رتبها

#مهمة_في_چوبا
المرة دي غير كل مرة
انا هكتب تجربة شخصية وانقل وقائع حقيقية من بلد إفريقية شفتها بعينيا
من اصعب ما كتبت في حياتي
واحتمال تكون اخر مرة أكتب فيها
اتمنى بس اقدر انقل الرسالة بأمانة
اربطوا الأحزمة واتركوا الأمتعة!
توكلنا على الله
👇🏻👇🏻
-١تابع
mgltmsr.com

mgltmsr.com/2021/07/25/%D8…

في دولة من دول #حوض_النيل تسمى #جنوب_السودان أقامت #جمهورية_مصر_العربية معرضا تجاريا لأول مرة في تاريخها تحت إسم “#صنع_في_مصر”
إيه القصة وإيه أهميتها؟
عادي يعني ما هي #مصر بتصدر منتجاتها من عهد قدماء المصريين وحتسبوت وبلاد بونت ولحد النهاردة يعني..
-٢تابع

إيه بقى أهمية معرض زي دا إن القارئ يقرأ عنه ويعرف داخلياته؟
أولا: لأن القارئ متعودتش على تغطية فعاليات من النوع دا، في إحتمال يطلع بفكرة جديدة
ثانيا: من حقي أقدم تجربة مختلفة وإن كانت فنية بعض الشئ
-٣تابع

ثالثا: أكشف جوانب النجاح والقصور في أحد الخطوات اللي بتقوم بيها الدولة بشكل غير مسبوق ولكن من غير ما تلبس نضارة ستة على ستة
رابعا: في جنود مش متشافة في معركة أصيلة لازم نسلط عليها الضوء
خامسا: في أواني مستطرقة كتير عايزين نوقف دوشتها
-٤تابع

سادسا: معركة الوعي اللي كل واحد فينا جزء منها مبتتجزأش، عملية كاملة متكاملة ولم تعد تحتمل التأجيل
سابعا: التغطية الإعلامية للحدث مكانتش كافية وكلنا بنكمل بعض
ثامنا: مقدرتش أسكت لأني كنت هناك
-٥تابع

تاسعا: كلامي لايستهدف أحد بعينه ولا حتى أشخاص وزارية،اللي عايز يشتغل عشان مصلحةالبلد دي أهلا بيه،هيشوف كلامي للصالح العام. ولا يعنيني مين يفضل ومين يمشي من الوزارة دا مش قراري والحمد لله لا اتحمل مسؤوليته،فقط أتحمل مسؤولية أمام الله وأمام قلمي والناس اللي بتثق فيما أنقله.
-٦تابع

عاشرا: كلنا نستاهل نشوف مصر أحسن لأن مصر إمكانياتها أكبر بكتير من اللي كل واحد فينا يعرفه لوحده
أنا عارفة إن المقدمة دي طويلة جدا، بس المرة دي هتسمعو مني حاجات يمكن بتسمعوها لأول مرة على الإطلاق وخصوصا مني.
وإسمحولي لو مطلبتش منكم المرة دي أي صبر على القراءة،
-٧تابع

اللي حاسس إن الموضوع ميخصوش أو لايستحق عناء القراءة أو رافض لنقد أحد المسؤوليين في الدولة، أنا اللي بطلب منه ميكملش قراءة. المرة دي هكتب كما لم تتعودوا علي من قبل.
أن مش بكتب بقلمي المرة دي بس،
أن بكتب بخبرتي في شغلي ومجال دراستي ومعايشتي للأحداث
-٨تابع

اللي عمري ما حاولت أظهرها على العام بأي شكل من الأشكال
لكن معادش السكوت مقبول ومكنتش هحترم قلمي ولا هعرف أكتب تاني لو مقولتش الكلمتين دول:
أنا واحدة شغلتي إسمها“صنع في مصر”
مهمتي في الحياة أشوف المنتج المصري مرصوص على الرفوف خارج الحدود المصرية. وتصنيفي الوظيفي مدير تصدير
-٩تابع

بشتغل في القطاع الخاص ومش هقول أكتر من كدة…
لأن لو جاز لي التعبير هقول إن أمثالي بيحاربوا عشان المنتج المصري ياخد مكانه برة وينافس في ظل سوق عالمي طاحن مبيرحمش.
أظن دلوقتي كل واحد من القراء والمتابعين إفتكر لي حمقة على الإنتماء او وقفة ضد كل ما هو مفروض علينا من الخارج،
-١٠تابع

أو حتي يمكن علقت معاه ليه دايما أن بدافع عن قرارات الإصلاح الإقتصادي اللي إتخذتها الدولة وجايبة منين الثقة في المؤسسات مع إنها تعتبر ضد مصلحة القطاع الخاص وغيره من الإكليشيهات إياها….
لكن يمكن لما تقرا كلامي المرة دي تفهم حاجة من أرض الواقع
-١١تابع

بعيدة شوية عن زاوية رؤيتك وثقافتك المجتمعية لأنك مش لامسها.
قرارات الإصلاح الاقتصادي ساهمت بنسبة في ضبط سعر الدولار اللي بنتعامل بيه كعملة بيع وشراء في مجال التصدير، بالتالي لما شبه إتلغت السوق السودة في الحصول على الدولار دا عمل عندنا نوع من الحوكمة
-١٢تابع

ومكنا من الوصول لأسعار أكثر تنافسية أمام السلع المماثلة من دول أخرى. ودا مثال واحد، أنا أصريت أذكره عشان أفكر حضراتكم بخلفية ودوافع كاتب هذا الكلام.
ندخل على معرض #جنوب_السودان أوام أوام
لكن وسعو صدركو معايا شوية للي وصل للنقطة دي وحابب يكمل
-١٢تابع

ووعد
لاهجيب أرقام معقدة ولاهدخلكو فدهاليز الاقتصادوالتجارة الخارجية ولا هلغوص في رحنا وجينا وقالو وعيدنا
منذ أحداث25يناير الداميةوما تلاها من أحداث شغب وسطو وصلت لإغلاق موانئ أمام عمليات التصدير،وإحنا كمصر واجهنا موجةعالية جدا من التشويه الإعلامي وصل لحد تحريم التجارة معانا
-١٣👇🏻

والأمثلة كتير والحكايات الدامبة كتير
”اه أنا عارفة إنك مستغرب إزاي كل دا كان بيحصل وحضرتك عينك مسلطة على ميدان التحرير فقط”
بس دا الواقع اللي سبق ونوهت انه بعيد عن دايرتك كمتابع.
ترتب على دا خسارة أسواق عريضة كان المنتج المصري بيتمتع فيها بسمعة جيدة . مش بس كدة،
-١٤تابع

خد عندك المصنعين المصريين اتفاجؤا بخسارة أسواق إعتيادية لهم زي السوق الليبي واليمني والعراقي و طبعا السوري ودا خسارات لا تعوض بالتأكيد. وبناءا عليه،
كان لازم الدولة المصرية تتخذ خطط طموحة لإعادة الثقة في منتجاتها وكمان إعادة فتح الأسواق اللي تم خسارتها قدر المستطاع،
-١٤تابع

لكن الأصعب كان فتح أسواق جديدة لم تطرقها أقدام المصريين إلا على إستحياء ومنها سوق جنوب السودان.
جنوب السودان دولة حصلت على إستقلالها من شمال السودان في 2011 وللاسف هي دخلت في دوامة صراعات داخلية ما بين صراعات إثنية وأخرى على السلطة،
-١٥تابع

