ثريد | خطة دمبلدور الكبيرة
راح انقل لكم نظرية عن خطة دمبلدور الكبيرة، النظرية ترجمتها و نقلتها من اليوتيوب من قناة SuperCarlinBrothers قناتهم حلوه و فيها نظريات كثيرة عن هاري بوتر، ديزني، بيكسار ..الخ
السبب الي خلاني انقل هالنظرية بالذات لان دمبلدور شخصيتي المفضلة و تعتبر من الشخصيات الذكية جدا و اتنرفز لمن اشوف الاغلب يكرهه لان من وجهة نظرهم ان دمبلدور ترك هاري يواجه فولدمورت بروحه و ما علمه شي بس بهالثريد راح نشوف شلون دمبلدور كان مسؤول عن كل شي تقريبا
النظرية طويلة و تم تقسيمها بناءا على السبع اجزاء من الكتب، و بما اني ما خلصت باقي الاجزاء، راح انزل الجزء الاول بعدها راح انزل جزء جزء اول ما اخلصهم
خطة دمبلدور الكبيرة | الجزء الاول حجر الفيلسوف
حسب النظرية دمبلدور كان عنده ثلاث خطط رئيسية حق هاري للسنة الاولى له بهوجورتس و هي :
1- يتأكد أن هاري ما يدخل سلذرين
2- يقيم و يفهم شخصية هاري
3- يختبر مهارات هاري
1- يتأكد أن هاري ما يدخل سلذرين
2- يقيم و يفهم شخصية هاري
3- يختبر مهارات هاري
1- يتأكد أن هاري ما يدخل سلذرين
كلنا بالنهاية عرفنا ان مو شرط كل شخص يدخل سلذرين يكون شرير و وابد بوترهيد يحبون هالبيت و اصلا اغلب الي احصلهم يقولون بيتهم سلذرين احيانا بس لانهم يحبونه
كلنا بالنهاية عرفنا ان مو شرط كل شخص يدخل سلذرين يكون شرير و وابد بوترهيد يحبون هالبيت و اصلا اغلب الي احصلهم يقولون بيتهم سلذرين احيانا بس لانهم يحبونه
على الرغم من هذا دمبلدور كان حريص جدا إن هاري ما يدخل هذا البيت لان كان خايف اذا كان محيط هاري سلبي و اغلب الطلبة عوايلهم ديث ايتر راح يتأثر هاري فيهم و ممكن يقنعونه ينضم لهم، مع هذا دمبلدور ما كان يبي هاري يدخل فبيت معين اهم شي يمنعه من سلذرين. و هذا الشي نشوفه دايما بدمبلدور.
و هذا الشي نشوفه دايما بدمبلدور. انه دايما يبعد هاري عن القرارات السيئة بس ما يقوله شنو القرار الي لازم يختاره و يترك هالشي حق هاري عشان يقرره. في عاملين ساعدوا ان هاري ما يختار سلذرين و هم:
1- لقاء هاري بهاجريد
لو كنت قاري الكتب بتعرف ان هاجريد قال حق هاري ان منزل سليذرين هو الاسوأ من منازل هوجورتس و كل الاشرار طلعو منه، بالفلم رون هو الي قال هالشي، و حسب النظرية ان دمبلدور هو الي طلب من هاجريد يذكر هالشي و فعلا هاري من وقتها كره البيت و كان خايف ان يكون فيه.
لو كنت قاري الكتب بتعرف ان هاجريد قال حق هاري ان منزل سليذرين هو الاسوأ من منازل هوجورتس و كل الاشرار طلعو منه، بالفلم رون هو الي قال هالشي، و حسب النظرية ان دمبلدور هو الي طلب من هاجريد يذكر هالشي و فعلا هاري من وقتها كره البيت و كان خايف ان يكون فيه.
2- لقاء هاري مع عايلة ويزلي
في شي غريب راح نلاحظة لمن نشوف او نقرأ الرواية الاولى و هو اللحظة الي السيدة ويزلي قاعد تسأل عيالها بصوت عالي شنو رقم المحطة الي نسافر فيها ؟، و هذا شي غريب لان رقم محطة هوجورتس ما تتغير و كانت دايما 9¾ خصوصا ان مولي راحت هوجورتس من قبل.
في شي غريب راح نلاحظة لمن نشوف او نقرأ الرواية الاولى و هو اللحظة الي السيدة ويزلي قاعد تسأل عيالها بصوت عالي شنو رقم المحطة الي نسافر فيها ؟، و هذا شي غريب لان رقم محطة هوجورتس ما تتغير و كانت دايما 9¾ خصوصا ان مولي راحت هوجورتس من قبل.
