رتبها

♻️"سد النهضه والملئ الثاني"♻️
بكل اسف اغلب ما نشر حول الملء الثاني للسد الاثيوبي لم يتناول مستقبل هذا الملف بعد عدم تحقيق الملء الثاني للرقم المستهدف..
خلينا نشرح الكلام دا واحدة واحدة كـ سرد نهائي شامل للحدوتة دي..
يتبع..

الخطة انه خلال اربع سنوات، ما بين 2020 و2023، انه السد يحجز 74 مليار متر مكعب من المياه
فى 2020 الملء لم يتجاوز 4.9 مليار
وفى 2021 السلطات الاثيوبية قالت الملء هيستغرق 45 يوماً عشان نجمع ١٥.٥ مليار، بعد 11 يوم الممر الاوسط ونصف منشآت السد غرقت تحت النيل الازرق..
يتبع..

ولم يتم احتجاز اكتر من 3 مليار متر مكعب فحسب.
يبقا كدا فكرة حجز 74 مليار متر مكعب فى اربع سنين اتنسفت
عشان اللى بيقول لو منفعش السنة دي نكمل السنة الجاية، اساسا السد لما بدا الاعلان الرسمي للعمل فيه فى ابريل 2011 كان المفروض يدخل الخدمة فى ابريل 2013..
يتبع..

ولكن بدء العمل لم يحدث الا عقب زيارة مرسي الهزلية لاثيوبيا عام 2013
كان المفروض يبدا العمل فى 2015 ولكن لم يحدث
وبالتالى انت عندك سد بدأ يدخل دائرة العمل فى صيف 2020 بعد 8 سنين من اعلان بدء اعمال السد!
طيب الغرض المعلن عنه للسد هو توليد الكهرباء..
يتبع..

من اجل التنمية فى اثيوبيا وتصدير الكهرباء لشرق افريقيا..
المفارقة انه اثيوبيا عندها عدد 2 توربينات لتوليد الكهرباء ومش محتاجين غير 4 مليار بس فى بحيرة السد.
يعني كان ينفعل يشتغل بالملء الهزلي اللى حصل السنة اللى فاتت..
يتبع..

المفارقة انه اثيوبيا اعلنت فعلاً السنة اللى فاتت انها هتشغل التوربينات بعد الملء الاول
والمفارقة انها فشلت فى تشغيل التوربينات
التوربينات عطلانة ومش شغالة.
واكرر توربينات السد الاثيوبي مش شغالة اصلا
السؤال هنا للسلطات الاثيوبية ..
يتبع..

هل التوربينات مش شغلة فشل منكم ولا السد غير قادر هندسيا على ادارة التوربينات ؟
وهل السد اللى غارق نصف منشآته اليوم امام 8 مليار متر مكعب فحسب قادر على احتجاز 74 مليار متر مكعب ام ان اثيوبيا تبني قنبلة موقتة على ارضها سوف تضربها هى اولاً قبل الحديث عن السودان ومصر ؟
يتبع..

بحيرة السد اللى المفروض تحجز 74 مليار متر مكعب لم يكتمل حفرها بعد ! لسا محتاجة تمويل وتبرعات!
تحدثت اثيوبيا عن النهضة وسميت السد بهذا الاسم
هل تعرف انه لا يوجد حتى اليوم شبكة كهرباء داخل اثيوبيا قادرة على استقبال الطاقة الكهرومائية التى تدعي اثيوبيا قدرة السد على انتاجها؟
يتبع..

هل تعرف انه مفيش شبكة كهرباء اصلا مربطة بالسد حتى اليوم؟
سواء شبكة محلية اثيوبية او اقليمة عبر شرق افريقيا كما ادعت اديس ابابا ؟
هل تعرف ان اثيوبيا لم تخطط او تعلن عن اى مشاريع داخلية خاصة فى الشق الزراعي رغم حجة انها تريد مياه اضافية للرى؟
يتبع..

هل تعرف ان لدى اثيوبيا 24 نهر ومجموع مياه الامطار سنويا على اثيوبيا تصل الى 950مليار متر مكعب وان الرقم المعلن هو الخاص بهضبة الحبشة والنيل الازرق فحسب ولكن لو حسبنا باقى الانهار والارضى لوصلنا الى950 مليار؟
اذن اثيوبيا مش محتاجة اصلاً تشتكي من 55 مليار حصة مصر من النيل.
يتبع..

طيب هل تعلم انه اثيوبيا حتى اليوم لا تعلن للراى العام الاثيوبي الملء الاول والثاني بالارقام ولكن تكتفى باعلان الانتصار فحسب؟
هل تعلم ان اثيوبيا خفضت عام 2020 قبل بدء الملء الاول الطاقة الكهربائية المتوقعة من السد من 7000ميجا وات الى5000 ميجا وات دون اخبار الشعب الاثيوبي؟
يتبع..

هل تعرف انه رغم الملاين اللى تسلمتها اثيوبيا من كل دولة تخاصم مصر ربع ساعة من اجل تمويل السد وبرضو اديس ابابا محتاجة فلوس وبدات فى عملة صكوك وطنية العام الماضي، وانه حكومة اديس ابابا ضاربة فلوس الشعب الاثيوبي فى ملف السد.
يتبع..

هل تعرف ان المخرج الوحيد لآبي أحمد للنجاة من كل ما سبق هو انه يستفز مصر فتضرب السد ويقول مصر ضربت فلوسكم يا احباش ومصر ضربت التنمية وشبكة الكهرباء والبنية التحتية والشبكة الاقليمية؟
طيب هل تعرف ان المجتمع الدولي اللى مستعبط فى مجلس الامن وشغال "مفيش .. ماليش .. معرفش"..
يتبع..

عارف كل ما سبق وانه لو كانت مصر وجهت ضربة قبل الملء الثاني كانت الارقام دي هتطلع ويتم عنونة الازمة بان مصر ضربت سد لم يكن هينقص من مياه النيل قطرة واحدة؟
هل تعرف ان ما جرى فى يوليو 2021 هو ذاته مصيدة الحشود الاسرائيلية الكاذبة على حدود سوريا فى مايو 1967؟
يتبع..

هل تعرف ان ما جرى هو ذاته مؤتمر لندن 1840؟
هل تعرف ان السيسي كان اكثر براعة وحكمة من جمال عبد الناصر وعبر الفخ بسلام ؟
هل تعرف ان التاريخ سوف يذكر ذلك برغم انفك؟
الفخ مكنش فى هزيمة عسكرية لانه مصر مستحيل تنهزم عسكرياً امام اثيوبيا، بالعكس ..
يتبع..

الفخ انك قادر .. الفخ انك كنت تقدر تسفلت بنى شنقول .. بس معملتش كدا
الفخ كان عقوبات ما بعد الانتصار، لما يطلعوا لك ورق انك رحت ضربت سد من ورق.
واخيراً.. هل تعرف ان آبي احمد اصبح ورقة محروقة فى حسابات امريكا بعد ان فشل فى استدراج مصر..
يتبع..

وانه يوم الخميس 22 يوليو 2021 وجه رسالة مباشرة للدولة المصرية عبر قنوات الاتصال ببدء التفاوض وحسم الملف بعد ان ايقن ان الامريكان قرروا تفجير اثيوبيا من الداخل بعد ان فشلت فى مهمتها كـ دولة وظيفية فى حوض النيل تضرب استقرار مصر والسودان؟
Ihab omar

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد