بما ان محمود اتكلم عن الموضوع ده، عرض لفترة محدودة بما اني قاعد فاضي 😅 لو انت في مجال الtech وعندك خبرة اكتر من ٣ سنين وبتقدم على شغل بره، ابعتلي السي في بتاعك اديك فيدباك سريع عليه 😉😄ا
اللي مش في الtech او خبرته قليلة ما يبعتش بعد اذنكم، لاني مش حعرف افيده، وحيفصلني فحبطل 😅
اللي مش في الtech او خبرته قليلة ما يبعتش بعد اذنكم، لاني مش حعرف افيده، وحيفصلني فحبطل 😅
تعليق عام لكل الناس: حطوا معلومات على لينكد ان. اكتبوا تحت كل وظيفة تفاصيل عن عملتوا فيها ايه و اشتغلتوا بtech ايه. ده مهم اوي لان الناس لما بيبقى الcv مش مدي معلومات كفاية بيبصوا على لينكد ان. و كمان المعلومات ده تخليك تطلع في السيرش للي بيدور على ناس خبرة في حاجة معينة.
يفضل كمان ان المعلومات على لينكدان تبقى مستفيضة و اكتر من الcv. يعني لو كاتب في الcv سطرين شرح لكل وظيفة، اكتب في على لينكدان ٤ سطور.
حاجة اخدت بالي منها في السيفيهات، بس هي اكتر ملحوظة في الشغل مش في الcv. لو عايزين تسافروا، يبقى ما تتنططوش كتير. لما حد بيفتح cv يلاقيك في ٣ سنين اشتغلت في ٥ شركات، فده مش مؤشر حلو خالص بالنسبة له. عالاقل اقعد في الشركة سنتين يعني، و ممكن سنة تعدي بس لو شركة واحدة اللي كده.
حاجة تانية اخدت بالي منها في اكتر من سي في. الوظايف و الخبرات المفروض تتكتب بترتيب زمني عكسي يا جماعة. يعني آخر وظيفة اشتغلتها تبقى فوق مش تحت.
حاجة كمان، السي في بتاعك ما ينفعش يبقى فيه اخطاء إملائية و اخطاء grammar. ده بيدي انطباع وحش عنك.
ما فيش حاجة اسمها ان الCV لازم يبقى صفحة واحدة فنشيل معلومات مهمة و الCV يبقى ما بيديش صورة كاملة عن شغلك و خبرتك. مش عيب و الله يا جماعة ان الCV يبقى صفحتين. المهم انه ما يبقاش فيه رغي و يبقى سهل في القراية. بس اهم حاجة توضحوا خبرتكم و الTech اللي اشتغلتوا بيها، حتى لو صفحتين!
في رايي الشخصي ما لوش لازمة في الCV انك تعمل سكشن الobjective او الsummary لو مش حتكتب حاجة مميزة فيه. لو حتكتب كلمتين اسطمبه من نوعية "مهندس شاطر بيحب الشغل اوي"، الاحسن توفر المساحة ده لحاجات افيد.
جاري تحميل الاقتراحات...