تعداد مهندسي البرمجيات حول العالم في ٢٠١٨ كان ٢٣,٩ مليون في ٢٠١٩ زاد ل ٢٦,٤ مليون الرقم اللطيف متوقع أنه يوصل ل ٤٥ مليون تقريبا ضعف عدد ٢٠١٨ -مفيش سوق عمل تاني في الدنيا يقدر يضاعف عدد العاملين فيه في ١٢ سنة- وهنا تظهر أهمية سوق ال IT وتأثيره على جودة معيشة ناس كتير
طيب هل الأرقام والزيادات دي في سوق مهندسي البرمجيات حلت أزمة سوق العمل في IT .. الإجابة لأ خالص بالعكس في عجز في عدد المهندسين/مطورين البرامج بشكل كبير لسه وندي مثال ألمانيا اكبر دولة في أوروبا فيها مهندسين IT حوالي ٩٠٠ ألف وراها إنجلترا ٨١٣ ألف -أرقام ٢٠٢٠- ومع ذلك
ألمانيا بتخلق فرص عمل سنويا في مجال ال IT خلت عندها عجز في عدد مطورين/مهندسين البرامج ب ١٢٤ ألف وظيفة في ٢٠١٩ بعد ما كان العجز ٦٠ ألف وظيفة في ٢٠١٨ ... التريند بيقول أن ألمانيا بتخلق فرص عمل أكتر من قدرتها على توفير عمالة فيه وده رغم برنامج البلو كارد عشان يدخلو عمالة مميزة
فالملخص يعني لو حضرتك بتدرس وعايز فرصة عمل مضمونة فمجال ال IT بحره واسع وداخل في كل الصناعات والهيئات والحكومات.. وتطبيقات ال AI دلوقتي بنكلمها أكتر ما بنعمل اي حاجه تانية فالموضوع مطول
الرقم هيوصل ل ٤٥ مليون في ٢٠٣٠*
For more information you can have a read through daxx.com
![How Many Developers are in US and in the World [Updated]](https://pbs.twimg.com/news_img/1658131921765908480/WVV2s01w?format=jpg&name=orig)
جاري تحميل الاقتراحات...