ثريد - فيه حاجة حابب اشاركها معاكم رغم اني عارف ان كل شئ بيتكتب على السوشيال ميديا غالبا بيتحرف او بيتفهم غلط، بس مش مهم
من كام سنة قررت ان البوصلة في حياتي تكون الوقت، اصبح الوقت هو المقياس اللي من خلاله بصنف كل شئ وبالتالي اي شئ لا يستحق الوقت بيخرج من حياتي فورا 1️⃣
من كام سنة قررت ان البوصلة في حياتي تكون الوقت، اصبح الوقت هو المقياس اللي من خلاله بصنف كل شئ وبالتالي اي شئ لا يستحق الوقت بيخرج من حياتي فورا 1️⃣
الوقت هنا مش معناه دراسة الفيزيا ثم الكيميا واخلصهم وادخل في الفلك، لأ طبعا، لكن اعمل شغلي كويس واحاول اتعلم حاجة جديدة واحافظ على علاقتي باللي يهموني بس، ومش شرط دايما اعمل شئ جاد، بمعنى، قعدة حلوة مع صحابي قعدنا نضحك فيها ومقولناش ولا كلمة جد دي بالنسبة لي وقت جميل مش ضايع 2️⃣
لكن مثلا، حد مش قريب مني وزعلان مني بدون سبب واضح، ملوش وقت، حد بيكرهني وبيتكلم عني بشكل سئ بما ليس فيا، ملوش وقت، حد جاب سيرتي في برنامج والمفروض اطلع ارد عليه، هو واللي قاله غالبا مش مهمين وملهمش وقت، حد رغاي ومزعج ومبيقولش جملة جادة او مفيدة، ملوش وقت، وهكذا 3️⃣
الشئ الاهم واللي عندي فيه رأي من سنين لسه متغيرش هو التجمعات، عدد من البشر ميعرفوش بعض بشكل شخصي لكن بيجمعهم شئ ما، ده شئ ظريف جدا طول ما العلاقة فيها مساحة، لكن اعتقاد ان شئ واحد مشترك بين مجموعة من الناس كافي انهم يفتحوا حياتهم على بعض ده اعتقاد ساذج وبوابة مشاكل لن تنتهي 4️⃣
قد يبدو الكلام ده خالي من الرومانسية وكلمات الاغاني لكنه واقع، التجمعات ممكن تخرج منها بأصدقاء عمر، لكن لازم تعرف انهم اصدقاء بسبب حاجات كتير مش مجرد شئ واحد بيجمعكم، مهما كان الشئ ده كبير ومهم لكنه شئ واحد، وجوده لوحده لا يعني شئ، الجانب الآخر من التجمعات هو التحزب 5️⃣
كل ما كان التجمع كبير كل ما كان اي موقف مهما كان تافه كافي لتفرقة التجمع ده لأحزاب وكل حزب بقت مشكلته مع باقي الاحزاب حياة او موت، تفاهه مرعبة، لكنها بتحصل طول الوقت، عشان كده تجنب الاندماج المتسرع مع ناس متعرفهمش شحصيا بيوفر وجع قلب وتعب اعصاب وسوء فهم، والاهم، بيوفر الوقت 6️⃣
الكلام ده مش ببلاش، لان كل ما هتتجنب شئ او هتقرر متتفاعلش مع شئ هيتم اتهامك بالغرور، اتهام مؤقت مش المفروض يهزك، لما كل الاشياء اللي انت تجنبتها ومضيعتش فيها وقتك تطلع تافهه كل اللي اتهمك بالغرور هيفهم ولو مفهمش فهو اغبى من ان رأيه يهمك وفي كل الاحوال استفادتك من وقتك اهم، بس
جاري تحميل الاقتراحات...