الاتحاد اليوغوسلافي بلش ينهار بالتمانينات من ورا سوء الإدارة والفساد وعدم القدرة على تسديد ديون صندوق النقد الدولي. بعد ما تصرف آلاف العمال من وظايفن ووصل التضخم لمستويات قياسية، طلع الصربي سلوبودان ميلوزوفيتش يلي صار رئيس يوغوسلافيا بعدين قال للصرب انو سبب الأزمة—

— هني ألبان كوسوفو والبوسنيين المسلمين لأنو بخلفوا كتير (😂) وبيستنزفوا موارد الإتحاد. وبهالطريقة بلا ما الناس تثور ضد الطبقة الفاسدة لي غطّست يوغوسلافيا بالديون، قاموا ضد بعضن وبلشت حرب أهلية عرقية ما خلت حجر ع حجر، انتهت بعد مجازر مروعة وتطهير عرقي كبير بكوسوفو والبوسنة—

—ضد الإسلام ارتكبها ميلوزوفيتش والفصائل الصربية القومية، وبالتالي تفكك الإتحاد اليوغوسلافي نهائياً وآخرها كان سنة ٢٠٠٦ وقت استقل الجبل الأسود عن صربيا.
عنا نفس الشي، بلا ما الناس تثور ضد الحراميي لي وصلونا لهون، بيطلع الحق آخر شي ع يلي كان يسافر ع تركيا بالصيفية 😂