معلومة مهمة لما تجي تشتري طاقة شمسية :
المعادلة كالاتي :
عدد الواح الطاقة الشمسية الانت بتحتاجها =
طاقة البئر الكلية ÷ انتاج اللوح الواحد من الطاقة.
وبالنسبة للبئر كل حصان يحتاج كيلو (1000 واط) عشان يشتغل بالكفاءة القصوى مع وضع احتياطي لأي فاقد
ولما تجي تشتري تعرف اداك كم لوح و

اللوح طاقته كم وفقا للمعادلة الفوق عشان هنا لعبتهم في السعر ممكن تاجر يقلل ليك عدد الالواح ويديك سعر اقل وتشتغل قدامك واي شي بس دا ما بيديك كفاءة كاملة
ممكن تاجر يحسب ليك كل حصان يحتاج 750 واط ودا الحد الادنى للطاقة الانت بتحتاجها بالضبط لعمل البئر لكن انت بتحتاج لفائض طاقة

عشان تشغلها بكفاءة كويسة عشان كدة بتكملها انو كل حصان يحتاج كيلو ( 1000واط) عشان تغطي أي فاقد طاقة
مثال /الشخص في التويتة المرفقة ونعتبر كمثال انو طاقة اللوح وجدها 325 واط
اذا /
15 كيلوواط (15000) واط ÷ 325 واط = 46 لوح

هنا صاحب التويتة بيحتاج 46 لوح طاقة شمسية فانت اي سعر يديك ليهو يوريك كم لوح و اللوح طاقته كم لان بتلقى مرات فرقة سعر 700 الف جنيه بين تاجرين لنفس الماركة فانت بالمعلومات دي بتعرف عايز شنو وشنو السعر البيناسبك بالاضافة للشاسيهات والتركيب حسب نوع المواد والمصنعية