دائماً كان بجيني تساؤل انه الزول لما يكون مغمض هو بكون شايف غشاء عينه بجوة ول بكون بإعتباره أعمى وهو بقدر يتحكم في الحاجة دي يعني زي اللمبة بقدر يوقفها ويفتحها؟؟ والزول الأعمى بكون زينا ونحن مغمضين ول بكون شايف أسود بس؟!!
لحدي م لاقاني مقال "الأعمى لا يرى الأسود
لحدي م لاقاني مقال "الأعمى لا يرى الأسود
منه عرفت انه الزول الأعمى م بكون شايف أسود بس ونسبة الناس العمي البكونوا شايفين أسود بس 18%من العمي في العالم. طيب والباقين ديل بشوفوا شنو؟!!م بشوفوا حاجة ..اااي عديل م بكونوا شايفين حاجة..
علشان تفهم أنا قاصدة شنو جرب غمض عين وخلي
علشان تفهم أنا قاصدة شنو جرب غمض عين وخلي
التانية فاتحة هتلقى انك بعينك المغمضة م شايف حاجة دا بالضبط البكون شايفه الشخص الأعمى ومع بعض التأثيرات يعني لو سلطت ضوء ع عينة أو اختلاف السطوع من مكان للتاني بجيبه بس احساس شرارة في اللاشيء الهو شايفه..
طيب انت عارف انه الشخص الأعمى منذ الولادة بحلم أحلام صوتيه بس..والناس البتفقد بصرها بسبب حادث أو كدا في البداية بتكون أحلامها عادية ومع مرور الزمن بتبدأ تتحول لصوتيه اتخيل انك تكون ولا حتى الأسود م قادر تشوفه
قمة الأزمة بالنسبة لينا اننا نكون بنشوف أسود بس و نحن في العادة لما ندخل غرفة مظلمة شديددد أول حاجة بنعملها اننا نتصرف في طريقة نشوف بيها.. احساس انك قاعد في ظلام دائم وحتى الظلام دا في إحتمال إنك م تشوفه وإنك عايش بس ع وصف الناس للأشياء والألوان ليك دا إحساس صعب شديد..
♥️
♥️
ف الحمد لله على نعمه البصر...الحمد لله على كل نعمه اعتدنا وجودها وما قادرين نتخيل اننا في يوم نفقدها..الحمدلله الزي لا يحمد على مكروه سواه الحمد لله حتى يبلغ الحمد منتهاه💛💛💛💛!!
جاري تحميل الاقتراحات...