قال سنة ١٩٩٢ تحمسوا الشباب وعينوا أول مجلس أعلى لمحاكمة الرؤساء والوزراء وقالوا منجرّب بقضية صفقة البوما وأمين الجميّل.
قام شكلوا لجنة تحقيق نيابيّة بصلاحيات قضائية ب كانون الأول ١٩٩٤ ومعها مهلة ٤ أشهر لترفع تقريرها لمجلس النواب وبرئاسة إيلي الفرزلي (ايه ما غيره).

متل العادة الأربع أشهر صاروا سنتين وبكانون الأول ١٩٩٤ إجتمع المجلس النيابي ليستمع لإيلي الفرزلي ليعرف الشي الخطير لتوصلت له لجنة التحقيق.
قام أخونا طرقهم بيتين شعر (مش مزح) وصار يجعدن أنو شائعات وما بيّن معو شي وفي اسم فرنسا بالدق والقضية صار عمرها ١٠ سنين وتفلسف بأشيا بلا طعمة

وشعر ونثر.
قامت ضاعت الطاسة وبلشوا يحكوا النواب شي يقول انو اللجنة خيبت له أمله وشي يقول اذا بدنا نظن بأمين الجميّل بدنا ٨٦ صوت وشي يقول ليش ما منحاكمه قضاء عادي، المهم كذا حدا قدّم اقتراح وبرّي يعمل تصويت سريع والنواب يضيعوا ما يعرفوا ع شو عم بصوتوا وشو أقليّة وشو أكتريّة.

آخر شي صوتوا على إقتراح نجاح واكيم لبقول تحميل أمين الجميل المسؤولية واحالة الملف الى النيابة العامة لاستكمال التحقيقات اللازمة.
وهيدا كان وجه الضيف

*كانون الأول ١٩٩٢