صعبت تطور العلاقات بينها وبين المجتمع الدولي وطبعا بينها وبين مصر. لكن مصر إحتفظت لنفسها بمميزات نسبية وهى إنها شاركت فمفاوضات الصلح بين الفرقاء الجنوبين ومفاوضات الوساطة بينهم وبين الشمالين وكمان قدمت القاهرة على مدار العشر سنوات الماضية حفنة من المساعدات للدولة الوليدة
-١٦تابع

كانت تمهيد للإنجازات اللي هحاول أبرزها كما رأيتها رؤى العين.
السياق اللي بنتكلم فيه مش بعيد أبدا عن توجه الدولة الضخم نحو إفريقيا بعد الإعلان عن سد النهضة في 2011.
إبتدت الأوساط المصرية تردد ضرورة العودة للقارة في كافة المجالات وتبني سياسة من الإستيعاب للحفاظ
-١٧تابع

على المورد المائي الأساسي للبلد من ناحية ومن ناحية تانية محاولة إنقاذ الإقتصاد المصري عن طريق تفعيل التجارة ةالاستثمار مع الدول الإفريقية عشان نعمل دايرة مصالح مشتركة تسهل علينا الدفاع عن أمننا المائي والإقتصادي كمان.
وقفنا عند حزم المساعدات المصرية لجنوب السودان
-١٨تابع

اللي شملت المساعدات الغذائية والصحية والمنح الدراسية وتكاليف الزيارات الرسمية وحاجات كتيييير مش معلن عنها أصلا.و أكبر مستشفى طبي في العاصمة هي المستشفى المصري اللي الجنوبيين بيعتبروها صرح غير مسبوق نظرا لأنهم قبل التاريخ دا كان علاجهم الأساسي كان إما من مصر
-١٩تابع

أو على أيد الأطباء المصريين في مصر!
وكمان إرسال مصر أكبر بعثة ليها في جنوب السودان ضمن بعثات حفظ السلام التابعة للأمم المتحدة لحد ما وصلنا لقمة نضوج العلاقات بينا وبينهم وهو زيارة الرئيس السيسي العظيمة لجوبا عاصمة جنوب السودان في نوفمبر 2020
-٢٠تابع

واللي تمخض عنها رغبة في إقامة معرض مصري في جوبا العاصمة كان من المفترض إنه يقام في فبراير 2021. مين المنوط بيه تنظيم هذا المعرض؟
وزارة التجارة والصناعة المصرية
لحد هنا كله ماشي منطقي جدا
الوزارة برئاسة السيدة الدكتورة #نيفين_جامع من نوفمبر لفبراير أخدت القرارات الأتية:
-٢١تابع

أولا: حجز 70% تقريبا من أماكن العرض للقطاع العام ممثلة في مجموعة من شركات قطاع الأعمال العام وكمان شركات الخدمة الوطنية
ثانيا: إسناد تنظيم المعرض لشركة تنظيم معارض خاصة وتركت لها باقي النسبة اللي هى تقريبا 30% للطرح على القطاع الخاص
-٢٢تابع

ثالثا: صنفت المعرض على إنه معرض عرض للمنتجات المصرية وأبلغت شركات القطاع العام بأن الشحن هيكون بالطيران ولذلك مطلوب منهم عينات للعرض فقط
دي قرارات الوزارة إلى أن تولت الشركة المنظمة دفة التنظيم،
نفند القرارات دي ونشوف حصل إيه على أرض الواقع بعد إقرار بعد الوقائع الحقيقية:
-٢٣تابع

وزارةالتجارة والصناعة بتدعم المعارض الخارجيةمن خلال هيئة إسمها هيئة المعارض الخارجية والدعم عادة بيكون بنسبة 80% قبل طرحه على الشركات سواء القطاع العام او الخاص
برافو وزارة التجارة والصناعة الحقيقة كان ممكن يحتسب جون كبير اوي
لكن الواقع احتسبه تسلل المرة دي زي كل مرة ليه؟
-٢٤تابع

لأن لما معرض في دولة زي جنوب السودان تاخده الوزارة ب$551 دولار و تطرحه على الشركات ب$168 دولار دا ميبقاش اسمه دعم، ليه برضو؟
لأن اتخن المعارض في أوروبا ولا أمريكا لا يزيد المتر فيها عن $200 إلى$300 للمتر!!
أرفض يا فندم قبول الوزارة للمتر بالسعر دا من جنوب السودان ،
-٢٥تابع

لأن دا يندرج تحت بند من إنعدام الاكتراث أو الخبرة، حاجة في الرينج دا.... سعر المعرض لو كان مشى في سياق من التفاوض و الدبلوماسية، بتصور إننا كان ممكن نحصل عليه بسعر رمزي نظرا لما رأيته من ترحيب من الداخل الشعبي الجنوب سوداني او من المستوى الرسمي الرئاسي والوزاري!
-٢٦تابع

الناس كانت فخورة وحابة الوجود المصري بشكل كبير وعبروا عن دا بحفاوة شديدة، تسمح بأن حضرتك أو أي حد من طقم المساعدين يتفاوض أو يكلف السفارة بالتفاوض في هذا الشأن!
أنا مش حابة أقول بعتذر لان لو في اعتذار يتقدم فهو يتقدم للمصريين اللي المفروض مفوضين حضراتكم عشان تراعو مصالحنا
-٢٧تابع

و تعملو لنا الافضل، لكن دا اسمه دعم وهمي لان التكاليف مبتقفش بالنسبة لاي شركة بس على مبلغ حجز المعرض، في ديكورات ومواد دعاية وتسويق وتكلفة طيران وإقامة للأفراد من الشركات دا غير طبعا البدالات وطبعا مصاريف أخري لاتقل بحال من الأحوال عن 200الف جنيه لكل شركة!
-٢٨تابع

ندخل بقى على قرار إسناد الوزارة ل70% للقطاع العام، اللي مش هقدر أتغاضى عنه او أعتبره قرار سيادي، لأننا بنتكلم تجارة وأسواق حرة وتنافس للسلع وعملنا إصلاح إقتصادي وتحملناه جميعا مع الدولة والكلام الكبير اللي سيادتك بتلقيه علينا من فوق المنصات في إجتماعات اتحادات الصناعات
-٢٩تابع

ودعم الصادرات وتشجيع المنتج المحلي في القاعات المغلقة. بناءا عليه توزيع أنصبة في أجنحة المعرض بالشكل دا كان غير متماشي بالمرة مع سياسة الدولة المعلنة من جهة بشكل عام ومع تصريحات سيادتك بشكل خاص. امكانيات الدولة المصرية "القطاع العام+القطاع الخاص" كبيرة جدا وضخمة
-٣٠تابع

وكان المفروض تمثل بشكل أكبر من كدة بكتير، مش بس عشان في إنعدام لعدالة التوزيع، لأ عشان نعرض نفسنا أمام الأسواق الخارجية بشكل أفضل يفتح مجالات أوسع في التسويق ويحقق عائد ربح يعود على الناتج القومي المصري الإجمالي يا فندم. يعني أنا هنا بهدف من النقطة دي لمصلحة مصر ككل
-٣١تابع

مش مصلحة قطاع على حساب قطاع أخر.
ندخل على قرار إسناد تنظيم المعرض لشركة خاصة اللي معنديش إعتراض عليه بالعكس دا متعارف عليه في كل الدنيا مش إختراع ولا تفضيل وميفرقش معايا ولا مع الصالح العام عملية الإسناد طالما المعرض خرج بصورة مشرفة لأنه في الأول والأخر بيحمل إسم مصر.
-٣٢تابع

وإحقاقا للحق، الشركة بذلت مجهود جبار في التجهيز لأن مفيش إمكانيات فرش معارض في جنوب السودان و دا خلاهم يبذلوا مجهود مضاعف ومن هنا كان لازم يتم شحن معداتهم بالبحر في كونتينرات واتفتح القوس لشحن بضايع الشركات العارضة كمان في الكونتينرات...ودا ساهم في تخفيض نفقات الشحن الجوي .
-٣٣👇🏻

