أحياناً بتمر علينا كمية من الساعات بتتسرق مننا ما بنشعر بمرورها فعلياً ، وأحياناً بتمر علينا الأيام وتتراكم كلها شبه بعض بدون أثر يذكر أو خطوة واحدة جديدة وأحياناً بتمر علينا شهور والحال كما هو عليه بلا أي جديد وأحياناً الموضوع بيمتد فبننفق كمية من الأموال وما بنعرف مشت وين أصلا
أحياناً ممكن تذاكر بالساعات وما تحفظ حاجة واحدة ، في حين إنه ممكن واحد غيرك يقعد في ساعة واحدة ويلم منهج كامل أو يتفوق في فهم قراءة كتاب ممكن ياخد منك أنت بس أسبوع كامل لفهمه ، أحياناً غيرك ممكن ياخد نفس خطواتك في الحياة بس خطواته بتتسهل بدون شقاق وأنت خطواتك فيها مليون تعثر
أحياناً غيرك قد يتعافى من شيء في أسبوع وأنت التعافي يطول معاك شوية وغيرها من الأمثلة .. [الشاهد] إنه بغض النظر عن إنه الحياة في حقيقتها أرزاق وأقدار وإنه كل إنسان ربنا مقدر ليه طريقه وتوقيتاته الخاصة [إنما] في كثير من الأحيان قد يكون سبب العوارض دي غياب [البركة] من حياة الإنسان
والشاهد إنه الإنسان يستكثر من الدعاء بالبركة لأنه غياب البركة من حياة الإنسان شئ صعب وقاسي جداً وإنه محتاجين نسأل ربنا سبحانه وتعالى في كل ثانية [البركة] في الدين والبركة في الوقت والبركة في الصحة والبركة في الرزق والبركة في الأشخاص والبركة في القرارات وإلخ ..
من الرحمات والنعم الشديدة إنه ربنا سبحانه يرزقك البركة فيبارك في وقتك فتلاقيك بتنجز الكتير ، ويبارك في أيامك فتحصل فيها مستجدات وتحولات كتيرة تنقل حياتك لمستوى مختلف ، ويبارك في صحتك فيحفظها ليك أو يسهل لطريقها طريق مختصر في الشفاء ويبارك في مالك فتستفيد وتنعم بإنفاقه
ويبارك في الأشخاص الحوالينك فيجعلهم سبب في سعادتك لا شقائك ، فيرزقك البركة في حياتك فتلاقيها متسهلة بعيدة عن العوارض والشرور والمعيقات وكل خطوة فيها جاية بنعم وتوفيق ، والأيام بتمر في صالحك ما ضدك وكل قراراتك فيها توفيقه وعنايته .. نسأل الله البركة في الدين والدنيا الآخرة ❤️
جاري تحميل الاقتراحات...