اليوم الاربعاء الموافق 21 يوليو 2021
أصدقائي الأعزاء ..
عايز اتكلم معاكم اليوم عن موضوع مهم وهو
الإحتياج
كلمة صغيرة شايلة هموم كتيرة في كل حرف من حروفها ... ومعاني كتير .. اكتر كلمة ليها الف تفسير ومعنى ..!!
أصدقائي الأعزاء ..
عايز اتكلم معاكم اليوم عن موضوع مهم وهو
الإحتياج
كلمة صغيرة شايلة هموم كتيرة في كل حرف من حروفها ... ومعاني كتير .. اكتر كلمة ليها الف تفسير ومعنى ..!!
مفيش ولا واحد فينا موقعش تحت رحمة الإحتياج سواء لأب أو لأم أو لأخ أو لحبيبة أو صديقة أو ... أو ..
دائمًا في إحتياج لحاجة شايفينها في حد ...
يعني لو نفهم معنى الإحتياج صح هنعرف أنه إحتياج لإحساس ..
دائمًا في إحتياج لحاجة شايفينها في حد ...
يعني لو نفهم معنى الإحتياج صح هنعرف أنه إحتياج لإحساس ..
بالظبط زي العطشان وقدامه كوباية مياه ... إحتياجه هيخليه يشرب بس لو شرب وشبع إحتياجه ... الموضوع هيتغير ..
علشان كدا دائمًا بنقول متخليش الطرف التاني يحتاج لمشاعر مش لاقيها معاك ... وكل علاقة فيها مليون نوع إحتياج ... متخليهوش يدور علي الاحساس اللي محتاجله مع شخص تاني ...
علشان كدا دائمًا بنقول متخليش الطرف التاني يحتاج لمشاعر مش لاقيها معاك ... وكل علاقة فيها مليون نوع إحتياج ... متخليهوش يدور علي الاحساس اللي محتاجله مع شخص تاني ...
زي الاب لما بيكون قاسي علي بنته ... اول واحد هيلف دماغها بكلمتين فيهم حنان قلبها هيضعف قدامه وتبتدي مشاكل كتير والسبب ... كان إحتياج ...
أوقات الإحتياج كمان بيكون لاحساس مرتبط بشخص معين وده اصعب انواعه ... زي محتاج احس براحة في حضن إنسان معين ... محتاج اضحك بس الضحكة اللي نفسي فيها مرتبطة بإنسان معين ... بس في الوقت ده ... الإحتياج بقي اسمه حب .. وده الفرق بين الاتنين ...!!
حاول تعرف وتسأل نفسك ... انا بحبه علشان محتاجله ولا محتاجله علشان بحبه ..!!
لأن غالبا الحب اللي بيكون سببه إحتياج بيفشل ومبيكملش صح لحد الآخر .....
لأن غالبا الحب اللي بيكون سببه إحتياج بيفشل ومبيكملش صح لحد الآخر .....
في ناس كتير بتهرب منه وبتعتبره ضعف ... مع أن الإحتياج دائمًا متغير ومش ثابت .. أوقات تحتاج أمان واوقات ثقة .. أوقات تحتاج ناس حواليك واوقات تحتاج تنعزل ...
مهم أوي أنك تعرف الفرق بينه وبين الحب ... مهم أوي تعرف انت محتاج لإحساس ولا فعلا بتحب .... مهم تعرف ان في فرق بين الاحتياج وبين التمني ..... مهم أوي تقف قدام مرايتك وتسأل نفسك ... أنا عاوز ايه ...
جاري تحميل الاقتراحات...