مشاكل السياحة كثير وتختلف بالقاهره عن مدن الشواطيء وتختلف عن الاقصر واسوان ولو سياحة منفرده او مجموعات- هكتب كلام عام وليس كمتخصص كان مسئول عن ١٧٠٠ غرفة ٥ ⭐️- فتحنا بكل فخر السوق الروسي-الاوكراني-الاسكندنافي-الروماني-الياباني-بشرم الشيخ ولكني هكتب كلام عام ١
لو عاوزين تعرفوا مشاكل السياحة لازم تفكروا بدماغ السائح وانه دافع فلوس في اجازه- ومتعود ياخد خدمة مقابل كل سنت او مليم دفعه-عاوزين سياحة بجد لازم تفكروا الناس بيواجهوا ايه يوميا- ايوه اتعودنا وقلبنا الحاجات دي لضحك ولكن تظل ضاغط نفسي علينا- السايح مش بيفهمها- ٢
المطارات وعدد اللي عاوز يشيل لك الشنط وعربيات الشنط التعبانه الي اللي بيشيل لك الشنط لجهاز الجمارك اللي عاوز بقشيش الي التعامل المرعب مع الشنط بالمطارات- وبعدها يقابل وسيله المواصلات اللي بتطلب اجرة مضاعفة لانه اجنبي- وبعدها لو نزل الشارع هو وحظه فيه شويه عيال ثقيله ام لا ٣
مش هتكلم عن التحرش او المعاكسات او الاستظراف ولكن سوف يواجة مشاكل المواصلات لو سياحة فرديه او اسريه وهما كثير اللي اوبر حلها بدول كثير وعندنا اوبر للاسف مبقاش ذي الاول- وتخيلوا لو ركبوا مترو الانفاق او ركبوا تاكسي بشرم والغردقة وتفاوت الاسعار- فكروا بفكر السائح ٤
شوف السائح الاوربي عايش اذي ومتعود علي ايه وهتعرف مشاكلنا هل لو اشتري حاجة هيعرف يرجعها هل لو زار الاهرامات هيكون براحتة ولا بتوع منطقة الهرم يسيطروا عليه الوضع طبعا افضل في اسوان والاقصر ومدن الشواطيء ولكن لا ننسي الخراتيه وازعاجهم ومضايقتهم و بص المصري بيواجه ايه ببعض الاحيان ٥
السياحة بالمدن الكبري معتمدة علي الحظ-تنزل وحظك المنيل عيال صيع سخيفة او حظك مفيش عيال سخيفة-سمعنا قصص تعتبر مأسي بجد وسمعنا قصص تفرح اوي ولكن السياحة ذي الماشروم النووي السيء يتم تضخمية والجيد لا يذكر ودا مش مؤامره دا العادي في الانسان انه يضخم السيء لانه مش متعود علي السيء ٦
ولا ننسي عاملين الفنادق وتدريبهم وخطوره ان الصناعه مسيطر عليها ناس لا علاقة لهم بالفنادق بل مستثمرين ومصممين هما اللي يديروا وعليه حرق اسعار مش مهم اعلانات واهية مش مهم- افتري علي العمال ومشاركتهم في ضريبة الخدمة مش مهم- بل لو نقصت ضريبة الخدمة بيطنش يدعم ناسه وهما الناس اللي ٧
اصول يخدموا السياح- الي مصيبه الفنادق الثلاث نجوم اللي بتصور صور تحفة علي التطبيقات والسائح يحجز وينزل يجد انه بمكان بشع- فكروا السائح عاوز ايه وايه المشاكل اللي سيدات وبنات مصر بتواجها ورجالها ايضا وفكروا في مراقبه الجوده ومراقبة العماله الغير مدربة والعماله الاضافيه بالمطارات٨
ونظفوا الشوارع من الخراتيه وشددوا من قوانين الغش واليات تطبيق الشكاوي- فكروا لو بنت تم التحرش بها واهلها عاوزين يبلغوا يواجهوا ايه شرطة السياحة بتعمل ايه (مهذبين وبيعملوا شغلهم ولكن بطريقة احنا متعودين عليها والاجنبي يتخض منها من عدد اللي داخلين ياخدوا الاقوال الي نوعية الاسئلة)٩
بلدنا حلوة وتستاهل اكثر وتستاهل تتعدي ارقام السياحة بدول اقل منا- بلدنا ناسها طيبة ولكن السيئة بتعم ودائما تذكروا رسم الانفجار النووي ان سيئة واحدة تتضخم الي ان تصل الي شكل رأس المشاروم والايجابيات بتكون الساق الرفيعه ودي مش مؤامره بل طبيعه البشر لازم نتعامل علي طبيعه البشر
جاري تحميل الاقتراحات...