جنوب السودان دولة حبيسة والطرق للوصول اليها غير ممهدة وعشان المعرض ،الوزارة كانت شايفة إن الشحن يكون طيران، الحمد لله أنها اسندت الشحن لشركة خاصة هي اللي رتبت وصول الكونتينر لميناء مومبسا بكينيا ثم وصوله عن طريق البر لجوبا. نطلع من الموضوع دا إن الوزارة كانت مفروض
-٣٤تابع

تقيم تكلفة الشحن من الأول وتعرف إن الشحن الجوي عمره ما كان حل يتناسب مع الحدث،وكان محتاجة كشاف نور من طرف تالت يوضح لها إجتياجات المعرض"التجاري"

ناخد بقى قرار السيدة الفاضلةالوزيرة وكتيبة المستشارين التجاريين وخبراء الإقتصاد اللامعين اللي أفتوا بإن معرض بيتعمل لأول مرة
-٣٥تابع

في دولة جمعتنا بيها أواصر تاريخية وجغرافية وعوامل مشتركة من لغة ودين وتعليم واحتكاك بشري مباشر يكون معرض عرض لعينات فقط مش معرض للبيع المباشر!!
دا اللي بيسموه في الطب Fatal Mistake
بالمعنى الحرفي خطأ مميت أو خطأ جسيم، ليه؟
المعرض توجه دولة ،
-٣٦تابع

يعني تكليفات من حكومة وزيرة التجارة والصناعة واحنا جزء منها "مينفعش هنا نقول قطاع عام وقطاع خاص" القرارات لما بتكون نافعة بنستفيد منها كلنا ولما بتكون كارثية بندفع تمنها كلنا. وهشرح لحضراتكم القرار دا تسبب في ايه بالتفصيل:
المواطن الجنوبي كان لحد عشر سنين فاتو
-٣٧تابع

بيحمل الجنسية السودانية اللي هي في وقت من أوقات التاريخ كانت جزء من مملكة مصر والسودان ودا كان رابط قوي بين ثقافته الجنوبية والثقافة المصرية وكمان كونه كان مواطن سوداني كان كثير التردد والعيش في مصر اللي كانت بتجمعه بيها حدود مشتركة. وعشان كان في تبادل ثقافي
-٣٨تابع

وحركة ابتعاث طلابي كبيرة وطبعا زادت مع التوجه المصري المكثف تجاه افريقيا ، فأصبح معظم الساسة الجنوبين او الوزراء او اصحاب المناصب العليا في الدولة من خريجين المدارس والجامعات في مصر وعلى دراية كبيرة جدا بالداخل المصري ومتعرفين على المنتجات المصرية ومتعلقين بيها تعلق كبير
-٣٩تابع

مش مفاجئ لا بالنسبة لي ولا بالنسبة لعارضين كتير ولا بالنسبة لأي حد مهتم إنه يعمل شغل تجاري مع بلد بيستهدف سوقها!!

أنا لست مبالغة لو قلت لحضراتكم إن المواطنين كانوا بيتخانقوا مع العارضين عشان يشتروا بكميات كبيرة وللاسف عشان مكانش في بضايع للبيع، كلها كان للعرض فقط
-٤٠تابع

مكنش العارضين قادرين يلبو الرغبات!! تخيلو بقى كل شركة متكلفة معرض زي دا ما بين حجز العرض والطيران والاقامة والانتقالات وتكلفة الشحن وبدلات الموظفين ومصروفات الدعاية والتسويق وغياب الموظفين دول من على مكاتبهم مدة المعرض وأشياء أخرى كتيرة بتترجم بأرقام كبيرة
-٤١تابع

راحت علينا فرصة تعويضها عشان إدارة في وزارة التجارة أخدت قرار إنها تعرض منتجات فقط بينما لو كان القابع في ادارة البحث والمتابعة بالوزارة كان ساعد سيادة الوزيرة بالمعلومة المفيدة كانت كل شركة باعت بملايين الجنيهات!! بدل ما خسرت مجموع الشركات العارضة ملايين الجنيهات !!
-٤٢تابع

ليه نفوت فرصة مكسب وليه راضيين نطير من غير جناحات وليه مفيش تخطيط سليم لحدث مهم وفرصة كنا بنستناها من زمان؟
ومش عايزة القارئ ينسي ان الخاسر الأكبر هو القطاع العام لأن هوالعارض الأكبر!!
مفيش اي مبرر لخسارة فرص بيعية بالحجم دا،
-٤٣تابع

مفيش أي سبب في الدنيا ممكن يغفر هذه الغلطة اللي موتت المكسب المحقق!!
أحب أنوه عن ما نتعلمه عن التجارة الدولية الحديثة من خلال دورات التصدير الإجبارية التي تتلقاها كل شركة او مصنع يقومون بالتجارة الخارجية شريطة الحصول على رخصة التصدير او الإستيراد
-٤٤تابع

واللي السادة المحاضرين بيدرسوا لنا فيها كيفية إستهداف الأسواق الخارجية حديثا ومنها الإطلاع على خريطة التجارة العالمية والتي يطرحها البنك الدولي ومنظمة التجارة العالمية مجانا لكافة الدول لمعرفة حجم ونوعية التبادل السلعي بين كل الدول وبعضها
يعني الوزارة بتجبرنا ناخد كورسات
-٤٥تابع

عشان نتعلم إستهداف الأسواق
والوزارة نفسها متستعملش الإسلوب اللي بتعلمه لنا؟
معلومة أخيرة في هذا الصدد
السادة المحاضرين في الكورسات الإجباري، بيتم إختيارهم ودفع أتعابهم من قبل وزارة التجارة والصناعة معاليكي.يعني حتى أبسط عمليات البحث متعملتش ويمكن كمان متقدمتش لحضرتك!
-٤٦تابع

نسيب دا كله وندخل على المعرض ذاته:
حضرت وزيرة التجارة والصناعة وبصحبتها وفد من 15 فرد،
لا أعلم تحديدا عن كينونتهم شيئ ولكنه ما حدث وتكرمت بإفتتاح المعرض بدون زيارة أجنحة الشركات المصرية العارضة.
جقيقي زي ما بقول لحضراتكم كدة!!!
السيدة الفاضلة حضرت المعرض وقامت بقص الشريط
-٤٧تابع

ومرت بين أروقة المعرض والتقطت الصور ولم تدخل الأجنحة المصرية بل ولم تجتمع مع العارضين المصريين البتة يا سادة!
نعم هذا ما حدث
تلقينا دعوة لحضور حفل استقبال على شرف حضور معالي الوزيرة، وكان من المقرر أن نلتقي بها في جلسة نقاشية لتلقي طلباتنا وسماع ما لدينا،
-٤٨تابع

فهو كما يلقبونه "عشاء عمل" لكن جاء العشاء و إعتذر العمل لظروف لم نتبين منها بعد!
اللي حصل دا نقدر نستشف منه أمور وأحداث لا تقل سوءا عن اللي حصل في الإفتتاح:
هى صورت مع التلفزيون المصري والجنوبي وتحدثت في المؤتمر الصحفي وأعلنت عن إنشاء معرض دائم للمنتجات المصرية
-٤٩تابع

وعن مشروعات إمضاء بعض بروتكولات التعاون لزيادة حجم التبادل التجاري بين البلدين، لكن لم تتحدث مع الشركات المصرية العارضة إطلاقا طوال فترةإقامتها بالدولة المستهدفة
طيب إزاي الدولة تتكلف حدث بالحجم دا قبل ما وزارةالتجارةوالصناعة تكون ماضية إتفاقية ثنائية بيناوبين جنوب السودان؟
-٥٠👇🏻

