هقول بوق واقف ف زوري علشان جيبت آخر الصراحه
وأعتقد أنه هيكون الخلاصة
بشوف ناس كاتبه ياجماعه ما كل واحد يكتب اللي يكتبه وكل واحد يخليه ف حسابه وملكش دعوه بغيرك واللي مش عاجبك بلكه وخلاص
احب اقول لحضرتك اني لو عملت كده غالبا هبلك اغلب تويتر
لأن عارف بقت المشكله ايه

ان تويتر بقي مسخ ومنفذ جيد للعقد النفسيه والفيك مشاعر والفيك بني ادمين
ومطالبين اننا طول النهار نتعرض للاتي ونسكت
نتعرض لمدعين المرض علشان يشحتوا لايكات وفلورز
نتعرض لناس بتموت ونحزن ونموت عليهم وتتفاجئ انهم عايشين موجودين وسطنا باسماء تانيه وصلت أن مبقاش عند الناس اي ثقه

ف اي حالة وفاة م كتر الوsss اللي شوفتها
نتعرض لواحد بيشحت وبيقول أنه مش لاقي شغل وتيجي تساعد تتفاجئ أنه نصاب واعتبر اللي بيعمله ده نصابيه سهله
نتعرض لستات متجوزه ومش محترمه جوزها اللي قاعده ف بيته وشغاله علاقات ويفضحوها بالاسكرينات ع التايم

نتعرض لراجل عامل أنه محور الكون وف الاخر يطلع شقيط
وموقع الستات كلها ف بعض ويطلعوا يفضحوه
نتعرض لراجل تشوفه ع التايم تقول ملوش اتنين وف الاخر تتصدم أنه بيعمل لايكات لحسابات اباحيه
نتعرض لست عامله نفسها الاخت الكبري للجميع ف تدخل زوجة فلان تفضحها باسكرينات انها بتكلم جوزها

صدمات صدمات عمال تاخد ف صدمات
نتعرض لستات بتنشر الاباحيه وفيديوهات الرقص والكلام الاباحي ولما تيجي تقول يااجدعان ميصحش كده مش أخلاقنا تلاقي جيش وراها بيعرضلها وشايف انك انت اللي حقير وغلطان وازاي تدخلوا ع الناس كده ف بيوت الدعاره انتوا ايه ياحشريين