشة بالزخم الفاضل فيها)، ولما تصل نهاية البحيرة محل السد، بتلقى اخف حاجات نزلت خلاص.
يالا يا سيدي، نحن الخزان دة عملناه ليه؟ نخزن موية. كمية فيزيائية عايزة فراغ نخت فيه الموية دي. لما تجي تسمح انه قاع الخزان يتملي تربة ويطلع لي فوق، مساحتك دي حتنقص، وسنة ورا سنة ورا سنة، حتلقى انه خزانك البيسقي ليك السنة كلها ويفضل، هسي راس ماله بالكتير عروة واحدة لي كم فدان.
عشان كدة الخزانات دي زمان، كنا بنبني سدودها على اساس حاجة بنسميها "العمر التصميمي." بنقول ياخ انا عارف انه الترسيب سنوي بيكون كدة، وانا محتاج الخزان دة يخزن لي موية قدر كدة، وعايز الخزان دة يقعد لي سنين قدر كدة (عمر تصميمي). بشيل المطلوبات دي كلها واضرب عليها الخزان.
فبقوم بعمل خزاني دة يشيل لي كميتين: كمية الموية المحتاج الخزان دة يقدر يشيلها لي عمره التصميمي كله، بنسميها التخزين الحي (Live Storage)، بالاضافة لي حجم احتياطي بيساوي لي حجم الترسيب الحيحصل في العمر التصميم دة، بسميه تخزين ميت (dead storage).
يالا هنا بتبدا تظهر كذا مشكلة: الاولى انه كدة بيبقى عندي خزان عنده صلاحية، اول ما يصلها حأضطر اشطبه واشوف لي واحد تاني، وواضح يعني انه الحتات الممكن تعمل فيها خزانات ما متوفرة شديد.
تانيها انه حأحتاج ابني حاجة اكبر من الانا محتاجه فعلياً.
ثالثها انه لو تقديراتي بتاعت الترسيب
تانيها انه حأحتاج ابني حاجة اكبر من الانا محتاجه فعلياً.
ثالثها انه لو تقديراتي بتاعت الترسيب
ديك طلعت غلط (عادي جداً) او المعدلات اتغيرت لأسباب من المجرى فوق (ودي كمان تأثيراتها درامية)، ممكن الخزان يقعد لي عمر اقل من المتوقعه، واجي بعد نص الزمن القى روحي خلاص بدا الترسيب يخش في الـlive storage.
للأسباب دي، النظرة لتصميم وادارة الخزانات بدت تقلب لفلسفات sustainable اكتر، بل والبعض بيقول انا مفروض اعمل الخزان دة واشغله بحيث انه لي يوم الدين ما يقيف.
فشنو، انا كدة بأبقى مضطر افتش حلول اوقف او اقلل مشكلة الترسيب دي، ومن بين النظريات الكتيرة الموجودة، حتلقى موضوعنا.
فشنو، انا كدة بأبقى مضطر افتش حلول اوقف او اقلل مشكلة الترسيب دي، ومن بين النظريات الكتيرة الموجودة، حتلقى موضوعنا.
يالا يا شباب، حنضطر نقوم نرجع تاني (معليش) للطبيعة بتاعت النهر، وتحديداً موسميته.
نحن قلنا الرواسب دي بتجي مع الموية المتجمعة من المطرة. لكن المطرة دي ما بتجي الا فترة معينة من السنة (الخريف)، دة بيعني ايه؟ الرواسب دي بتجينا برضو فترة معينة من السنة.
نحن قلنا الرواسب دي بتجي مع الموية المتجمعة من المطرة. لكن المطرة دي ما بتجي الا فترة معينة من السنة (الخريف)، دة بيعني ايه؟ الرواسب دي بتجينا برضو فترة معينة من السنة.
او بالأحرى، التركيز العالي من الرواسب بيجيك فترة معينة من السنة.
يالا اتذكر برضو انه قلنا انه نحن مشكلتنا دي جاية من انه بنوقف الموية.
يالا طيب لو قمنا عملنا حاجة، في الكم شهر البتجي فيها الموية دي شايلة اطنان الطمي ديك، ليها ما نخليها كلها تمشي بدون ما نوقفها؟
يالا اتذكر برضو انه قلنا انه نحن مشكلتنا دي جاية من انه بنوقف الموية.
يالا طيب لو قمنا عملنا حاجة، في الكم شهر البتجي فيها الموية دي شايلة اطنان الطمي ديك، ليها ما نخليها كلها تمشي بدون ما نوقفها؟
دة ببساطة (وايوة، الكلام الفوق دة كلها مقدمة) هي ما يعرف بالـsediment routing (بالنسبة للسدود العلى المجرى. في طرق تانية في الانواع التانية). بعد الخريف يبدا والمطرة تصب في الهضبة فوق وفيضانها يصلك، تفتح بواباتك تخليها كلها تمشي بدون ما تسألها...
الحاجة المهمة هنا -عملياً- انه التمرير دة لازم يحصل والخزان فاضي او قريب من فاضي. دة راجع بصورة رئيسية للحجم الضخم للخزان.
في مسطح مائي كبير او طويل، معادلة الاستمرارية ما بتظل محافظة على شكلها البدائي داك. نقنقت عنها في ثريد قديم هنا:
في مسطح مائي كبير او طويل، معادلة الاستمرارية ما بتظل محافظة على شكلها البدائي داك. نقنقت عنها في ثريد قديم هنا:
كتبسيط -مخل شديد- للفهم، حاول طبق الحكاية بين النهر قبل الخزان، ونقطة في نص الخزان. في البداية المجرى بيكون ضيق، فالسرعة بتكون عالية. في النص، المجرى بيكون ضخم جداً، فالسرعة حتقل شديد عشان تدي نفس التصريف. وقبيل قلنا ايه؟ سرعة اقل حتعني ليك ترسيب، نحن ما عاوزينه.
(اقلب الصورة دي)
(اقلب الصورة دي)
عشان كدة لما الـrouting دة يحصل، بنقوم ننزل مستوى الخزان لأدنى حد ممكن، عشان يديني اقل مساحة جريان ممكنة واكبر سرعة ممكنة.
نزيل الخزان دة ذاته ممكن استفيد منه في اني انضف الخزان شوية برضو.
افترض معاي عندك خزان مليان، بي تحت فيه رواسب قاعدة، وقمت فجأة فتحت البوابات التحت كلها. الحيحصل شنو؟
افترض معاي عندك خزان مليان، بي تحت فيه رواسب قاعدة، وقمت فجأة فتحت البوابات التحت كلها. الحيحصل شنو؟
الموية حتجي مندفعة من البوابات دي، والاندفاع دة اكيد حيكون اعلى من الجريان الطبيعي (نتيجة لإنه الموية جاية من ارتفاع اعلى)، والموية نسبياً انضف لأنها رسبت وانتهت بالتالي سعتها للنحر بقت اعلى، فحتجي اثناء اندفاعها دة ترفع معاها من الطمي المترسب تحت وتمرقه لي بي ورا السد.
وهذه يا سيدي هي عملية الـflushing (او نوع منها، مع انه النوع التاني أخير عدمه) او الـventing او وطيفر...
وتويتر دق جرس خلاص، قالي نقتك كتيرة...
وتويتر دق جرس خلاص، قالي نقتك كتيرة...
جاري تحميل الاقتراحات...