وإذا كان المعرض فكرته من نوفمبر الماضي وإحنا في يوليو، ليه لم يتم التوصل لهذا الإتفاق، علما بإن على المستوي الرئاسي والحكومي من البلدين في ترحيب شديد بهذا التعاون؟
أسأل كمان هو المعرض مكانش ممكن يتأجل لحد الإتفاق دا ما يتم يا سادة عشان البضائع المصرية تدخل بمعاملة تفضيلية
-٥١تابع

فسوق بيستورد كل حاجة من دول سبقتنا بسنين،فيكون عند المنتج المصري ميزة تنافسية سعرية،تسمح له بالنفوذ إلى السوق الجنوبي في سلاسة؟
طيب هو مش الوزارة بتستهدف زيادة التبادل التجاري عن طريق الشركات اللي حضرتك لم تتحدثي معهم ولم تتلقى منهم الطلبات او تعطيهم حتى توجيهات او تطمينات؟
-٥٢👇🏻

كل دا بيفسر أشياء كانت غريبة بالنسبة لي:
عدم وجود مندوب من وزارة التجارة والصناعة مشرف مع الشركة المنظمة
محصلش إجتماع مع الوفد المصري قبل المعرض لتلقي تعليمات أو شرح برنامج المهمة، مما تسبب في الكثير من غياب التنسيق والتصرفات العشوائية بما حددته كل شركة لموفدينها،
-٥٣تابع

ولكم طبعا أن تتخيلو التفاوتات اللي كانت بين كل شركة وأخرى، حتى برنامج مؤتمرات الوزيرة وإجتماعتها وحفل العشاء لم نبلغ بهم رسمي، اللي عرف حضر واللي معرفش مجاش!
أشرح بعض من العشوائية بالأرقام:
المعرض مدته 7أيام، بعض شركات القطاع العام بالخصوص حضرت قبلها ب3أيام للتحضير للمعرض!
-٥٤👇🏻

معرض عرض منتجات، يعني هنرص العينات على الرفوف الألمنيوم في مساحة عرض صغيرة جدا، نحجز قبله بالمدة دي كلها ليه؟ علما بإن تكلفة الفرد قاربت ال90 ألف جنيه وفي شركات كانت موفدة 3 أفراد وفردين لمعرض عرض فقط! دا كان بالنسبة للقطاع العام إنما القطاع الخاص حضر يوم المعرض،
-٥٥تابع

حضر نفسه في ساعات معدودة. وطبعا تكلفة إقامته لم تدخل في هذه الأرقام العالية لأن عنده حساب ورقابة ومتعود على المهمات اللي من النوع دا دا غير إن ميزانيته محدودة مقارنة بالقطاع العام.دا مثال واحد بس على ارتفاع التكاليف نتيجة لسوء الإدارة وهناك من الأمثلة أكتر من كدة بكتير،
-٥٦تابع

كان ممكن نتفاداها، لكن لللأسف محصلش. وهقول كلمة مكررة "قيس على ذلك باقي الإختيارات والقرارات للناس دي مشيت إزاي!
نرجع بقى لفنيات الشغل في هذا المجال:
إحنا إتعلمنا من دراسات السوق إننا لما نكون في بلد بنستهدف سوقها لازم ندرس شرائح المستهلكين وكمان أنواع البائعين
-٥٧تابع

يعني لازم يكون عندنا نوع من الدراسات الحية فالأسواق نقوم إحنا بعملها على أرض الواقع بخلاف ما لدينا من معلومات
"معلش فوتكم في الكلام،أي جهة منظمة لمعرض بتوفر للشركات معلومات عن البلد تخص التجارةوالتصدير والجغرافيا والسكان والإستقرار السياسي وما شابه،بس الوزارة معملتش دا كله"
-٥٨👇🏻

وفي ظل إن محدش إدانا معلومة مسبقا عن البلد، كنا مضطرين نتحرك لوحدنا "كقطاع خاص" لأن القطاع العام مش بيتحرك غالبا إلا بأوامر وطبعا محدش من الوزارة إداله الأوامر دي! الناس كانت طالعة تعمل شغلها الإعتيادي، لم تقصر في تواجدها في مكانها في أوقات العمل المحددة لها مسبقا،
-٥٩تابع

اللي قصر هو اللي أخدهم بلا توجيه واللي حرم البلد من فرص محققة للمكسب!
البلد دي على الرغم من وفرة المية والأراضي الخصبة فيها و إنخفاض تكلفة الزراعة إلا إنها بتستورد معظم أكلها وشربها!! تخيلي بقى يا وزارة التجارة والصناعة ، إيه الفرص البيعية اللي كان ممكن نحصل عليها
-٦٠تابع

لو موفد من الوزارة لف السوق وشاف وخاطب وزارة الزراعة بلاش المزارع الخاصة، تعالوا استثمروا وازرعوا هنا أو تعالوا صدروا منتجات مصر الزراعية كلها بمعنى كلمة كلها؟ بس عشان محدش من الوزارة أخد الموضوع دا على عاتقه الفرص دي لا ظل لها من واقع إلى الأن!
-٦١تابع

ندخل على نقطة متخصش الحدث دا لوحده بل من وجهة نظري تخص كافة الفعاليات اللي بنمثل فيها مصر في الخارج وخصوصا إفريقيا. أعتقد إننا محتاجين توعية وتأهيل لكل من يشارك في المعارض الخارجية بإسم مصر، الموضوع معادش ينفع يتساب للعشوائية ولا يمشي من غير قيادة توجه الناس
-٦٢تابع

هما طالعين يعملو إيه والمفروض يتصرفوا إزاي:
نتيجة لأن العارضين من خلفيات مختلفة وبالطبع خبرات مختلفة لم يكن البعض منهم على مستوى الحدث ودي غلطة حقيقي لا تغتفر.
ليه؟
مصر بتسوق لنفسها في القارة قبل ما تسوق لمنتجاتها، ودا معناه إن اللي طالع معرض دولي،
-٦٣تابع

هو سفير للبلد قبل ما يشتغل شغلانة تانية، يعني اللي بيمثل مصر لازم يكون قدوة ومثال مشرف للبلد في الكلام والمظهر وجودة المعروض و وو و حاجات كتير أوي. لو كانت الوزارة عملت الإجتماع وألقت على العارضين محاضرة واحدة بهذا المعنى،مكناش شفنا كتير من التجاوزات اللي مفيش داعي أسردها
-٦٤👇🏻

لإن في إنطباعات تسبب فيها البعض في أزمنة سابقة كانت من الأسباب الرئيسية في كتير من عوامل خروجنا برة الأسواق دي وخسارتنا لعمقنا الإفريقي الذي نستحقه عن جدارة. وفي العصر اللي إحنا فيه مكنش يليق بينا إننا نشوفها في هذا الحدث "شيء محزن"

وعشان أكمل رؤيتي بأمانة،
-٦٥تابع

وإسمحولي أذكر شيء كان بالنسبة لي مستفز جدا كمواطنة مصرية. بعد هذا الكم من سوء الإدارة والتخطيط، إكتشفت إن معالي الوزيرة حضرت إلى جنوب السودان بطائرة خاصة على موعد إفتتاح المعرض وغادرت جوبا بعد إتمام لقاءتها مع المسؤولين في البلد أيضا بطائرة خاصة!
-٦٦تابع

