تربية الأبناء
أدوار الجنس
الأطفال
المجتمع
تطور الطفل
قضايا اجتماعية
السلوك الاجتماعي
الدراسات الثقافية
ملاحظات ثقافية
الأطفال في مصر و خاصة البنات بيدّوا أكبر من سنّهم (سلوكيا مش جسمانيا) بدري أوي، من سن 6+ سنين، في كل الطبقات الاجتماعية. بسمعهم بيقولوا ألفاظ مش خارجة، إنما بلدي، تسمعها من أرشانات مش من أطفال، لدرجة بقيت أتجنب أنكش مع أي طفل في مصر لو +5 سنين علشان أتحاشي ردودهم الأرشانية
+
+
البنات مثلا داخلين مراهقة بدري جدا (سلوكيا بردو مش جسمانيا) من سن +10 و لبسهم بقي too revealing كخطوة استباقية استعجالية لأنوثة جاية جاية يعني هاتروح فين؟
+
ثريد الكوميكس بتاع الولد سليم لطيف، بس اختزاله في فروق البنات عن الولاد مخل. الفيديو الحقيقة بيعكس فرق تربية واضح بينهم
+
+
ثريد الكوميكس بتاع الولد سليم لطيف، بس اختزاله في فروق البنات عن الولاد مخل. الفيديو الحقيقة بيعكس فرق تربية واضح بينهم
+
الاتنين مهذبين، بس واحد طفل برئ تلقائي علي سجيّته و عايش مرحلته و التانية مِنَشّيّة مفتعلة artificial بلاستيك مستحيل يكون عمرها 6 سنين بس
+
+
أعتقد إحنا كمصريين بنحب و بنشجع الطفل إنه يظهر أكبر من سنّه و بنعتبر دا تفوق، أي (أفعل) تفضيل عندنا هو تفوق. حتي الفن عندنا بيعكس دا، فيروز و لبلبة و عاطف (الحفيد) و أحمد يحيي (حكاية حب) و سليمان الجندي (رصيف نمرة 5) موهوبين، إنما مش أطفال
+
+
علي العكس، نيللي و بوسي و وجدي العربي (في طفولتهم) و إكرام عزو و إيناس عبد الله و ليزا (هند و الدكتور نعمان) و جاد الله أبو الفضل (إنها حقا عائلة محترمة) و هالة (هالة حبيبتي) موهوبين و أطفال
+
+
ناتالي وود عاشت عمرها تكره أمها لأنها قتلت طفولتها و فرضت عليها السلوك البلاستيك علشان تحافظ علي نجومية هوليوود، و كانت عنيفة مع أمها لما حاولت (الجدة) تطبق السلوك البلاستيك مع بنات ناتالي
+
+
اصطناع أنوثة مبكرة بتلقين الأطفال البنات إيتيكيت بلاستيك و ملابس كاشفة و انجليزي في غير محله و جرأة في السلوك مش هايعمل females، هايعمل عرايس/سلع متعجرفة تقيلة عريانة ع الفاضي، و اللماضة و الشبحنة مش هاتعمل رجالة، هاتعمل بلطجية
+
+
أخيرا، بنات أحمد زاهر هاياكلونا مستقبلا زي خرسانة البلبيسي في معدل انتشارها و تأثيرها.
جاري تحميل الاقتراحات...