@mustafajorry أنا لقيتها في عمر ٣١ سنه ! بس بعد فترة خلوه مع النفس و اكتآب لمدة ٥ شهور ومعاناه شديده مع روتين الغربه الممل، البيقول ليك لقيتها في ال٤٠ قول ليهو شبكتك كانت ضعيفه ويادوب لقيت ليك واي فاي عملت بيهو تحديث لشخصيتك !؟😭🤭😂 تابع معاي الثريد ده (1)
@mustafajorry خلينا نحلل مفهوم "لقيت نفسي" في البدايه ونعرف هو شنو!عشان ندلك على الطريق المختصر الممكن يوصلك ليها من غير تنظير و فلسفه كتيره. كلنا بنتولد زي هاردسك جديد! أهلنا بيملوهو قيم وأوامر و عاهات وتقاليع بيسموها مجازاً بالعادات والتقاليد. يللا رحلة التحلل من العقد دي والبحث بنسميها(2)
@mustafajorry (رحلة البحث عن الذات)! روحك العالقة في القالب الطيني البنسميهو الجسد، ضميرك البي يأنبك كل ماعملتا حاجة تخالف برمجتك البرمجوك بيها أمك وأبوك، وقيم مجتمعك البتكون عادةً خاطئه و مقيّده وبتخاف أي عادات كويسه جديده، حتى لو العادات دي أفضل من معتقداتهم البدائيه بكتير(3).
@mustafajorry شوفوا ! أي زول بيخاف من أي معتقدات جديده أو نقاشات عقلانيه و دينيه، ده معناهو إنو معتقداتو القديمه باليه وماليها أساس متين وخايف على إرثه وقناعاته القديمه من الهدم... موضوع إنو تهدم القديم و تبني جديد على أساس متين ده حاجه صحّيه جداً وخطوه أولى نحو التغيير واكتشاف الذات(4).
@mustafajorry من أهم الحاجات الح تعينك في اكتشاف ذاتك و تصالحك مع نفسك هي القراءه في مجال التنميه البشريه! لأ...ما بتاعت النصابين البيقولوا ليك: غمض عينك واتخيل نفسك أسد😭🤭القاصدها ليك هي البتخليك تكتشف الخلل في نفسك وتصلحو من خلال تجارب ناس قبلك وأبحاث عملوها العلماء على شريحه من ناس زيك(5)
@mustafajorry أكتر كتب ساعدتني في رحلة اكتشاف ذاتي هي كتب الزول الرهيب ده @DrSherifArafa و الإكتشفتها بالصدفة المحضه وأنا الكنت بتابع رسوماته الكاريكاتيريه بشغف لما كنت شغال رسام كاريكاتير في إحدى الصحف السياسية السودانيه أثناء فترة الجامعه! كانت فكرتي عن مجال #التنمية_البشرية زي أغلب الناس(6)
@mustafajorry @DrSherifArafa التنميه البشريه عباره عن نصب واحتيال ودغدعة المشاعر وتخديرها بكلمتين حنينين! كانت دي فكرتي الخاطئه الاتلاشت تماماً بعد قراءتي لأول مؤلفاته #لماذا_من_حولك_أغبياء : دليلك الشخصي لخلق تواصل مع أشخاص لايفهمونك ! كان هدف الكتاب إنو يفهّمك نفسك في الأول قبل ما تفهم الناس، أكتر حاجه(7)
@mustafajorry @DrSherifArafa أكتر حاجه عجبتني في الكتاب هي الفصل الأخير بعد ما اتكلم عن :المشاكل، العلاقات الزوجيه، لغة الجسد، وعقد البشر الأساسيه إنو قال : لو عايز حل لكل مشاكلك بنسبة ١٠٠٪ شوف الصفحات الجايه، تقلب الصفحه تلو الأخرى وتكتشف إنها فاضيه😭🤭وإنو استحاله ماتحصل مشاكل في حياتك، وهدف الكتاب إنو(8)
@mustafajorry @DrSherifArafa يخليك تقلل المشاكل الناتجه عن سوء التفاهم وسوء التواصل مع البشر إلى الحد الأدنى!وإنو ماعندو عصايه سحريه في الكتاب ده عشان تلغي مشاكلك تماماً، المشاكل لازم تحصل-دي سنّة الحياه-وكل العلينا إننا نعرف نتجاوزها و نتعامل معاها التعامل الأمثل... ماتتصوروا حجم تأثير الكتاب عليّ🤩🥰❤️
@mustafajorry @DrSherifArafa بقيت بقرأ الناس قبل ما اعرفهم ! عندي حاسه سادسه زي عين #بيغاسوس الكان بيشوف ورق #يوغي قبل ما يلعبوا، ويهزمو في كل مره، لحد ما يوغي اكتشف الخاصيه دي وقدر يخدعه و يكسب المباراه بعد عناء، بعرف الناس من حركاتهم ولغة جسدهم واتواصل معاهم بشكل أفضل من المتوقع، وأكسبهم في صفي
@mustafajorry @DrSherifArafa تاني كتاب قريتو ليهو كان #برمج_عقلك ! للأسف كان مطبوع واتسحب من الأسواق وللا الحصل شنو ما عارف، كانت الفرحه كبيره لما لقيتو PDF في أحد المنتديات ! الكتاب كان قوي وبيتكلم عن حاجه اسمها: #البرمجة_اللغويه_العصبيه وتصنيف الناس من حيث تعبيرهم عن مشاعرهم: بصريين وحسيين و سمعيين(10)
جاري تحميل الاقتراحات...