مش الغريب إن وزيرة تسافر لمهامها الوزارية بطائرة خاصة، أنا مش في موضع يخول لي أرفض أو أقبل شكل البروتوكلات الوزارية تمشي ازاي ولا اي حد فينا من حقه، فقط نظرت للموضوع من زاوية التكلفة العالية. إذا كنا في بلد بيصحح مساره وبيقلل نفقاته عشان يعمل إصلاح إقتصادي،
-٦٧تابع

يبقى أول حد مفروض يضرب المثل في هذا المسلك
المفروض يكون وزراء المجموعة الإقتصادية! فرق التكلفة المصريين أولى بيه، فرق التكلفة الوزارة أولى بيه،فرق التكاليف ممكن يعمل كتير في بلد بتعافر وتسابق الزمن عشان تطلع من خندق العوز
سامحوني مقدرتش أعدي النقطة دي وأعمل نفسي مش شايفة!
-٦٨تابع

أخد جانب مختلف المرة دي وأتكلم عن الإعلام اللي إبتدى يغطي الأحداث اللي من النوع دا و كنت لسة هرفع له القبعة بس للأسف مدانيش فرصة. كانت مشرفة الحدث من الأعلام عندنا قناة سي بي سي إكسترا اللي حضرت تغطي المعرض وتتقابل مع المسؤوليين والعارضين والجنوبيين وتعمل لقاءات مع الوزيرة
-٦٩👇🏻

و غيرها، بس كل دا إتعرض في التلفزيون المصري على قنواتنا إحنا بس. الجزء الأكبر من رسالة الإعلام مطلوب يكون موجه لإفريقيا أكتر من مصر. يعني مكنش هيزود تكلفة الدولة ولا المحطة لو قامت بتأجيير عدد من الدقائق في البرامج على القنوات الجنوب سودانية،
-٧٠تابع

ووصلت لعدد أكبر من الشعب الجنوبي عشان تعرفه إن مصر موجودة على أرضه. البلد دي مرتبطة بينا بشكل محدش ينكره ولازم رسالتنا الإعلامية تكون أكثر شمولا بشكل رأسي وأفقي مع بعض. ودا تعليقي شبه الوحيد لأني ما زلت سعيدة بوجودهم وقرار تغطيتهم للحدث.
في سؤال هنا بيفرض نفسه:
-٧١تابع

لو كان هذا الحدث يخص الصين ولا تركيا، تفتكروا دا كان هيكون أداء الوزارة المعنية؟
أنا هسيب فرق أرقام الصادرت ما بينا وبينهم هى اللي تجاوب!
طيب بلاش دا،فين الملحق التجاري بالسفارة المصرية في جوبا؟
-لا مفيش ملحق تجاري
عشان السفارةجديدة ووزارةالتجارة والصناعة لم تعين ملحق تجاري
-٧٢👇🏻

طيب ليه لم يتم إنتداب شخص من إدارة البحث التجاري يطلع قبل إتخاذ قرار المعرض، تكون مهمته دراسة حالة السوق وعمل تقارير من أرض الواقع تساهم في رؤية أفضل وتقدم لتسهيل التخطيط لحدث بهذا الحجم؟
أنا مش بتكلم في شيئ مستحيل ولا اللي بقوله غريب!
طيب مش دا توجه دولة؟
-٧٣تابع

وإحنا كلنا بنخدم التوجه، طيب ليه ميكونش فيه عمق ودراسة وإحنا بنفذ الأوامر؟
وهنا ياخدنا السؤال :أمال المعرض دا إبن مين لما الوزارة ملهاش حد في السفارة؟
إسمع يا سيدي
السفارة هناك عاملة زي ما تكون خلية نحل أو فرقة صاعقة يتهيألك أنها هادية وفي الظل،
-٧٤تابع

لكن في الواقع هى لابسة المموه وبتتحرك بخفة لكن محدش غريب يشوفها!!
أبسطها لك أكتر وأعرفك على بعض من ولاد بلدنا المخلصين أكتر وأكتر
في الغالب الأعم وفي السنوات الماضية كان ممكن نشوف السفير المصري في إفتتاح المعرض و أدي وش الضيف،
-٧٥تابع

إنما اللي شفته من سفيرنا الدكتور #محمد_قداح بيقول إن مصر طورت بشكل كبير من الوقود المغذي للسلك الدبلوماسي. أنا شفت شاب متعلم نشيط وحاسم، كلام دبلوماسي وفعل سياسي ورؤية رئاسي!
السفير وطقم السفارة بالكامل فردا فردا كانوا اما موجودين في المعرض او متابعين لخطواتنا بشكل يومي
-٧٦تابع

وبيقدموا لنا دعم عمري ما شفته على مدار سنوات شغلي في المجال دا الطويلة!
الكلام دا عايم مش كدة
طب خد عندك يا سيدي:
استقبال للوفد المصري من المطار من القنصل
تسهيل أوراق السفر والإصطحاب للفندق
ترتيب خروجنا من الفندق للمعرض وكذلك العودة
تأمين حركتنا داخل البلد ومدنا بالمعلومات
-٧٧👇🏻

اللازمة وقت الحاجة
لا لا لا لا
مش كفاية الكلام دا كله
الملحق العسكري المصري بسفارتنا بدولة جنوب السودان السيد المحترم العميد #جمال_الجبيلي كان يجتمع بشكل يومي مع طاقم شركات الخدمة الوطنية ويتابع احتياجاتهم ويقوم بتوجيهم يوميا!
-٧٨تابع

مش بس كدة سيادة العميد كمان قام مع بعض شركات القطاع الخاص بخدمات جليلة لتسهيل مهمتهم "مع إننا لا تحت سلطته، ولا حد طلب منه، ولا هيتجازى علينا، ولا كان يعرف أصلا إن اسمه هيكون مكتوب دلوقتي" لكنه حب خدمة الوطن يا سادة، لا مستني تعليمات ولا محتاج توجيهات غير من الضمير الحي
-٧٩تابع

اللي بيكون مع صاحبه فين ما راح.
السفارة المصرية تحت قيادة السفير قداح تستحق السلام والتحية من السفير لنائبه لشباب الدبلوماسين وحتى سائقين السفارة والأمن، كلهم الحقيقة حسسونا بالأمل وعملهم خلانا نشوف طاقة نور في رحلتنا الشاقة.
-٨٠تابع

بسبب الناس دي و شغلها اللي مش متشاف الواحد كان عايز يعلق باسبوره المصري في رقبته عشان كل الناس هناك تعرف إنه مصري. شكرا للأمان وشكرا للعمل المخلص وشكرا للأمانة اللي شيلتوها بإحتراف و شكرا لكل اللي مساعنيش المجال أقوله وتستحقوا عليه الشكر.
-٨١تابع

طيب معلش وقبل ما نقفل المعرض ممكن أقول لكم على شيء مبهر حصل هناك مكنش أبدا متوقع يحصل في قلب حدث تجاري. السفارة المصرية طلبت من وزارة الثقافة إرسال كتب للعرض في جناح خاص بالمعرض يكون جزء منها هدايا. إلا إن السيد رئيس الهيئة العامة للكتاب الدكتور #هيثم_علي صمم
-٨٢تابع

إن الكتب بالكامل هتكون هدية مجانية لشعب جنوب السودان.مش بس كدة، حاول عزيزي القاريء تستوعب القادم،
زي ما حضراتكم شايفين معايا إن العامل المشترك في أغلب قرارات المعرض كان "عدم الإكتراث"،لكن بمجرد ما حضر هذا التكليف للهيئة إتحرك رئيس الهيئة ومعه نائبه الدكتور أحمد بهي الدين
-٨٣تابع