غير جذي مولي عندها سبع عيال و اثنين منهم كانوا متخرجين بهاللحظة، و لو نحسبها مولي زارت محطة هوجورتس لمدة 17 سنة، ففكرة ان مولي نست رقم المحطة مستحيله إلا لو مولي كانت متعمدة انها تسأل هالسؤال بصوت عالي عشان هاري يسمعها و يلتقي فيهم.
ليش؟ لان دمبلدور يبي يتأكد ان أول عايله سحرية يلتقي فيها هاري تكون عايلة ويزلي، لان لو دمبلدور يبي بيئة هاري تكون صالحة ما في افضل من عايلة ويزلي لهذا الغرض بما انها عايلة طيبة و معروفين كل افرادها تخرجو جريفندور.
و فعلا لو كانت النظرية صحيحة فدمبلدور نجح بهذا الشي لان بالاخير نشوف هاري يطلب من القبعة إن ما يكون سلذرين و ما يهمه اي بيت ثاني يكون فيه بس المهم ما يكون سلذرين.
2- يقيم شخصية هاري
الهدف ثاني بخطة دمبلدور ان يعرف شخصية الولد الي راح يتعامل معاه يبي يعرف اعمق رغباته عشان يفهمه. و من افضل و اسهل الطرق عشان تعرف اعمق رغبات الشخص هي من خلال مرآة ايرسيد !
الهدف ثاني بخطة دمبلدور ان يعرف شخصية الولد الي راح يتعامل معاه يبي يعرف اعمق رغباته عشان يفهمه. و من افضل و اسهل الطرق عشان تعرف اعمق رغبات الشخص هي من خلال مرآة ايرسيد !
" أنا لا احتاج عباءة لإخفاء نفسي "
تعتبر من الجمل الغامضة الي قالها دمبلدور لهاري، اذا ناسين اذكركم بعد ما هاري استلم عباءة الاخفاء الي شخص مجهول اعطاه اياها بالكريسمس، طبعا ندري الشخص المجهول هو دمبلدور، هاري استخدم العباءة عشان يروح المكتبة
تعتبر من الجمل الغامضة الي قالها دمبلدور لهاري، اذا ناسين اذكركم بعد ما هاري استلم عباءة الاخفاء الي شخص مجهول اعطاه اياها بالكريسمس، طبعا ندري الشخص المجهول هو دمبلدور، هاري استخدم العباءة عشان يروح المكتبة
و بطريقه صارت حادثة بسيطه خلته ينهي المطاف بغرفة و في هالغرفة لقى مرآة ايرسيد الي تخلي الشخص يشوف اعمق رغباته تصير حقيقة، و بعد ما هاري زار الغرفة اكثر من مرة بالاخير نلقى دمبلدور طلع من العدم و قال حق هاري “ so back again, harry”.
واضح من كلمة again أن دمبلدور كان يدري ان هاري كان قاعد يزور الغرفة اكثر من مرة على الرغم من ان هاري كان يستخدم عباءة الاخفاء وقتها و على ما يبدو ان دمبلدور يعرف تعويذة تخليه يصير خفي.
و اكيد كان موجود من اليوم الاول لهاري مع المرآة لمن هاري نادى رون و قاله بصوت عالي ان قاعد يشوف اهله واقفين وراه، لان غير جذي محد يقدر يشوف شنو الشخص قاعد يشوف و هذي الطريقة الوحيدة الي ممكن دمبلدور عرف هاري شنو شاف. و فعلا بعد ما هاري قاله شلون دريت رد عليه بالجملة الي فوق.
السؤال دمبلدور ليش كان يلحق هاري ما عنده شغل يسويه 😂؟ الا لو كان مخطط ان هاري يلقى المرآة و يستخدمها + يمكن بيشوف كيف هاري يستخدم العباءة
حسب النظرية دمبلدور متعمد ان يحط المرآة بهذي الغرفة، لان لو نحسب المدة من اليوم الي هاجريد اخذ فيها الحجر الي كان بنهاية شهر 7 و الشهر الي هاري لقى فيها المرآة كان نهاية شهر 12 يعني تقريبا 5 شهور مستحيل دمبلدور بياخذ طول هالمدة عشان ينقل المرآة للسرداب.
حسب النظرية المرآة ما كانت دايما موجودة بهالغرفة لان بالايام العادية المدرسة تكون مزدحمة و احتمال ان واحد من الطلبة يلاقيها احتمال كبير اما بيوم الكريسمس ما في الا شوي طلبة بالمدرسة و الاغلب لاهي بالعطلة + لو نلاحظ هاري لقى المرآة بعد يوم واحد من اليوم الي استلم فيها العباءة
3- يختبر مهارات هاري
ثالث هدف بالخطة ان دمبلدور يختبر مهارات هاري، يمكن كلنا سألنها نفسنا ليش العوائق الي حاطينها عشان تحمي الحجر سهله لدرجة طلبة سنة اولى ما يعرفون الا چم تعويذة قدروا يجتازونها !!!
