التعليم
التجارب الشخصية
تجربة شخصية
العائلة
قضايا اجتماعية
الفقر
التحديات الاقتصادية
القضايا الاجتماعية الاقتصادية
اللي حابب يعرف شو يعني فقير وفقر، يكزدر معي شوي.
ما بدي إحكي عن الأحلام ولا الطموحات ولا عن الأمنيات اللي ما بتخلص. بدّي أحكي عن حياة عشنا تفاصيلها من أول يوم فتّحنا فيه بالمستشفى لليوم، ويمكن لحدّ ما نموت.
ما بدي إحكي عن الأحلام ولا الطموحات ولا عن الأمنيات اللي ما بتخلص. بدّي أحكي عن حياة عشنا تفاصيلها من أول يوم فتّحنا فيه بالمستشفى لليوم، ويمكن لحدّ ما نموت.
الفقر هو وقت تكون بمدرسة خاصة ينقلوك عا مدرسة رسميّة لأن مش قدرة أهلك يعلموك بأحلى المدارس.
الفقر هو وقت تترجّى بيّك يخلّيك تروح على رحلة بالمدرسة وما يخلّيك وإنت تحقد عليه، بس هو ما خلّاك لأن مش قدرته يدفع ١٥ ألف لتلات اولاد.
الفقر هو وقت تترجّى بيّك يخلّيك تروح على رحلة بالمدرسة وما يخلّيك وإنت تحقد عليه، بس هو ما خلّاك لأن مش قدرته يدفع ١٥ ألف لتلات اولاد.
الفقر هو وقت توعى على مشاكل بين الأم والأب لأن هي بدّها مصاري تجيب أكل واغراض للبيت وهو لأن رافض عجزه، بيخانقها.
الفقر هو وقت تعيش ببيت أجار من أول يوم وعيت فيه لليوم اللي رح يموتوا أهلك فيه وإنت عايش ببيت مش إلك وعتلان همّ أجاره آخر الشهر.
الفقر هو وقت تعيش ببيت أجار من أول يوم وعيت فيه لليوم اللي رح يموتوا أهلك فيه وإنت عايش ببيت مش إلك وعتلان همّ أجاره آخر الشهر.
الفقر هو يوم العيد اللي كل الاولاد بيروحوا فيه على مدينة الملاهي وإنت قاعد بالبيت لابس تياب جديدة بتشتريهن بس بالعيد ومش دايماً.
الفقر هو وقت تنطر يوم العيد لتتروّق كنافة. بيوم العيد بيّك بيضحّي بمبلغ كرمال يفرّحكن.
الفقر هو وقت تنطر يوم العيد لتتروّق كنافة. بيوم العيد بيّك بيضحّي بمبلغ كرمال يفرّحكن.
الفقر هو وقت ما تعرف شو يعني سوق وتياب.ووقت يفرح قلبك لأن حدا من قرايبينك اعطاك قطعة تياب كنت تحبّ يكون عندك منّها.
الفقر هو وقت تنطر حدا يجي من برّا ويجبلك هديّة تنبسط فيها لأن مش معوّد تجيب هدايا. ووقت تعرف بس يضهروا يمكن يضهروك معهن. ووقت ما تتعرّف عالمناطق وعالضهرات إلّا معهن
الفقر هو وقت تنطر حدا يجي من برّا ويجبلك هديّة تنبسط فيها لأن مش معوّد تجيب هدايا. ووقت تعرف بس يضهروا يمكن يضهروك معهن. ووقت ما تتعرّف عالمناطق وعالضهرات إلّا معهن
الفقر والفرح هو كيك بينعمل بالبيت بكل عيد ميلاد لأن ما فينا نشتري غاتو جاهز عليه صورة (قبل ما تدرج قصّة ال design متل اليوم)
الفقر هو لما تبلّش تكبر، إنك ما تعرف شو يعني perfume "أصليّة" ومن يوم اخترعوا التعباية بتشتري تعباية وبتنبسط فيها طبعاً لما يسألوك شو راشش perfume.
الفقر هو لما تبلّش تكبر، إنك ما تعرف شو يعني perfume "أصليّة" ومن يوم اخترعوا التعباية بتشتري تعباية وبتنبسط فيها طبعاً لما يسألوك شو راشش perfume.