لصرف الكتب متخطين كافة أشكال الروتين في 48 ساعة فقط! الكلام دا حصل لأن التكليف وصل للهيئة قبل موعد الشحن ب48 ساعة بس! الناس دي إتحركت وتفوقت على الروتين وأخدت المسؤولية على عاتقتهم عشان بيعملوا حاجة للبلد، ميعرفوش أصلا مصير الكتب دي هيكون ازاي هناك
-٨٤تابع

ولا إن في حد في اللحظة دي بيكتب عنهم ولا إن في حد في الشعب المصري حاليا بيقرا عن عملهم النبيل. والوقائع دي بشهادة الشهود اللي استلموا منهم الكتب، مش منهم مباشرة! يعني قادرة أتخيل المفاجأة الكبيرة اللي هيكونو فيها لما يعرفوا إن اللي عملوه من حسن تقدير
-٨٥تابع

وعمل جاد لخدمة أهداف مصر إتشاف وإتحكى عنه من غير هما أنفسهم يجيبوا سيرته! متستغربش يا فندم
هى دي مصر وهما دول ولادها اللي بيحبوها بالعمل مش بالكلام،اللي لما بيتحطوا في منصب مبيستنوش أوامر ولا بيتقيدوا بروتين ولا بيسمحوا لحد يعطل مصلحة مصر
شكرا للي إختار حضراتكم في المكان دا
-٨٦👇🏻

لأنكم تستحقون وأكثر!
وبالفعل طلع السفير المصري أعلن عن إن الحكومة المصرية بتقدم للشعب الجنوبي 10 آلاف كتاب مجاني كهدية وتعبير عن الصداقة وتعميقا لشلال من الثقافة المشتركة بتجري مع جريان النيل. والحقيقة الصدى كان هايل من الأوساط الجنوبية وخصوصا الشعبية
-٨٧تابع

و ساهم في زيادة المشاركة من الزوار. أما جناح الكتب فكان عليه إقبال يشرف ويرفع الراس ويحسس كل مصري أد أيه أحنا أصحاب تأثير وقوتنا الناعمة ما زالت قادرة على حسم أي سجال ثقافي ومعرفي لصالحنا. بس أنا هفاجئ القارئ بالأتي: الموضوع موقفش عند الكتب اللي إتوزعت في المعرض،
-٨٨تابع

علمت من مصادري الخاصة إن في تنسيق بيتم حاليا لإستغلال هذه الخطوة الناجحة، بحجز مزيدا من الأماكن للكتاب المصري على الرفوف الجنوب سودانية بالتعاون ما بين السفارة المصرية والهيئة العامة للكتاب! بجد دا بيحصل عشان يثبت شيء مهم جدا، متلومش على البلد وتاخد عاطل في باطل ،
-٨٩تابع

لوم على الشخص اللي مش في مكانه، لوم على الإنسان اللي مش كفء ومع ذلك مكمل يعطل مسيرة الدولة المصرية بإستهتاره.
وبكدة متستغربش يا سيادة القارئ لو قلت لك إن إقتراح عمل المعرض كان نابع من السفارة دي مش من الوزارة المعنية !!
-----------------------------------
-٩٠تابع

سامعاك يا اللي بتقولي مش يمكن الوزارة بتنفذ تكليف من الجهات السيادية وعشان كدة الموضوع مش تجاري بحت
وهرد عليك:
هو إحنا مينفعش ننفذ التوجيهات والتكليفات والمؤموريات و كل الحاجات اللي بيتم تكليفنا بيها من غير ما نخسر فلوسات؟
طيب ليه منقمش بالمطلوب مع تحقيق مكاسب إن أمكن؟
-٩١تابع

يا تري رئيس الوزراء المُشرف والدؤوب والحصيف والأمين الدكتور #مصطفى_مدبولي، يقبل إن تكون دي صورة مصر ولا دا أداء العاملين معه؟ ولا حتى يسكت على الخسارة المادية اللي كان ممكن تبقى مكسب لأحد وزارته؟
هو الريس كان هيزعل لو دخلت خزينة الدولة أرباح جراء تنفيذ تكليفاته؟
-٩٢تابع

الراجل مش مطلوب منه يدي تعليمات وبعملها بايده!
جيبت سيرة اكبر سلطة فالبلد أهو يعني مفيش بعد كدة يا ناس!
سبق وقلت مفيش مبرر لهذا الفشل وأنا كلامي كله بيفترض حسن النوايا
طيب أنا كدة خلصت هذا الحدث وأقدر أبني عليه رؤية للقادم.
وهقدم الرؤية كاملةومطبقة بالمثال وعلى أرض الواقع:
-٩٣👇🏻

إستعدوا يا سادة
هو النقد السابق تقديمه مستوحى من فين وإيه مصدره؟
ليه أخدت الحدث الصغير اللي مدته 7 أيام فقط وحكمت من خلاله على الأداء العام؟
وليه أصلا مطلوب من الوزارة تقدم دعم أكبر من كدة؟
الوزارة هي ممثلة الحكومة المصرية في العمليات الإقتصادية. دورها تضع سياسات
-٩٤تابع

وتعقد إتفاقيات وتذلل العقبات وتقدم المعلومات وعن طريق دا كل بنقوم إحنا بفتح الأسواق.
مفيش مصنع أو شركة لوحدهم يقدروا يساعدوا مصر في العملية المعقدة دي ولا حتى الوزارة نفسها تقدر من غير ما يكون العمل متناغم ما بين الإتنين وكلامي أو نقدي هنا للوصول للأفضل في اللي جاي.
-٩٥تابع

وجودنا فدول حوض النيل بكافة أشكال الوجود زي ما هو مهم لينا في ملفات سياسية هو مهم في الملف الإقتصادي ونقدر نفعله بإسلوب أكثر دقة ونجاح
أخدت الحدث الصغير دا عشان يعد كاشف لتطبيق سياسات فضفاضة كتير بتشتغل بنظام الأواني المستطرقة ولازم نوقف الضجيج اللي بلا طحين بأسرع وقت ممكن
-٩٦👇🏻

ومينفعش أخد الوزارة بالكامل في نقد عشوائي، لازم إطار محكم محدد بمدة عشان ميحصلش بلبلة عند القارئ.
أما ليه مطلوب من الوزارة او الدولة عموما هى اللي تقدم دعم، فدا مش قاصر على مصر كدولة، لا دا حاصل في كل الدنيا من قرون، هتلاقي الدول اللي إستهدفت إفريقيا
-٩٧تابع

هي اللي شقت الطرق عشان تسهل التجارة، مش محبة ولا فشخرة،وهىكمان اللي أرسلت مواطنيها للعيش في الدول دي عشان يجمعوا معلومات و يسهلوا التجارة عموما وكمان قدمت الدعم المصرفي والمالي لسرعة التداول و بعد كل دا قدمت الدعم على العملية التصديرية ذاتها.
-٩٨تابع

يعني لما حضرتك تسمع عن طريق الإسكندرية-كيب تاون اللي بتعمله مصر متقفش عند الخبر، إعرف إن هتكون وراه كتير من المنافع الإقتصادية لمصر قبل أي حد وكمان لما تسمع عن المنح والمساعدات اللي بتتقدم للدول الإفريقية،
يا ريت متعتبرهاش وجاهة ولا مبالغة،
-٩٩تابع

دي أدوات في إيد الدولة بتوجهها لصالح خدمة أهداف إنت ممكن متكونش شايفها. مفيش حاجة في البلد بتمشي عشوائي وإن بدت لك عكس ذلك.
طالعتنا الصحف منذ أيام عن إعلان من دولة كينيا إعفاء الصادرات المصرية تماما من الجمارك لمدة عام، ودا خبر لو تعلمون عظيم جدا،
-١٠٠تابع

