ثريد : انا و ابوي الظابط في سطور
ابوي كرهتو أتاخر برا البيت حدو الساعة عشرة يتصل لي يا ولد انت وين حتى اصحابي بشغولها لي لمن تجي مكالمة يهمزو لبعض اتصل اتصل
مستحيل يخليني امشي معاه مناسبة اسرية و انا ما حالق نمرة واحد مرة صممت ادك عقد ود عمنا بسبب شعري لقيتهم حالقين لي و انا نايم هو و اختي الكبيرة
ابوي بتصل لي بدون سبب انت وين و قاعد تعمل شنو ؟ ومرات يقول لي تعال عندي معاك موضوع و اصلا بكون ماف اي موضوع ايام الجامعة بحظرو نص النهار عشان البت الخالطها ما تشك اني بخونها
و انا عمري 10سنوات اخدت انطباعي الاول في الحب من فلم تاجوج غشيت بت جيرانا قلت ليها نمشي نركب الطيارة مشيت لفيت بيها المدينة كلها فقدونا واهلها فتحو بلاغ جينا المساء وهم متلمين في بيتنا وامها بتبكي ابوي قال ليها تفرحي و لا تبكي ام ضفائر دي شكلها تاني في حياتها ما بتلقى رحلة زي دي
ابوي اكتر واحد بصدقني ايام الثانوي قاعد اتعرص في استاذة عرفوني بسبب لجنتي رفضت يدقوني طردوني اجيب ابوي حكيت ليه القصة و حلفت بالله انا برئ جا قال ليهم الود دا مستحيل يعملها لكن ادوني انا بجلدو في البيت قال لي جلدتك براحة عشان صادق قلت ليه والله كضبت ليك رجعني الصباح دقوني 5سوط
ابوي داير يعرف اي زول انا بعرفو صحبي زول شغال معاه زول لاقيتو في الشارع آخر مرة في العيد حالف يتكلم مع مدير الشغل قلت ليه ما حتقدر تفهم لهجتو اصر علي اديتو قال للمدير : الود دا كيف في التدخين المدير قال ليه: منقصرش معاه والله لكن ميدخنش برشا مرة مرة
جاري تحميل الاقتراحات...