الفقر هو لما تكبر وتحمل مسؤولية أهلك اللي كل حياتهن عم بيحاولوا يعيشوك حياة فيها أكل وشرب وعلم،ووقت كبرت صار دورك تحمل همّهن
تصير إنت تعتل همّ أجار البيت وهمّ لقمة الأكل وهمّ علبة الدوا وهمّ المستشفى اللي بيضل مرافقك مع كل صرخة وجع من بيّك أو قشطة ضغط من أمك وتخاف يعوزوا المستشفى
تصير إنت تعتل همّ أجار البيت وهمّ لقمة الأكل وهمّ علبة الدوا وهمّ المستشفى اللي بيضل مرافقك مع كل صرخة وجع من بيّك أو قشطة ضغط من أمك وتخاف يعوزوا المستشفى
الفقر هو وقت تتهرّب من رفقاتك اللي بتحبّ تكون معهن وتلاقيلهن ألف حجّة إذا ما كنت قادر تخبّرهن إنو ما قادر تضهر معهن لأن ما معك مصاري. ووقت تكبر بعد شوي، تصير تخجل إنك تضهر معهن لأن بيعرفوك وبيعرفوا ظروفك بس هنّي "عازمينك"
الفقر هو وقت تعتل هم الناس تشوفك عملت شغلة فيها دفع مصاري وتصير محتار تبرّرلهن وتخبّرهن إنو "أنا ما دفعت حقها، صحّتلي". هيدي الناس اللي بتحكم عليك من شكلك.
الناس اللي بتقلّك "إنت مش فقيرة، إنت حاطّة مانيكور"
الناس اللي بتقلّك "إنت مش فقيرة، إنت حاطّة مانيكور"
ووقت يحكوا عليك بالشغل إنك عم تلبس و"تجخّ" ومن وين عم بتجيب هاللبس كلّه، وما بدّك ومش مضطر تخبّرهن إنو هالتياب وصلوك من ناس.
الفقر هو وقت تمرق بمطارح مش قادر تقعد فيها، قهوة مطعم مكان للسهر، وتحس حالك غلط بأول مشوار بتروح فيه على هيك محل. إنت ما بتكون غلط، بس عارف هالمحل مش لإلك.
الفقر هو وقت تمرق بمطارح مش قادر تقعد فيها، قهوة مطعم مكان للسهر، وتحس حالك غلط بأول مشوار بتروح فيه على هيك محل. إنت ما بتكون غلط، بس عارف هالمحل مش لإلك.
الفقر هو وقت تنزل عالشارع من حريق قلبك تصرّخ وتواجه وتحاول تعمل أي شي يخلّيك محافظ عالقليلة عالقصص البسيطة اللي عندك ياها. وقت تتحارب من كل الناس لأن في ناس غلط معك، بس إنت عارف وحاسس بقيمة الشي اللي عم تخسره ورح تخسره.
الفقر هو وقت تصير عايش هاجس الدولار والمصاري والدوا والبنزين وارتفاع الأسعار وتصير تحلم فيهن ويأثروا على كل تفاصيل حياتك. لأن إنت بعكس الناس مش قادر تتأقلم. لأن بتعرف كتير منيح شو يعني حرمان وشو يعني فقر وشو يعني عازة.
الفقر هو وقت إنت بدّك تترك هالحياة من يأسك وقرفك وكرهك للعجز اللي إنت فيه، بس تنجبر تضلّ عايش وتعلّم حالك تصمد وتحارب وتواجه وتتحمّل كتير قصص بشعة بس كرامة أهلك. أهلك اللي صرت تخاف تموت ويكملوا من بعدك عم يطلبوا ويسألوا ويعوزوا حدا.
الفقر هو وقت تخاف تخسر أمّك أو بيّك لأن الموت بيكلّف. بيكلّف خسارتهن وبيكلّف مصاري إنت ما معك ياها. بتخاف تقصّر معهن حتى بعد مماتهن.
"لا تسمح لأي عـرص شبعان يقلّك أصبر عالجوع".
لأن هيدا العـرص الشبعان بآخر النهار رح ينام باله مرتاح. برّاده مليان واولاده نايمين تحت المكيّف موعودين بكرا يروحوا باي ومرته بكرا عندها موعد نفخ. ولأن آخر همّه يعوز مستشفى، عامل تأمين.وآخر همّه يأمّن الدوا، لأن بيعرف حدا بيأمّنله ياه.
لأن هيدا العـرص الشبعان بآخر النهار رح ينام باله مرتاح. برّاده مليان واولاده نايمين تحت المكيّف موعودين بكرا يروحوا باي ومرته بكرا عندها موعد نفخ. ولأن آخر همّه يعوز مستشفى، عامل تأمين.وآخر همّه يأمّن الدوا، لأن بيعرف حدا بيأمّنله ياه.
بس الفقر بيعلمك. بيعملك حدا كتير قوي حتى لو انكسرت وحتى لو الدني كلّها مسحت فيك الأرض، عارف حالك ما بيجي يوم وبتوطّي فيه راسك لحدا.بتنكسر وبتعرف قيمة الدّين كتير منيح إيه، بس بتعرف إنو اللي قصدته منّه "عـرص شبعان" رح يقلّك بيوم أنا عملتلّك.
ما حدا عملني. أنا الفقير هيك عملت حالي.
ما حدا عملني. أنا الفقير هيك عملت حالي.
جاري تحميل الاقتراحات...