و يعتبر نجاح لوزارتي التجارة والصناعة والخارجية خصوصا ونجاح للدولة المصرية عموما. ودا جاي فى إطار الاستثناء الممنوح من اتحاد شرق افريقيا لدول كينيا وروندا وبوروندى وأوغندا الأعضاء بالاتحاد وتجمع الكوميسا لمنح باقي الدول الأعضاء بالكوميسا إعفاءً جمركياً شاملاً.
-١٠١تابع

ودي مش اول سنة ناخد الإعفاء دا،
لكن الحقيقة لحد النهاردة مقدرناش نوصل منه للمستهدف لأن الإجراء دا بيسهم فى استمرار حركة الصادارت المصرية للسوق الكينى خاصةً وأنه أحد أهم الأسواق المستقبلة للصادرات المصرية لأن كينيا وميناءها البحري نيروبي هو المنفذ البحري الوحيد
-١٠٢تابع

لدول حبيسة كتير وراها زي أوغندا ورواندا وبروندي وطبعا جنوب السودان.وبالرغم من الإعفاء السابق إلا إن أرقام صادرتنا للسوق الكيني حققت إجمالى بلغ خلال عام 2020 نحو 448.5 مليون دولار بنسبة زيادة بلغت 5.3% عن عام 2019 فقط!
ودا رقم هزيل جدا جدا جدا على امكانيات الانتاج وتنوعه
-١٠٣تابع

طيب نعمل إيه عشان نفعل ونستفيد من الإعفاءات الجمركية الموجدوة
بناءا على ما تقدم احنا بنطالب وزارة التجارة والصناعة بتجميع بيانات السوق فدول شرق إفريقيا المعنية بالإعفاءات الجمركية على الصادرات المصرية
وتبني معارض مدعمة"بجد"يعني لازم معرض مدته تكون مرتبطةبمدة الإعفاء الممنوحة-١٠٤

للمنتج المصري و يحصل علي الأماكن بالتبادل بين المصانع المدرجة في إتحاد صناعات مصر وتصلح للتصدير وعندها منتج يشرف مصر مع مراعاة التنوع المطلوب لتلك الأسواق.
تخصص للمصانع اللي منتجاتها مطلوبة فعلا في الاسواق المذكورة. مَش نبعت وخلاص والعداد يعدد على الفاضي مش بيعة ونجري
-١٠٥تابع

يعني بعد اذن معاليكي يا سيادة الوزيرة:
تتولى الوزارة تكلفة الدراسة والتخطيط في أسرع وقت و أنا بوعد حضرتك إن أرقام الصادرات المصرية هتقفز قفزة لا يحلم بها أحد من المنظرين في مجال الإقتصاد.
عشان لما المنتج المصري يتواجد بشكل مكثف في كينيا،يقدر يبيع في كل الدول المحيطة بيه،
-١٠٦تابع

لأني كما ذكرت كينيا هى السوق الأكبر للتجارةفي الشرق الإفريقي.
تخفيض على اسعار المعرض؛ ميبقاش المتر فوق ال ١٠٠$ويتقال مدعم
وطالما معرض بترعاه الدولة من خلال مكتبها التجاري المعين من التمثيل التجاري التابع لوزارة التجارةوالصناعة بالأساس:
يبقى من حقنا نطلب دعاية فدولة المعرض
-١٠٧👇🏻

مش نروح معارض محدش يزورها لا من القطاعات التجارية ولا من القطاعات الحكومية ونلاقي نفسنا بنبيع للجمهور واحنا طالعين معارض بيزنس تو بيزنس!!
ومش كتير على الوزارة انها تستعين بشركات ماركيتنج في الدول دي تسبق تواجد العارضين المصريين قبل تواجدهم على الأرض.

-١٠٨تابع

احنا بنروح معارض في افريقيا عشان نصدر ونبيع منتجات مصرية تساهم في الناتج القومي المحلى والإجمالي مش بنطلب دعم عشان نروح نتفسح في سفاري كينيا ولا نشوف الطبيعة الخلابة في زنزبار.
حضراتكم تقدروا تعملو اتفاقيات مع مصر للطيران عشان تعمل رحلات شارتر مخصوص للمعارض في توقيتها
-١٠٩تابع

اللي بطالب بيه مش رفاهية ولا كلام أوفر على امكانيات الوزارة ولا خارج اختصاصها.
معلش استحملوني في القادم:
توجه الدولة المصرية تجاه إفريقيا على كافة الأصعدة السياسية والأمنية والإقتصادية أصبح من المصالح الحيوية التي لا تحتمل التأجيل ولا التراخي.
-١١٠تابع

إذا كانت القيادة بتقوم بدور بطولي وجبار في توقيت قياسي، يبقى من باب أولى الإدارة التنفيذية اللي بتشتغل معاها تفعل أدواتها بالكامل لخدمة التوجهات اللي بتخدم مصالحها.
ومش عيب لو اتعلمنا من تجارب ناس سبقتنا وعدتنا حتى لو كنا على خلاف سياسي او ايدولوجي.
-١١١تابع

واستحملوني تاني لما اخد حضراتكم في رحلة تفقدية لتجارب الأخرين اللامعة داخل الأسواق الإفريقية ولو كان طعمها مر في حلقي وانا بنقلها بس هعتبرها الحموضة اللي بتيجي لما ناخد فيتامينات !!
كما ذكرت من قبل إحنا موجودين في القارة وبنقوم بعمليات تجارية من عهد المصريين القدماء
-١١٢تابع

ولا يليق بنا الأرقام الهزيلة التي لا تتناسب مع حجم إقتصادنا اللي أصبح الأسرع نموا والأكبر بعد تفوقه على نظراءه من الإقتصادات الغير نفطية بالقارة.
أيوة إحنا أكبر أسرع إقتصاد في إفريقيا ولو كره الكارهون!
وعشان نحافظ على دا وميحصلش إنكماش ومنتأثرش بالأزمات العالمية
-١١٣تابع

لازم نزود من مبيعاتنا خارج الدولة بمتوالية أسرع من الموجودة حاليا
ودا مش هيحصل من غير خطوات سريعة تتبناها الدولة من خلاال إدارة بتسابق الزمن زي ما إحنا كلنا شايفين ومش ملاحقين معاها على الإنجازات والتحركات وبناءا عليه مضطرة أسفة أذكر ما فعلته تركيا للنفوذ للأسواق الإفريقية
-١١٤👇🏻

عشان نعمل الأفضل منه لأننا بنتميز عن الأتراك في حاجات يمكن مش كلنا حاسبها.
تركيا تبنت ف2004سياسة مضاعفة الصادرات لأفريقيا بالخصوص وإعتبرتها أمن قومي وبدأتها من أول دعم الإنتاج المحلي وحتى وصول المنتج لبلاد أخر الكوكب. وصلت السياسة دي ل200 مليار دولار زيادة فأرقام المبيعات!
-١١٥👇🏻

وعشان تعمل دا الحكومة التركية حددت الإجراءات، اللي تتمكن بيها من زيادة صادراتها،
والمتمثلة في «القوى العاملة المؤهلة، والكفاءات الاقتصادية في الإدارة، والبنية التحتية، وحوافز الضرائب المنخفضة
أولاها توفير القوى العاملة المؤهلة، ليحقق الأتراك أطول ساعات عمل،
-١١٦تابع

وأقل عدد أيام إجازات مرضية للموظف في أوروبا بمعدل 53.2ساعة عمل في الأسبوع، ومتوسط سنوى لعدد أيام الإجازات المرضية يبلغ 4.6يوم لكل موظف، بحسب معلومات سجلات الحكومةالتركية المسندة لتقارير البنك الدولي
وبلغ عدد خريجي تركيا كل عام نحو 500ألف خريج جامعي مؤهل في جميع التخصصات
-١١٧تابع