ثالث هدف بالخطة ان دمبلدور يختبر مهارات هاري، يمكن كلنا سألنها نفسنا ليش العوائق الي حاطينها عشان تحمي الحجر سهله لدرجة طلبة سنة اولى ما يعرفون الا چم تعويذة قدروا يجتازونها !!!
و هذي العوائق محطوطه على اساس انها تحمي حجر مهم جدا من ساحر ظلام شرير الي تم نقله من بنك جرينجوت ثاني مكان امن بالعالم عشان يحطون له عوائق اطفال تعدوها، إلا لو كانت هذي العوائق محطوطه من الاساس مو عشان تحمي الحجر و لكن عشان تختبر الثلاثي.
و لو فعلا نفكر فيها العوائق الي تم اختيارها كلها تناسب قدرات الثلاثي، مثل الشطرنج كلنا ندري ان رون ملك الشطرنج، الطيران على مكنسه و مفاتيح تطير !! هاري اساسا اصغر باحث كويدتش و هذا اكثر شي يعرفه بالعالم، لغز سنيب * بالكتاب بس بالفلم محذوف* هيرموني ذكية و تحب الالغاز.
ترول !! * هم عائق كان موجود بالكتاب * اساسا الثلاثي قدروا يطيحون ترول بيوم الهالوين، و حتى هاري قال حق رون و هيرموني :
+ اساسا دمبلدور ما كان يحتاج العوائق عشان يحمي الحجر كان يقدر يخلي المرآة بمكتب كويرل و يتركه طول السنة و ما راح يقدر يلقى الحجر لان بالنهاية بس الي يبي يلقى الحجر و ما يبي يستخدمه راح يلاقيه، و هذا سبب ثاني مقنع لموضوع ان العوائق كانت محطوطه عشان دمبلدور يختبر قدرات الثلاثي.
• أشياء عامة تعتبر دليل على الخطة
- عدد المرات الي هاجريد عطى فيها معلومات للثلاثي بالغلط !!
ممكن هاجريد كان فعلا متعمد ان يعطيهم هالمعلومات عشان تساعدهم بطلب من دمبلدور.
- عدد المرات الي هاجريد عطى فيها معلومات للثلاثي بالغلط !!
ممكن هاجريد كان فعلا متعمد ان يعطيهم هالمعلومات عشان تساعدهم بطلب من دمبلدور.
- قفل الباب الي يحرس الحجر
طبعا يا إن دمبلدور يستهبل أو ان كان متعمد ان يخلي الباب ينفتح بتعويذة بسيطة اي طالب يقدر يسويها Alohomora، يعني مستحيل حجر مهم و غرفة محظورة على الطلاب و يبون يحمون فيها حجر من ساحر شرير و اخر شي الباب ينفتح بهالتعويذة لو مو قافلينه احسن لهم 😂🤦🏻
طبعا يا إن دمبلدور يستهبل أو ان كان متعمد ان يخلي الباب ينفتح بتعويذة بسيطة اي طالب يقدر يسويها Alohomora، يعني مستحيل حجر مهم و غرفة محظورة على الطلاب و يبون يحمون فيها حجر من ساحر شرير و اخر شي الباب ينفتح بهالتعويذة لو مو قافلينه احسن لهم 😂🤦🏻
و هذا دليل ثاني على ان موضوع العوائق كله كان مجرد اختبار، و لا في اقفال مستحيل تنفتح بتعويذات بسيطة مثل ما شفنا بفنتاستيك بيست.
- دمبلدور كان يدري ان كويرل هو الشرير بس يبي هاري يكتشف هالشي بنفسه، و لا مستحيل دمبلدور تمشي عليه سالفه لعن مكنسه هاري ! و شخص دخل ترول بالمدرسة + دمبلدور يثق بسنيب و اكيد سنيب قاله ان كويرل يسعى لشي بما ان سنيب يقدر يقرأ العقل و فعلا اكثر من مرة صار اشتباك بس سنيب و كويرل.
- نيكولاس فلاميل كان مقرر ان يموت من قبل احداث الكتاب. حسب النظرية نيكولاس كان مقرر ان يموت عشان جذي اعطى دمبلدور الحجر لان مستحيل فلاميل يرضا ان يتخلص من حجر الي يعتبر من اكبر انجازات حياته عشان اخر شي يدمره بهالسهوله، الا لو كان مقرر ان خلاص بيموت و اعطى دمبلدور الحجر.
و دمبلدور قرر ان يستخدم الحجر بخطته.
انتهيت من الجزء الاول ترقبوا باقي الاجزاء. 💙 و ان شاء الله عجبكم و ما كنتو شايفين النظرية من قبل.
التكملة
الجزء الثالث
الجزء الرابع 🤍⚡️
جاري تحميل الاقتراحات...