و663 ألف خريج ثانوي،ثلثهم من المدارس المهنية والفنية، عشان تدعم القطاع الصناعي اللي تقدر تخترق بيه أعقد الأسواق زي السوق الأوروبية.
كمان الكفاءات الاقتصادية في الإدارة منسيتهاش ، عرفت إنها محتاجة لتغيير فكر الإدارة، وإستوردت العقول الاقتصادية من دول تانية عشان تحقق هدفها
-١١٨تابع

قامت تركيا بتوقيع عدد من إتفاقيات التجارة الحرة"المرعبة"اللي قدرت تزلل بيها أغلب الأسواق اللي دخلتها من خلال تمكين مصدريها من منافسة الصناعات المحلية لتلك البلدان وأدت لغلق مصانع قطاعات كاملة مما إضطر بعض الدول لإلغاء او تعديل بنود تلك الإتفاقيات زي المملكة المغربية مثلا
-١١٩تابع

اللي لمست الخطر فالوجود التركي والمنافسة غير العادلة مع صناعتها في النسيح بالتحديد وصناعات أخرى دا غير التسبب في إفقار منافذ التوزيع المحلية من أول السوبرماركت لحد السلاسل الكبرى
وقام البرلمان المغربي بالمطالبة بإلغاء الاتفاقية بدون حتى الرجوع للجانب التركي!
وتم الالغاء
-١٢٠تابع

وغيرها من الدول زي الأردن وتونس فقطاعات ووقائع مشابهة
مش بس كدة
حجزت وزارة التجارة والصناعة التركية أكبر صالات العرض في أكبر المعارض الدولية زي معرض شيكاجو بأمريكا ومعرض فرتنكفورت بألمانيا ومعرض كانتون بالصين،لصالح المصانع التركية ودعمته تقريبا بالكامل
-١٢١تابع

عشان المصانع التركية تلاقي مكان وسط الكبار.
تركيا بالرغم من تشعب نشاطها داخل القارة ما بين التعاون العسكري والإقتصادي إلا إن الصادرات بالنسبة لها هى الغول اللي تقدر تكسب بيه معركتها بالرغم برضو من غلاءالمنتج التركي عموما إلا إنها بتعتبر دعمه فالأسواق الإفريقية أمن قومي!
-١٢٢تابع

إعتبرت الحكومة التركية الزيادة في أرقام الصادرات هى الشرط الأساسي في الترقي داخل السلك الدبلوماسي، المسألة بالنسبة لهم مسألة حياة أو موت وعملية متشعبة ومتداخل فيها كافة أجهزة الدولة.
كملت وزارات التجارة والصناعة والإستثمارات التركي في إستهداف رجال الأعمال من الأفارقة
-١٢٣تابع

بتقديم دعوات مجانية لهم من خلال غرفهم التجارية لحضور المعارض الدولية الصناعية في إسطنبول مع منح رجال الأعمال الضيوف رحلات ترفييهية و مواصلات مجانية داخل البلد. ودا مش رفاهية إطلاقا، دا نوع من أنواع الإستهداف الناعم اللي حقق أرقام خيالية و قفزات جنونية في المبيعات.
-١٢٤تابع

تخيلو إحنا ممكن نعمل إيه بمواقعنا ومزارتنا السياحية لو إجتذبنا رجال الأعمال الأفارقة بنفس الطريقة؟
بس للأسف معرض القاهرة الدولي اللي كان بيتعمل فمارس من كل عام منذ ستينيات القرن الماضى إتحول لسوق القاهرة و بيبيع منتجات للسوق المحلي ولم يعد يجتذب الفئةالمطلوبة من المستوردين
-١٢٥👇🏻

وإتشال من على خريطة المعارض !!
احنا معندناش حاليا معرض دولي يليق بالصناعة المصرية بالرغم من إمكانياتنا اللي كل يوم بتزيد وتتضاعف!!

تولت وزارة التجارة والصناعة التركية عمليات شراء إيجار لخطوط ملاحية في بادئ الأمر لصالح الصادرات التركية لأسواق بعينها
-١٢٦تابع

وقدمتها للمصدر التركي بأسعار رمزية لمساعدته على أداء العملية التصدير بدون أعباء فالشحن عشان يقدر ينافس ويحقق لها الأرقام المرجوة, لما نجحت المصانع التركية في النفوذ لتلك الأسواق من خلال المشاركة في المعارض المدعومة من الوزارة والتصدير من خلال خطوط ملاحية دعمتها له الدولة
-١٢٧تابع

قدرت الحكومة التركية تنشئ خطوطها الملاحية الخاصة وتعوض اللي دفعته في إيجار الخطوط السابق بل و الأصعب إنها أصبحت بتزاحم الخطوط الملاحية العالمية بأسعارها التي لا تقارن!
إحنا مصر لحد النهاردة معندناش خطوط ملاحية تخدم منتجاتنا، اللي موجود ما زال وليد 2019
-١٢٨تابع

وبنعافر عشان يتحرك في مسارات متشعبة ودا بيعلي تكلفتنا في الشحن والتصدير جدا!
أعزائي القراء:
كل ما سبق ذكره من نجاحات لسياسات دول أخرى، إحنا عندنا إمكانيات نتخطاه وفي عدد سنوات أقل بكتير من اللي سبقونا. متستغربوش،
الدولة المصرية عندها بنية صناعية عريقة وقوية
-١٢٩تابع

وقادرة مش بس على منافسة تركيا، لا تقدر تنافس الصين والهند كمان في بعض المجالات لو فعلت كافة إمكانيات إدارتها ونظمت العمل مع القطاعين العام والخاص. بشرط اللي حوالين القيادة السياسية يساعدوها ويدعموها وتتواكب خطواتهم مع خطوات قيادتنا وطموحتها الصاروخية.
-١٣٠تابع

أتمنى من كل قلبي كلامي يشوف النور على الواقع مش بس على المواقع الإلكترونية. وأتمنى كمان أشوف بلدي بتاخد اللي تستحقه من تقدير من شعبها لما يفتخر بمنتجاتها على كل رفوف الدنيا. واتمنى كمان ينصلح حال الصناعة المصرية ومنفضلش شغالين من غير خطط تتناسب مع إحتياجتنا العاجلة.
-١٣١تابع

المصنع المصري أمن قومي يا سادة،
المنتج المصري ضرورة حياة يا سادة،
العامل المصري له حق يحافظ على عمله با سادة،
والصناعة المصرية ما زالت تحتاج منكم الدعم النافع يا سادة!

أنا عرضت اللي شوفته، يمكن مفاجأة للبعض، ويمكن معروف للبعض الأخر، ويمكن ميهمش ناس كتير،
-١٣٢تابع

لكن الشيء الأكيد أنه نقل مخلص للي شفته واللي البلد محتاجة له يشكل عاجل.
الحكومة مش تايهة عن اللي كتبته وتقدر تعمل أضعافه أنا كتبته لتسجيل واقع، وتوصيل رسالة إننا كلنا مستعدين للعمل من أجل هذا الوطن ولو في أخر الدنيا وإن فينا مقاتلين مش مستنية مقابل للإخلاص في العمل،
-١٣٣تابع

وبتشتغل بضمير من غير ما تعمل دوشةولا تستنهى مكافأةمع إنها تستحق
يمكن تكون دي أخر مرة أكتب لو كلامي كان قاسي على البعض وبسببه شرفت في سجن القناطر
لكن هكون ساعتها فخورة إني موقفتش أتفرج على وضع محتاج يتصلح
ولو إن دي أخر مرة
هيجي بعدي اللي يعمل الصح حتى لو مكنتش أنا
بقلم
#شيرين_هلال

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد